طلبت ديبوزت واتاخرت في التحويل ومش عارفة الفلوس راحت فين

Question

انا كنت طالبه اوردر من فتره طلبت ديبوزت حولت ليها فى نفس اليوم و قالتلى اسبوع بعد اسبوع بعتلها هى بجد بترد بعد يومين مثلا قولت عادى ضغط شغل ترد تقولى لسه طيب إن شاء الله اخر الاسبوع دا عدى كمان كدا قعدت اسبوعين كل كلامها لسه اصلى عندى مشاكل و كدا و انا بجد كنت اتقفلت و اموت و الغى بس كنت محرجه منها موت و كمان بردو عشان مضرهاش و كدا بعد الاسبوع التالت قالتلى كدا الأورد المشكله من المصنع و كل الالوان جت ما عدا اللون إلى انتى طالباه و انا موقفه شغلى عشانك فأنت لو عايزه تلغى قوليلى قولتها لو دا مش هيضرك ياريت تلغى و تمام خلصت فيه فلوس اتحولت كنت محرجه بردو و الله اطلبها بعدين كلمتها قالتلى حاضر احولك حاضر احولك قعدت أسبوع مفيش اى رد و بعدين الاسبوع التانى حولت انا عندى مشاكل فكان لازم تحول على رقم و هو رقم سنترال موجود عندنا المهم هى حولت يوم الاحد  و انا كنت مكلماه ياريت فى نفس اليوم تبعت الاسكرين عشان اعرف اجيب الفلوس بعد الاسكرين انهارده نزلت اشوف التحويل عمو قالى مفيش تحويل من الرقم دا اكلمها ترد عليا بعد ساعات تقولى لا حولت و الرقم اهو و الساعه و التاريخ دلوقتي عمو عشان بيحصل نصب كتير فى الاسكرين لازم يشوف رساله التحويل من الرقم عنده قالى كدا انتى اتاخرتى اوى يعنى حتى لو هى بعتت هيكون اتمسح انا بجد دلوقتي مش عارفه الفلوس المفروض عند و الغلط عند مين عشان البنت بتقول انها ضغط رسائل عندها و نسيت تبعت فى نفس اليوم و عمو دور قدامى مش موجود عنده رسايل اصلا من التاريخ دا خاالص و المبلغ مش قليل بجد

Hazelnut_52786 🇪🇬 · Accepted Answer

خد بالك نصب

Sugar_51886 🇪🇬 · Answer

نصب

Pear_51951 🇪🇬 · Answer

عشان نتبني حسن النية ساعات مش بتوصل رسايل بالتحويل ولكن في معاملات المحفظة بتكون كل عملية موجودة بالتاريخ والساعة خلي بتاع السوبر ماركت يفتح المعاملات ويتأكد و متتعامليش معاها تاني عشان دي متعرفش ربنا وبتماطل لان مهما كان ضغط الشغل المفروض ترجع الحق لاصحابه ف نفس الدقيقة زي ما هي اخدت حقها بدون تأخير

Chocolate_59813 🇪🇬 · Answer

صاحب السنترال ما فيش غير كلمه انا موصلش ليا رسايل و انتى متأخره اوى

Chocolate_59813 🇪🇬 · Answer

نصب من مين فيهم بس اصددق مين

Hazelnut_52786 🇪🇬 · Answer

ابعتلك تلجرام بتاعي واحاول اساعدك

Coffee_29532 🇪🇬 · Answer

دي حاجه تعلمك متبعتيش فلوس لحد من غيرك ما توصلك حاجتك اي حاجه بتشتريها اونلاين الدفع عن الاستلام احسن كده ربنا يعوضك خلاص و نصب من البنت مش الراجل علشان حصلت معايا و على رقمي كان اتبعتلي رساله ان تم تحويل كذا على رقمي و موصليش حاجه أصلاً بعدها بساعه لقيت معمولي بلوك من الشخص ده

Chocolate_59813 🇪🇬 · Answer

لا البنت بتكلمنى و أدت أنها حولت شكلها صاحب الرقم بقى

Pear_51951 🇪🇬 · Answer

مفيش حاجة اسمها جيتي متأخر لان المعاملات ع المحفظة بتبقي من ساعة ما اتعملت لحد وقتنا ده بالتاريخ والساعة والدقيقة