مشكلتي تقريبا هي مبلشة من الطفولة من انا وصغيرة كنت خجولة جدا واي حدا كان يحكي معي كان وجهي يحمر من الخجل وما اعرف احكي مع الشخص المقابل الا اذا كان قريب مني لحد ما كبرت وقدرت افهم انو هاد خجل مرضي ولازم اخلص منو واشتغلت ع نفسي وع شخصيتي كتير لحد ما الحمد لله تخطيت هاد الخجل نوعا ما وصرت اتكلم مع اي حدا من دون خوف او خجل زايد ولكن في مشكلة لازالت موجودة وانا مش عارفة كيف اخلص منها او كيف حلها وهي انو لما اقعد مع شخص لحالي ونكون انا وياه وبس افكاري كلها بتتوقف وما بعرف اخلق حوارات او اتكلم باي موضوع وكانو راسي بيصير ابيض ومافيو اي شي وبيصير تفكيري بس كيف لازم اكسر هاد الجمود يلي صاير واحكي اي شي وهالشي بيصير يخليني اتوتر والموضوع بيكون مش موضوع خجل هو بس بيكون مافي اي شي ببالي اتكلم فيو حتى لو هالشخص قريب جدا مني ومنضحك ونمزح مع بعض بالعادة ووصلت لمرحلة اني ما بحب اني اجتمع مع اي حدا لحالي دايما بحاول كون باي جمعة ع الاقل نكون ٣ أشخاص حتى لو حدا حب يجتمع معي لوحدي بتوتر وبيصير تفكيري انو كيف بدي ما خلي الجو جامد ونحكي فياريت لو حدا بيعرف كيف ممكن حل هالمشكلة يكتبلي

8

3