صباح الخير عندي مشكله أنا شاب 30سنه اتولدت بمشكله عدم وجود الخصيتين وعملت فصوحات وعمليات استكشاف والخ .. وفي الاخر النتيجه النهائيه اني معنديش خصيتين وعمري ماهخلف اويبقي لي عيال والحمد لله راضي جدا وبحمد ربنا المشكله بس عندي ف المجتمع وخصوصاً احنا في أرياف من الصغير للكبير كل اما حد يشوفني يقول هتتجوز أمتي مش هانت بقي وكلام شبه ده كتير والحوار ده مزعلني جدا لاني والله نفسي اتجوز وافتح بيت واستقر بس مين الي هترضي بواحد بظروفي دي المهم انا عايز حد يقولي ممكن اعمل ايه لأن الحوار ده مسببلي ضغط نفسي كبير مش عايز حل طبي انا عايز حد يدلني التعايش ازاي ف المجتمع

6

9