عندي مشكله مش عارفه افهم نفسي فيها .. انا الحمدلله من البنات اللي بيتقال انها حلوة وبهتم نفسي جدا شكل ولبس وكل حاجة ..حتي كشخصية محبوبة جدا من كل اللي حواليا وبيتقال ان شخصيتي حلوة وحتي عيوبي دايما بركز اني اصلحها.. مرتبطة بحد كويس جدا وبيتمنالي الرضا ارضي وبيحبني جدا ونا بحبه اكتر واتقدملي كمية ناس كمستوي احسن وممكن حاجات كتير احسن منه بس انا بحبه اوي ومش هلاقي زيه تاني وهو كمان شايف فياكدا ..بس الفكره اني دايما بحب احس اني مرغوب فيا واشوف ف عيون اللي حواليا اني حلوة مش بكتفي بيه هو بس،،وفالشغل شغاله ف نادي كبير مش بعرف حد اني مرتبطه بسبب ان محدش ياخد جمب لا بحس اني عايزه دايما احس ان دا عايزني ودا عايز يتقدملي واشوف ف عيون دا اني حلوة وبيحاول يقرب،، مش عارفه دا معناه ايه مع اني ثقتي ف نفسي عالية جدا بس دايما بحب اشوف نظرة الاعجاب من كل اللي بيشوفوني وحاسه لما اتخطب هفضل برضو مش عايزه حد يعرف مش عارفه اتصرف ازاي ومتضايقه من نفسي جدا وضميري دايما واجعني عايزه افهم اللي انا فيه دا ايه ؟

10

0