عندي 20 سنه وعايش بين الكسل وقله الحيله

Question

انا واحد عندي 20 سنه ونا مشكلتي في السن ده حاجتين البحث عن الذات وفنفس الوقت الكسل او مش كسل عارف لما يكون عندك طاقه تعمل الحاجه بس بتقعد فتره كبيره جدا عقبال متاخد الخطوه وتبدأ فيها ده انا الواحد عمال بيشوف احوال البلد الي بتتدهور يوم بعد يوم وفنفس الوقت الكليه الي انا داخلها علشان امشي الدنيا ومش عايز اتقل علي والدي فابنزل اشتغل مندوب أو اي حاجه تمشي حرفيا حالي وعمال يشوف الصحابه الي بيرتبط والي بيتخطب حالات يعني علشان الشباب اليومين دول كحيانه شويه وفنفس الوقت حاسس ان عمره بيروح علشان اعتقادي أن السن ده بتاع شغل ومعرفه ذاتك علشان تشتغل شغلانه تفتح بيها بيت وانت متطمن وعايز تعمل حاجات كتير انا عارف اني الي بقوله ده مش حاجه جنب مشاكل الناس التانيه وربنا يكون فعونهم طبعا انتو ايه رايكو تقدروا تنصحوني ب ايه 🌹

Pineapple_62201 🇪🇬 · Answer

كان محمد علي كلاي الملاكم بيقول انه على موضوع الانضباط انه كره كل لحظه في التمرين لكن رغم ان هو كان بيكره التمرين بس كان بيضغط على نفسه ويعمل اللي عليه انه كان بيقول انك تندم على المجهود اللي بتعمله دلوقتي احسن ما تندم على انك ما عملتش مجهود خالص ده على موضوع الكسل

Pineapple_62201 🇪🇬 · Answer

بالنسبه للبحث عن الذات ارشح لك انك تعمل اختبار مايرز بريغز (MBTI) وهو استبيان يعتمد على الإبلاغ الذاتي، يهدف إلى تحديد تفضيلاتك النفسية في كيفية إدراكك للعالم واتخاذك للقرارات. تم تطويره بناءً على نظريات عالم النفس كارل يونغ. حاول تدور عليه واعمل له مهم جدا جدا وانت صغير في السن عشان تعرف انت عايز ايه بالضبط

Cherry_64281 🇪🇬 · Answer

انا برضو ٢٠ سنه ونفس المشكله بس شيفاها حاجه حلوه انى بحاول اعمل نفسى وبذاكر واخد كورسات عشان اتطور برغم انى بحس احيانا انى مش عايشه زى صحابى ومش بخرج بس بقول عادى المهم اعمل نفسى إلى بيتعب دلوقت بيلاقي بعدين 
وانت كذالك حلو جدا انك بتشتغل وبتحاول مع نفسك وبجد كل دا مش هيروح ع الفاضى ولما تحس انك محبط او مكسل حاول تعمل حاجه تبسطك وتخرج من المود وترجع نشيط تانى وسيبك من كل إلى بيحصل حوليك