مش عندي نوم وبتعبان طول اليوم - مشكله كبيرة

Question

انا عندي مشكله اني مش بعرف انام خالص ولو نمت بنام قليل بصحي كتير او اقوم تعبان ومش بقدر اركز طول اليوم وابقي تعبان جدا ودماغي تعباني وده بياثر علي كل حاجه جربت كذا دوا زي نايت كالم وادويه نفسيه دكتور قلهالي بس مبتعملش حاجه حد واجه مشكله زي دي وحلها

Peanut_63801 🇪🇬 · Accepted Answer

دي مجرد طريقة يمكن تنفع و يمكن لا و محتاجة صبر 
_ابعاد اي الهاتف بعد المغرب
_محاولة اشغال النفس بامور و هوايات صحية 
_ قبل وقت النوم بساعة لازم البعد كل الضغوط و المشتتات و الهوايات
_وقت النوم الاستلقاء بوضع مريح صحي
_ اغماض العنينين مع تصفية الذهن 
_ ان تظل بتلك الوضعية لمدة 8 ساعات
» احتمال كبير  تنام خلال ال 8 ساعات و برضوه محتمل متنش كتير
» ده روتين كويس و مش من اول مرة يظبط من اول مرة

Strawberry_63884 🇪🇬 · Answer

أنا بقالى 8سنين مش بنام طبيعى 
لازم مهدىات ومنوم وحتى دول دلوقتي مبقوش بيعملوا حاجه نفسى انام طبيعى لان دة فعلا بياثر على كل حاجه عدم تركيز وتوتر وذياده فى ضربات القلب ورؤيه مش واضحه حاجات كتير

Chocolate_63531 🇪🇬 · Answer

اللي يلاقي حل يقولي بقا انا مش بنام انا كمان بعد ب تلت ايام صاحيه وف الآخر ادوخ و أقع وانام ٤ ساعات ب الكتير واصحى بعد تلت ايام صاحيه

Ice Cream_63466 🇪🇬 · Answer

طيب جرب تصحا بدري مثلا هتلاقي نفسك تلقائي بتنام نوم عميق بالليل او مثلا اقرا كتاب قبل النوم وفضي مخك من اي افكار ممكن تسرق منك النوم

Potato_63284 🇪🇬 · Answer

متغصبش نفسك ف معاد انت مش عايز تنام فيه, عموما هي مشكله نفسيه اكتر، في حاجه قرفاك ف حياتك عملالك كده، ممكن تكون اصلا مش بتفكر فيها ولا شاغل حالك بيها بس هي موجوده وهي المسببه قله النوم، ممكن يكون شغل، دراسه، حب، وحده مشاكل ف العيله ممكن يكون صوت المروحه اصلا مدايقك وهو الي مسببلك قله النوم فاا نصيحتي حل الحوارات دي الاول بعديها شوف النوم