مديري ابن صاحب الشركة بيعاملني زبالة وعايزة أمشي

Question

يا جماعة حد يفيدنى لو سمحتم انا بشتغل شغلانة ادارية ف شركة بس مديرى المباشر طريقته زبالة بمعنى الكلمة و عصبية و زعيق على اتفه الاسباب و حتى مع الناس الأكبر منه سنا و أد أبوه و يعتبروا من مؤسسين الشركة
مديرى ده ابن صاحب الشركة انا جالى اكتئاب والله هما مكانوش كده ف الاول و كنت عايزة امشى بس لما بصيت ف العقد لقيت فيه شرط جزائى 10 الاف جنيه لو مشيت فجأة قبل مايلاقو بديل
دلوقتى انا عقدى هيخلص فى شهر 10 و كاتبين ف العقد انى لازم ابلغ بالاستقالة قبلها بشهرين بس انا عارفة ان ف خلال الشهرين دول هتعامل اوسخ معاملة و هيفضلو يخصمولى و يتلككولى و انا محتاجة الفلوس جدا اعمل ايه

Peanut_63801 🇪🇬 · Accepted Answer

أهم حاجة راحتك
بلغي من النهارده عشان بعد شهرين هتستقيلي عشان تقللي مدة بقاءك قدر الامكان
كده كده الشغل عندهم يقرف 
بالنسبة لمشكلة الفلوس دوري ع شغلانه تانية جانيبة
لو فيه جهة للتبيلغ عن سوء المعاملة استفيدي بيها

Pistachio_56316 🇪🇬 · Answer

بص يا باشا انت قلت ان انت شغال شغلانه اداريه يعني مشرف او مدير اذا هو ما بيحترمكش هو ما يحترمش اكيد طبعا مش هيحترم اللي تحتيك يبقى الراجل ده بيبوظ الشركه فيا اما تشوف المدير اللي فوقيه وتكلمه عن طريقته ديت لان الناس وانت رايحين الشغل دوت ككيان كلكم كده عشان تفيده المجتمع وتاكلوا لقمه عيش بالحلال مش عشان تشتموا بعض او تعاملوا بعض بطريقه وحشه موظف مش نافع في الشغل يبقى يمشي مش بالزعيق ولا بالطريقه

Pistachio_56316 🇪🇬 · Answer

ولازم تعرف ان اي مرتب هم هيديه لك هم بيديه لك عشان دي قيمتك في السوق الفلوس اللي هم هيدوها لك هنا هتلاقي بره اللي يقدرك ويديها لك برده

Coffee_63984 🇪🇬 · Answer

اقرفيهم انتى 
شغل متأخر بس مش كفاية انهم يخصمولك امشى اول ما الشفت يهلص احضرى الدقيقة اللى الشفت بيبتدى فيها اتعاملى ببرود و لما تيجى تقوليلهم همشى هيمشوكى 
بس متسيبيش مكان و انتى مش فى ايدك مكان تانى

Pistachio_56316 🇪🇬 · Answer

هو في نقطه بخصوص الشرط الجزائي وموضوع الخصومات اللي انت بتقول عليها ديت في عندك حاجه اسمها مكتب العمل هتروح هناك وتشوف حد كويس هناك وتقعد معاه وتحكي له قصتك هو هيعرف يفيدك اكثر مني وهم ليهم اساليبهم وهيعرفوا يجيبوا لك حق دول القانون القانون بيقول ان انت شغال عند الناس ديت ولا مع الناس ديت ولا عبده عندهم بالنظام اللي انت بتقوله دوت هم بيعاملوك على انك عبده عندهم انت وغيرك فانت حرفيا انت ممكن تجيب

Pistachio_56316 🇪🇬 · Answer

انت حرفيا ممكن ان انت تجيب لي الشركه ديت برو ممكن تجيب درافه خصوصا ان انت اداري وراجل قديم وفي ناس تحتيك وناس كثير جدا اكبر من حتى ابن صاحب الشركه دوت في السن متضررين مش انت لوحدك فانت لما تقعد مع معاهم في مكتب العمل وتقول لهم على الكلام دوت هيفيدوك وهيجوا لك حقك انت والناس دي والرزق بايد ربنا ورتب مع مكتب العمل قل لهم يا باشا الخطوات اللي انت هتعملها ايه على اساس انا جاهز نفسي واشوف شغل ثاني بره

Nutella_60275 🇪🇬 · Answer

هو ابن صاحب الشركة و ابوه سايبله الادارة يعنى يعتبر هو صاحب الشركة

Mango_59087 🇪🇬 · Answer

شوفي مثلا محامي أو راجعي قوانين العمل بتاعت وزارة العمل  ممكن يكون فيه حل للموضوع بتاعك 
ونزلي على LinkedIn المشكلة بس خلي بالك بدون ما يسبب لك مشكلة أو أذى ، دا اولا ،
ثانيا شوفي اي اللي ممكن تعمليه علشان تمشي بدون خسائر يعني مثلا تجي منهم هما مش منك انت 💁🏻‍♂️

Pistachio_56316 🇪🇬 · Answer

انا لسه قايل له كده بردك بس من الواضح من كلامه ان هو راجل محترم جاي من بيئه كويسه ودول ناس جايه من الزباله فهو مش هيعرف يقرفهم طبيعته مش كده الطبع غلاب

Watermelon_63493 🇪🇬 · Answer

دى محتاجة تراجعي مع محامي
انا اعتقد مدام العقد انتهى محدش ليه عندك حاجة
اوعى تقدمى استقالتك وتسيبي الشغل ومعندكيش شغل غيره
مهما كان وحش المدير
بالعشرة هايهدى ويبقا كويس
انما ماتخاطريش باكل عيشك

Blueberry_41372 🇪🇬 · Answer

لو عاوزه تمشي خلصي عقدك ومتجدديش وامشي 
ومش هيقدر يشتكيكي

Apple_62938 🇪🇬 · Answer

اقبض نص مرتبى باحترام ولا انى اخد ضعف مرتبى وانا مكتءب 
لينا رب ندعيله وندعى على اللى بيظلمنا