مشكلتي مع الصلاه وهي ان انا من صغري مكنتش بصلي يعتبر فاكبرت كدا ومن سنتين تقرييا حاولت اتوب وارجع لربنا وكنت محافظ علي كل الفروض ولو فوت صلاه فاده بيكون قليل المهم هو ان انا طول الفتره دي مكنتش حاسس بأي حاجه ولا مرتاح اني بصلي ومش بخشع ولا حتي قريب من الخشوع دا انا بعيد تماما وبحس بتقل رهيب ومش عاوز اصلي خالص ومش حابب الصلاه وبرضو مش بحب اسمع القرأن خالص ولا برتاح وانا بسمعو ولا حاجه وكمان بتضايق اوي معرفش ليه بس انا متأكد ان هو دا الصح ومعنديش شك يعني وطول الفتره دي كنت بفضل ادعي واتمني ان احساسي يتغير عشان اعرف اكمل كدا طول حياتي بس للاسف محصلش وفضلت كدا 8 شهور وبعد كدا بقيت بسيب كام فرض وفي الاخر بطلت خالص وبرضو من كام شهر كدا حاولت ارجع تاني ومعرفتش لأني مش عارف احب الصلاه وحاليا انا للأسف مبصليش خالص وبعيد جدا عن ربنا ومش عاجبني الحال طبعا وزعلان علي نفسي ومش عارف ايه ممكن يكون الحل بس انا لما كنت بصلي مكنتش خايف اموت ولا خايف من اي حاجه حصلي مشكله كبيره ولا حاجه مش خايف كنت متطمن جدا الي هو بقول ربنا معايا ولو مت هكون علي الاقل قدامي فرصه مش ميت وانا تارك الصلاه وبغضب ربنا، وبرضو عاوز اعرف حاجه يعني ليه ربنا مش عاوز يهديني رغم ان انا نفسي اهتدي واتوب وابقا احسن

15

0