زوجي بيتوتي وحاسسني مقفولة.. تعبت من حياتي!

Question

أنا مشكلتي أني متجوزة واحد مش بيحب الخروج خالص وحتي مش بيخرج مع أصحابه من البيت للشغل وبس ومشكلتي انه حابسني زيه وأنا مش بحب كده وهو قافل عليا مش بروح لحد غير بابا وماما وقرايبي كلهم جمبي ومش بيخليني اروح لحد وحتي هو مش بيخرجني خالص عايزه حل لأني تعبت بجد من الحياة دي

Hazelnut_52786 🇪🇬 · Accepted Answer

عموما برضو مش تيأسي  و حلها انو يكون لازم يفهم انك فعلا محتاجه تخرجي

Chocolate_53012 🇪🇬 · Answer

لو هو راضي انك تنزلي تشتغلي 
استغلي الفرصه وانزلي اشتغلي ومنها خرجتي شفتي الشارع والناس ومنها اشتغلتي ومعاكي مصروفك

Apple_53103 🇪🇬 · Answer

أنا حاسس قد إيه الوضع صعب ومؤلم، ووجود شريك ما يقدّرش احتياجك للحرية والتواصل مع الأهل ممكن يضغطك جدًا. جربي تتكلمي معاه بهدوء وبدون لوم، وضحي له قد إيه الخروج وتغيير الجو مهم لصحتك النفسية. ولو ما فهم أو ما حاول يتغير، فكري تستشيري مختص أو مرشد أسري يساعدكم تفهموا بعض أكتر. صحتك النفسية مهمة، ومش من حق حد يسجنك أو يعزلك عن حياتك وأهلك

Ice Cream_53136 🇪🇬 · Answer

فعلا محتاجة اعمل كده بس بنتي صغيره ومش عايزه اسيبها غير لما تدخل حضانة

Ice Cream_53136 🇪🇬 · Answer

فعلا وضع صعب جدا واتكلمت معاه كتير ومفيش فايده خالص بقالي سنتين بعاني وحتي بقوله اخرج مع صحابك مش بيخرج

Chocolate_53012 🇪🇬 · Answer

خلاص يبقي الفتره دي حاولي يوم خميس مثلا بالليل تشغلي فيلم علي التلفزيون وتعملي اسناكس وفشار كده وتدلعيه وتفتحي معاه الموضوع بالراحه وبهدوء .. وتفهميه انك بقالك كتير اوى قعده في البيت وانك عاوزه تخرجي معاه يوم جمعه مثلا يكون هو فاضي والجو يكون برا حلو وهكذا

Ice Cream_53054 🇪🇬 · Answer

ملكيش دعوة بيه خليكي في انك تعرفي تخرجي من غيره لانه مستفز فعلا

Apple_53103 🇪🇬 · Answer

ممكن تتكلمي معا وتشوفي ايه المشكله الي عندو

Banana_52942 🇪🇬 · Answer

ربنا يقويكي فعلا حاجه صعبه خصوصا لما يكون حد متعود طول عمره عليوضع وييجي فجأه اللي يتحكم فيه بدون اسباب بس هنعمل ايه 
انتي مأموره بطاعة زوجك ولازم تطعيه علي العموم فيه فكره كويسه لو عنده حد قريب له من صحابه او اقاربه تتكلمي معاه يقنعه انه يخرج معاهم. او ممكن تعرفيه علي ازواج صحباتك ومنها تخرجوا مع بعض  
وفيه حل ثالث خالص بس في المسچات مش هنا 😆

Ice Cream_53136 🇪🇬 · Answer

ما هو مش بيخليني اروح عند حد ولا اخرج مع صحابي

Ice Cream_53136 🇪🇬 · Answer

مليش كلام مع حد من أهله أو أصحابه وياريت حل بسرعة ياريت

Ice Cream_53054 🇪🇬 · Answer

اتشاكلي معاه واخرجي غصب عنه هو استعبدك ولا ابه

Hazelnut_52786 🇪🇬 · Answer

اتكلمي معاه بصراحة وهدوء، وقولي له إنك محتاجة تخرجي وتتغيري وتعيشي شوية لحياتك.
	•	اتفقي على يوم في الأسبوع للخروج سوا، حتى لو بسيط.
	•	حاولي تخرجي مع قرايبك أو أصحابك لوحدك لو هو مش بيحب الخروج.
	•	خدي مساحة لنفسك من غير إحساس بالذنب… من حقك تعيشي وتفرحي.

انتي مش أنانية… انتي إنسانة ليكي احتياجات

Ice Cream_53136 🇪🇬 · Answer

ممكن الحل في ماسدج

Ice Cream_53136 🇪🇬 · Answer

كان متفق معايا نخرج كل شهر بقالي 5 شهور مش بخرج معاه خالص ولما بروح عند مامتي ممكن اخرج بس يقولي مع مامتك وباباكي وأخواتك بس متخرجيش مع صحابك

Mango_51124 🇪🇬 · Answer

اتكلمي معاه

Chocolate_53012 🇪🇬 · Answer

ابعتي ماسدج

Ice Cream_53136 🇪🇬 · Answer

اتكلمت كتير ومفيش فايدة

Mango_51124 🇪🇬 · Answer

واهله ؟
وهل عايشين في بيت عيلة مثلا ؟

Ice Cream_53136 🇪🇬 · Answer

مش عارفه بيبعت ازاي

Ice Cream_53136 🇪🇬 · Answer

أنا أصلا كنت زعلانه معاه وسبت البيت وقولت هيتغير ولا حاجه اتغيرت فيه بس سبت البيت بسبب مشاكل كتير غير دي

Ice Cream_53136 🇪🇬 · Answer

اه للأسف بيت عيلة وأنا لوحدي مش بنزل عند مامته وهو متعلق بمامته اوي وباباه متوفي ومامته حربايه أصلا ووحشه معايا

Mango_51124 🇪🇬 · Answer

طب ارياف ولا مدينة

Ice Cream_53136 🇪🇬 · Answer

أرياف للأسف

Pineapple_53144 🇪🇬 · Answer

اتكلمى معاه حتى لو هتخرجوا يوم او يومين فى الشهر فى الاول كده

Ice Cream_53136 🇪🇬 · Answer

أنا متجوزة بقالي سنتين والسنتين دول بحاول كل المحاولات

Pineapple_53144 🇪🇬 · Answer

عندك أولاد

Hazelnut_52786 🇪🇬 · Answer

هاقولك علي حاجه ممكن تكون المصاريف عليه كتير 
او ممكن يكون السبب من ضغط الحياه 
وممكن يكون السبب تاني انتي مش عارفاه واكيد لما اتكلمتي معاه حسيتي او مسكتي طرف من أطراف المشكله

Ice Cream_53136 🇪🇬 · Answer

بيقولي انه مش بيحب يخرج ولما بنخرج لارن تحصل مشكلة لان الخروج بتكون مبصوصلها لأننا بيت عيله للأسف

Hazelnut_52786 🇪🇬 · Answer

حضرتك الاستاذه عايزه نصيحه مش تخربي عليها وتقويها علي عدم طاعه الزوج . اعرفي حضرتك ان مافيش راجل بيقبل مراتو تخرج من غير إذنه او تخرج من البيت وهوه مش عارف . محدش بيقبل كده . عندك نصيحه حلوه ليها قولي . مش عندك . يبقي ادعي ليها ويكون الدعاء افضل في الحاله دي . ان ربنا ييسير ليها الامور ويجعل الصعب سهل لها .

Hazelnut_52786 🇪🇬 · Answer

يبقي حاولي تعملي ليكي جو في البيت زي الخروج بالظبط . فيلم حلو . اكله حلوه . مشروبات حلوه . وحلويات . وحاولي تتأقلمي لأن موضوعك صعب شويه لأنكم كمان في الأرياف وطبعا اماكن السهر بتبقي محدوده شويه عندكم  اتمني من كل قلبي انك تحلي مشكلتك بعين العقل . واوعي تنجرفي ورا اي كلام ليه معني انك تخرجي من وراه او تخرجي غصب عنو وكده . النصيحه ليكي بجد امسكي طرف المشكله وحاولي تفهميه انك وصلتي لآخرك في الاستحمال

Hazelnut_52786 🇪🇬 · Answer

واكيد طبعا لو عرفتي تحوشي من مصروف البيت 
وتقولي ليه تعالي نخرج أنا عازماكً علي عشا بره او انت النص وانا النص اي حاجه تشجعو انو يخرج

Ice Cream_53136 🇪🇬 · Answer

فعلا مش بيحب يخرج في أماكن بعيده بيقول بعيده اوي

Ice Cream_53136 🇪🇬 · Answer

أنا بحوش من مصروفي وبعمل كده لو خرجنا

Hazelnut_52786 🇪🇬 · Answer

ولسه الوضع قائم ايضا برضو في الخروج

Ice Cream_53054 🇪🇬 · Answer

هو استعبدها ؟؟ ميخليش عندها حياة ولا تخرج زي باقي الخلق ليه ان شاء الله ... دا اقل حقوقها مش مجبرة تكمل ... لو كان الموضوع فيه سوء تفاهم مكتتش هتكلم لكن دا بيمنعها من الحياة !!!!

Hazelnut_52786 🇪🇬 · Answer

آخر مره خرجتي امتي وفطن والمره اللي قبليها خرجتي امتي وفين برضو

Ice Cream_53136 🇪🇬 · Answer

آخر مره من ٦ شهور

Ice Cream_53136 🇪🇬 · Answer

اها

Ice Cream_53136 🇪🇬 · Answer

اها

Hazelnut_52786 🇪🇬 · Answer

من ٦ شهور دي فتره كبيره جدا خصوصا أنكم لسه في بدايه جوازكم . هو اماكن الخروج عندكم بعيده عنكم كده . اكيد 💯 اكيد 💯 الاماكن بعيده علشان كده تلاقيه بيحسبها وقت وجهد واكيد مال برضو . بس الاكيد بتبقي وقت وجهد لو هوه مش بخيل

Hazelnut_52786 🇪🇬 · Answer

انتم أعماركم  متقاربه من بعض

Ice Cream_53136 🇪🇬 · Answer

لا مش بعد بس هو مش بيحب الخروج بيحب البيت علشان مامته

Ice Cream_53136 🇪🇬 · Answer

لا ٩ سنين

Hazelnut_52786 🇪🇬 · Answer

فرق ما بينكم ٩ سنين 
طيب هوه عمره حاليا اد ايه

Hazelnut_52786 🇪🇬 · Answer

طيب بيخرج مع مامتو وانتي معاهم يعني انتى التلاته بتخرجو تتفسحو مثلا

Ice Cream_53136 🇪🇬 · Answer

36

Ice Cream_53136 🇪🇬 · Answer

لا وأنا ومامته أصلا مش بنتعامل مع بعض انا باعده نفسي عنهم وعن حياتهم قاعدة في شقتي لوحدي غير سلفتي بتنزل لأكن أنا لا كنت بنزل وكان بيحصل مشاكل بطلت انزل

Hazelnut_52786 🇪🇬 · Answer

واضح اننا ادام مشكله كامله الأركان بس حلها عايز افكار جديده شويه بره الصندوق

Ice Cream_53136 🇪🇬 · Answer

والله كل يوم بقول بقوله أنت خليك وأنا هخرج أو اروح عند قرايبي جمبي كلهم مش بيوافق

Hazelnut_52786 🇪🇬 · Answer

طبعا هايرفض هوه عايزك جنبو  . ومش حابك تخرجي لوحدك

Ice Cream_53136 🇪🇬 · Answer

فعلا مش بيخليني اخرج لوحدي

Hazelnut_52786 🇪🇬 · Answer

صباح الخييير 🫠🫠

Mango_51124 🇪🇬 · Answer

هو في فعلا كدا في الارياف بس مش للدرجة 
انتي ارياف محافظة ايه ؟