عندي مشكله مش عارفه اخد قرار فيها انا حاليا مخطوبه لشخص بيحبني جدا بس انا مش بحبه وهو عارف اني مش بحبه بس بحاول ادي نفسي فرصه احبه من تصرفاته معايا وكانت امورنا تمام بس عندي مشكله اكبر مع أهله خصوصا مامته وأخواته البنات ديما مش عاوزينه يقعد معايا اسلوبهم معايا مش حلو مع اني مفيش بيني وبينهم حاجه خالص لا حلو ولا وحش ف المناسبات انا ديما بكلمه هما ولا مره كلموني ولا سألوا فيا اخر موقف أخته الصغيره بيني وبينها 17 سنه بتزعقلي وبتعلي صوتها عليا قدام اخوها وامها وملقتش منهم اي رد فعل خالص عديت اليوم وكلمته بقوله أنا اتضايقت من اختك ف كذا كذا يرد يقولي هو دا صوتها ونقطه كمان أن هو عنده شقته واتفقنا قبل الخطوبه أننا هنغيرها لأنها صغيره جدا وقال تمام دلوقتي جاي يقول بابا قالي متغيرهاش وهاتلك عربيه بس انا قولتله اني مش هتجوز فيها رد قال بس بابا معرفش انك انتي اللي عاوزه تغيري الشقه انا مضايقني أن انا واهلي المفروض متفقين مع راجل المفروض يكون قد كلمته وكمان أن هو شخص سلبي جدا تجاه أهله وكمان أن مامته هي اللي بتقوله هو اللي يمشي مع احترامي الكامل لأهله بس انا المفروض هتجوز واحد يكون مسؤل عني مش هتجوز عيلتخ عشان يقولي كل شويه بابا قال لا ماما قالت وخصوصا أن أهله محدش منهم بيقولي انتي فين اصلا لا في مناسبه ولا ف ايام عاديه حتي ف عيد ميلادي محدش قالي منهم كل سنه وانتي طيبه حتي لما بنعزمهم عندنا بيجوا بيتنا أيديهم فاضيه احنا مش مستنين منهم حاجه انا الحمد لله عايشه ف بيت أهله شبعانين الف حمد وشكر ي رب بس انا ببص لنقطه التقدير بقالي 5 شهور مخطوبه مشوفتش ابدا من أهله تقدير ليا ولا لاهلي خصوصا أن مامته وقت الخطوبه كمان كنت نزلت ونقيت شبكتي وفرحانه بيها جدا وكان طقم عيال 18 بس انا كنت حباه جدا كانوا دافعين عربون للطقم ع اساس تاني يوم هنروح نجيبه بقا ونكمل حسابه اتفاجات أن خطيبي بيقولي اني رجعت الشبكه عشان دا عيار 18 مش 21 من غير م تعرفني ولا تعرف اهلي واهلي شايفين انهم ناس مش بيفهموا ف الزوق وامي بتقولي اني مش هعرف اعيش معاهم لان مش دا اللي اتربيت عليه واخويا ودا اقرب حد ليا شايف أن الناس دي مانفعناش واني استاهل حد احسن خصوصا اني بنت وحيده مليش غير اخويا ومامتي وعاوزين يطمنوا عليا محتاجه منكم نصيحه هل اكمل مع الشخص دا واجي ع نفسي واطنش أفعال أهله مع العلم اني المفروض إقامتي هتكون مع أهله ف السعوديه ولا انهي الموضوع ويبقي كل شيء قسمه ونصيب وربنا يعوضنا احنا الاتنين بالاحسن

1

6