تعبت من بوظان حياتي والمقارنة بالناس

Question

مشكلتي أني مبعرفش ارضي ولا أتقبل الوضع اللي فيه بسهولة وبالتالي كل ما اكبر بكتشف إني بفشل وحياتي عمالة تبوظ لاني واقفة عند نفس المحطة النجاح بالنسبة لي حاجات معينة إذا ولا حققتها فأنا فاشلة ولما متحصلش الحاجات دي ولله الحمد كلها محصلتش بفضل واقفة في مكاني وابص للي وصل للحاجة دي بالأخص لو كنت داخلة في مقارنة معاه ودة دايما اللي بيحصل لأن أنا عمري ما ببص لحد من نفسي بس المهم تعبت من بوظان حياتي والبص للناس وعدم الصبر علي الابتلاء أنا حاسة إني مش عايشة دنيا ولا هعيش اخرة طول ما أنا كدة تنصحوني بايه

Chocolate_35591 🇪🇬 · Accepted Answer

بصي كده انتِ بتتعبي نفسك نفسيا و برضه مفيش حاجه تحصل 
احسن حاجه قربي من ربنا و خلى قلبك معا و  تكوني صبوره و مش شرط كل حاجه نفسنا فيها تحصل فى حاجات كتير لو حصلت بنسبه كبيره احنا اللى نضر اصلا انتِ متعرفيش خير فين ، خلى قلبك مع ربنا صدقني كل حاجه تكون احسن لمه بتكوني راضيه هو يرزقك أضعاف مما تتمني بجد

Tofu_48782 🇪🇬 · Answer

هو الموضوع كله إنك تتقربي الي الله وتدعي له دايما يحقق لك احلامك وربنا مش هيخذلك ابدا، وبدل ما تبصي مثلا للناس الاعلى منك او الناس الي حققو حاجات انتِ مش قادره تحققيها، احمدي ربنا على الي انت فيه، ربنا مَنّ عليك بنعم مش عند ناس تانيه، الناس الي حققت الحاجات دي ربنا كاتبلها مصيرها وان هي تحقق الحاجات دي قبلك لكن الحاجات الي ربنا كاتبلك تحققيها هتحققيها ولو بعد حين لكن لو مش مكتوبلك تحققيها ف ده الافضل

Apple_47225 🇪🇬 · Answer

ده دليل علي الذكاء الزيادة، محتاجة توجدي طريقتك الخاصة لاستغلال هذا الذكاء في مكانه المُناسب 👏🏻

Banana_47448 🇪🇬 · Answer

بصي يمكن انا في نفس الحته اني ديما باصه للي في سني او اكبر مني بشويه انهم بيعملوا حاجات كتير في حياتهم.وانا ولا حققت ولا عملت بس اولا دي قدرات كل شخص مش نفس أهداف الشخص التاني بس يمكن اكتر حاجه ريحتني اني بدعي ربنا يفقني في اقل حاجه بعملها يمكن حتي في دراستي مش احسن حاجه بس حقيقي لما بدعي بشوف نتيجه تانيه هي بنسبه لكل الناس اللي حواليا تقريبا انها حاجه قليله بالنسبه للي بيعملو بس اكيد ربنا يعوضك

Banana_47448 🇪🇬 · Answer

ونصيحه تانيه لو قعدتي مع حد قريب وبيحكي عن اللي بيعملو متياسيش وحاولي تستفيدي من القعده بمعلومات بخبره ممكن ربنا يرزقك بشغل كده يعني

Cherry_48485 🇪🇬 · Answer

مش فاهمة؟

Avocado_47309 🇫🇮 · Answer

أنا شايف انك جدعه كده وهتحققي حلمك ! بس لما بتقعي في حاجه بتقولي أنا فشلت إنتي حاولي حتي تحطي رجلك بس في الحاجه ديه وواحده واحده هتركبي إنشاء الله