عندي مشكله في خطوبتي بحبه بس مش عارف اتصرف

Question

عندي مشكله
انا مخطوبه قرابه سنه اهو والحقيقه انا بنت كويسه الحمد لله واتعرفت عليه ف كورس واتقدملي وقرينا فاتحه وكان نفسي اعمل خطوبه وافرح زي اي بنت بس هو رفض الحقيقه ان من ساعه م اتخطبنا وانا حاسه انه مش موجود لما ييجيلنا البيت بنكون كويسين وتمام بس ساعه م بيمشي خلاص بيختفي مش بلاقيه حواليا حرفيا مبيسالش عني ولو عندي فرح او مناسبه مش بلاقيه حواليا حتى عيد ميلادي مجابليش هديه انا مش مستنيه منه حاجه بس كل ال كنت عوزاه يفتكرني انا دراستي بعيده ويوم م كنت راجعه مجاش حتى يقابلني
الفكره اني بحبه بس مش عارفه اتصرف ازاي معاه

Biscuit_31447 🇸🇦 · Accepted Answer

انا عارفه الشخصيات دي كويس، من كلامك وردة فعله بعد م عاتبتيه دا شخص نرجسي، العلاقة مع شخص زي كدا منهكه وبتستهلكي كل طاقتك بس عشان ترضيهم ويومك يعدي، انتي في غنى عن دي الاشكال ولازم تستوعبي ان الي بيعمله معاك دلوقتي دا مقدمه بسيطة للمعامله بعدين، اعرفي اهميه نفسك وقدريها انتي تستاهلي الي يقدّرك ويعرف قيمتك ويعاملك من نفسه بكل حب لانه عايز يعاملك كدا مش بالغصب والمحايله

Mango_31189 🇪🇬 · Answer

هل هو ملتزم
ف ملتزم ب ضوابط الخطوبة ولا عادي

Blueberry_31287 🇪🇬 · Answer

الحقيقه لا

Biscuit_31447 🇸🇦 · Answer

الكلام هو الحل دايما، اتكلمي معاه وعبري له عن الي بيحسسك هوا و قد ايه انتي بيفرق معاك وجوده وان نفسك يكون اقرب لك اكتر، وعلى حسب رده تاخدي قرارك، اذا كان اهمال ف بدري اوي انه يبدأ اهمال من دلوقتي، اذا كان تقصير منه ع حسب شغل او حياة او غيره علميه انه واجب عليه انه يهتم بيك وزيك زي اي حاجة مهمه تانيه في حياته، اذا م اتعلم حتى بعد م شرحتي وبينتي مشاعرك ف افتكري انك مهمه وتستحقي الاهتمام

Coffee_27700 🇪🇬 · Answer

اتكلمي معاه وعرفيه مشاعرك دي

Blueberry_31287 🇪🇬 · Answer

الحقيقه اني اتكلمت كتير اوي كل مره يوعدني ويرجع تاني بردو
حاولت معاه بكل الطرق
بقا بيقلب الترابيزه ويقول اني مش بقدر حاجه مع اني حرفيا مشوفتش منه أي حاجه
بقيت يتجنب حتى العتاب بقيت حاسه انه مفيش فايده وبعدي وبس
انا مش عاوزه اخسره بس بقيت حاسه اني بظلم نفسي اوي

Blueberry_31287 🇪🇬 · Answer

اتكلمت كتير اوي

Blueberry_31287 🇪🇬 · Answer

بيقولي ان دي فتره بس اكيد مش هيعمل كدا بعد الجواز بس انا بقيت بهتانه من ساعت م بقيت معاه وبقيت حاسه اني مكمله كدا وخلاص وف نفس الوقت مش عاوزه اسيبه😕

Blueberry_31287 🇪🇬 · Answer

+انه بيبعدني عن كل حاجه بحبها مسح كل اكونتاتي ع السوشيال وكل حاجه متاحه ليه عادي
ولما بنقعد يمسك موبايلي يفتش فيه ويسمع ريكورداتي مع صحابي ولما بكلمه ف الموضوع دا يقولي في اي انتي خايفه منن اي

Biscuit_31447 🇸🇦 · Answer

حبيبتي والله مع كامل احترامي لك بس ليه بتعملي كدا في نفسك؟ واحد شكاك زي كدا ليه تكملي معاه؟ يعني بس فتره خطوبه وحسيتي انك انطفيتي ايه الي حيحصل فيك بعدين؟ والله اسفة بس مش قادره افهم ليه لما ربنا يبعت لك كل دي الاشارات يوريك ان دا الشخص مؤذي ما تكمليش معاه وانتي لسا مش قادره تاخدي قرارك؟ لا هو عيب ولا حرام تفسخي خطوبتك ايه الغرض اصلا من الخطوبه؟ انكم تتعرفوا ع بعض وتعرفوا اذا انتو تنفعوا لبعض ولال

Biscuit_31447 🇸🇦 · Answer

هو حرفيا قال لك ان دي فتره ومش حيعمل كدا بعد الجواز، حيعمل اسوأ، والشك دا حيبقى على اوسع ومشاكل ومصايب اكتر، واحد مريض زي كدا انتي مش محتاجاه في حياتك وايا كانت مشاعرك وتعلقك فيه كله حيروح لما تستوعبي ان قد ايه دا شخص مؤذي ولازم تبعديه عنك، شخص زي كدا ازاي تأتمينيه وتكوني عايزاه اب ل عيالك؟ ليه بتختاروا المرضى بنفسكم وتسكتوا عليهم  وبعدين تعانوا طول حياتكم منهم؟