مشكلتي مع أهلي وعدم الاحتواء - ٣٢ سنة ولسه متأثرة

Question

مشكلتي طول عمري مع اهلي انهم مش بيسمعوني اكتر حاجه افقتدتها معاهم الاحتواء وده عاملي مشاكل لحد دلوقتي انا عندي ٣٢ سنه ولسه مش عارفه اتخطي دايما بحس بالرفض منهم وعدم الانتماء عمرهم ما اخدوا رايي ف حاجه حتي حياتي وقراراتي لازم كل حاجه تمشي علي مزاجهم ولو اصريت علي حاجه اعملها يفضلوا يقطموني ولو حصل اي مشكله ف الحاجه دي يجلدوا فيا بالكلام وده للاسف بيأثر فيا جدا لدرجة بعمل اللي يريحهم وخلاص عشان ميرجعوش يلوموني ومع ذلك مش بسلم من لومهم نفسي ابطل اتأثر بكلامهم ورايهم فيها هما دمروا ثقتي ف نفسي نفسي اقدر اخد قراراتي لوحدي من غير ما احتاج حد

Corn_68719 🇪🇬 · Accepted Answer

انت وصلت لسن لازم تكون فيه سيد قرارك.. عامل اهلك بالمعروف واعمل اللي انت اختارته بعد تأني واستخاره ربنا. ولازم اقولك برده راجع نفسك مش يمكن كلامهم صح وانت اللي ماشي في حاجه تضرك. راجع كلامهم ولو حسيت ان اختيارك تمام متشغلش بالك بالكلام بتاع اي حد

Potato_66678 🇪🇬 · Answer

حاولي تفكري بدماغهم وتهندليهم باللي عاوزاه

Orange_69263 🇪🇬 · Answer

كان نفسي يسيبوني اختار حياتي زي ما عايزه ويدعموني مفيش اي دعم للاسف ودي حاجه فارقه معايا ازاي الواحد يقدر يدعم نفسه وميحتاجش دعم من اهله

Potato_66678 🇪🇬 · Answer

معلش برده اهلك نحاول تاني

Orange_69263 🇪🇬 · Answer

حضرتك معاك حق جدا 
الفكره مش اني ماشي ف حاجه تضرني اللي بقوله ده ف كل تفصيله ف الحياه يعني حتي لو خروجه مش عايزه اخرجها وهما عايزني اخرجها يبقي لازم اخرجها ياما ابدا الاقي اتهامات انتي كئيبه انتي كذا و كذا يعني من اول المواقف التافهه مرورا بكل حاجه لحد القرارات الكبيره

Coffee_68775 🇪🇬 · Answer

انا زيك و نفس السن بس ليا شخصيه شويه و عنديه حبتين و اكتر مشاكلنا اني بعمل اللي ف دماغي مش دماغهم مع انهم حابين يسيطرو بس كنت بسيطر انا و اه بسمع كتير اه بتاثر و بقعد مع نفسي اعيط و انهار و اقطم ف نفسي بس برجع اقول اني اتخلقت و جيت الدنيا علشان اتعلم وعلشان اعيش و هي مره واحده هعيشها بطريقتي حتي لو غلط بس المهم اني اكون انا مش حد تاني

Orange_69263 🇪🇬 · Answer

ربنا يقدرني بجد مشكلتي اني بتأثر اوي بالكلام اللي بسمعه عارفه الاهل اللي بيقولوا لولادهم متخافوش انا ف ضهركوا حتي لو غلطوا اهو ده اللي كان نفسي فيه لكن انا بتلام ع الصغيره والكبيره وعلي طول مش راضيين ومش عاجبهم مفيش حل غير اني ابطل ابقي عايزه انول رضاهم بس ازاي الواحد يكمل ف الدنيا بطوله كده من غير اي دعم

Coffee_68775 🇪🇬 · Answer

ادعم نفسك لان محدش هيدعمك صح هكا مش عارفين انهم بيكسرونا و بيتعبونا هما مفكرين انهم بيدعمونا بس بطريقتهم اللي هي اصلا غلط ربنا يهديهم و يقوينا

Corn_68719 🇪🇬 · Answer

متفهم موقفك جدا، ساعات الاهل بيجبوا يشوفوا اولادهم قريبين منهم وسعدا وفاكرين ان لما يشدوا عليهم دا هيوصل الاهل لاحساس الرضا انهم مش مقصرين. صدقيني انا عندي الاحساس ده مع بنتي وهي بتعمل زيك  ،، وده مدايقني كأب..  بس مش قصدي خالص اتجاهلها او ادمر حياتها.بس نفسي تسمع نصيحتي لاني عديت بيها،، يمكن الطريقه غلط بس مفيش حد هيحبك ويتمنالك الخير زي اهلك. خلي عندك شخصيه ودا حقك وبردو حاولي تفكري في كلامهم.