خايف أرد على سواق الميكروباص وأنا متضايق

Question

السلام عليكم ورحمة الله وبركاته 
كنت راجع من مشوار وركبت ميكروباص فلما جيت أقعد ملقتش غبر مكان واحد جنب بنت [ أعتقد إنها في العشرينات ] و المكان ده مكانش هيكفي كنن هضطر ألزق فيها فلما لقيت الوضع كده قولت للسواق أنا مش هركب فلقيته بيشتمني بس أنا خوفت أرد عليه والمشكلة تكبر ودلوقتي حاسس إني ما أخدتش حقي تنصحوني لو اتعرضت للموقف ده تاني أعمل ايه

Watermelon_63493 🇪🇬 · Answer

مدام اتصرفت بعقلك
ومنعت المشكلة
كمل تفكير بعقلك وافهم انك لو كنت رديت عليه كان ممكن يهينك اكتر او تحصل مصيبة اكبر
انت كدة تمام وعاقل
والرجولة مش بقلة الادب
بس انت غلطان انك ماركبتش

Kiwi_70606 🇪🇬 · Answer

تصرف سليم سواء عدم ركوبك جنب البنت او عدم ردك علي السواق العربجي 
قال صل الله عليه وسلم انا زعيم لبيت في الجنة لمن حسن خلقه

Tofu_73618 🇪🇬 · Answer

عادي جدا مش لازم نرد الاساءة ب اساءة 
بالعكس انت حفظت نفسك من التدني لمستواه 
وانا هنا مش بعنصر تجاه فئة لكن هما فعلا مستواهم صعب جدا 
انت حد محترم متدايقش 
وشوية والموقف هيتنسي متقعدش تفكر فيه لانه خلاص خلص حتي لو مخدتش حقك هتعمل ايه يعني مش هترجع لورا ف خلاص
ومش هتشوفه ولا تشوفها تاني ولا الناس اللي كانت فالميكروباص

Watermelon_56753 🇪🇬 · Answer

شتمك قالك اية؟ لو شتيمة صريحة رد عليه بنفس الشتيمة وشهد الناس فالشارع ..

لكن لو قالك كلام معناه انك مكبر ولا روح اركب تاكس والكلام دا ف عادي، واتبارد عليه 😂😂