عايزه أحكيلكوا حاجه وياريت اللي يرد،يرد بإحترام لأن دي أمي ف الأول وف الآخر ومش هقبل عليها أي حاجه.. عندي مشكله كبيره مع ماما إنها للأسف بتتنفس كذب مع إن مبيبقاش فيه حاجه مستاهله كذب لدرجة إنها بتألف حاجات محصلتش وهي بتكلم صاحباتها ولدرجة إنها دمرتلي حياتي يعني مفهمه الناس حاجات عني محصلتش أصلًا علشان تتفشخر وبسببها معنديش صحاب لأني مبحبش الكذب وهي مفهمه الناس كلها حاجات أصلا محصلتش ولما حد بيسألني بتخليني أضطر أكذب علشان مطلعهاش كذابه ودمرتلي حياتي كلها أنا بحب الصراحه وبكره الكذب كره العمى أنا طالعه لبابا هو صريح جدًا ومبيحبش الكذب وهو ربانا على كده ما عدا أختي الكبيره طالعه لما ف موضوع الكذب ده مع إن والله بيكذبوا ف حاجات مش مستاهله يكذبوا ف أنا مش فاهمه فيه ايه وليه ومش عايزه أتخطب ولا أتجوز خالص بسبب أمي بجد يعني مع خطيب أختي بتكذب كذب مش مستاهل أصلا والمشكله إنه عارف إنها بتكذب ف مش فاهمه بتعمل كده ليه والمشكله إنها حاجات عبيطه يعني بتقول حاجات محصلتش علشان تتفشخر يعني مش بعيد لو اتخطبت لحد تكذب عليه وتقوله دي بتعرف تطبخ وأنا أصلا مبعرفش،ف أنا مش عايزه ده وكرهت حياتي بسببها وبعدت عن كل الناس بسبب كذبها،دي مفهمه واحده إن أخويا خاطب واحده يابانيه وأخويا مش خاطب أصلا ؟ طيب ليه؟مش فاهمه وعلى أساس الناس هتصدق كلامها ده ! مش فاهمه بتعمل كده ليه دمرتلي حياتي رغم إني قولتلها متكذبيش ع الناس ف أي حاجه تخصني ملكيش دعوه بحياتي متقوليش للناس حاجات محصلتش أصلا برده فضلت تكذب وتألف حوارات خلت الناس تحسدني ع الفاضي ويقولوا يابختك مع إن الحاجات دي محصلتش أصلا وعلشان أنا بكره الكذب بعدت عن كل الناس علشان محدش يسألني ف الحوارات اللي هي مألفاها وأضطر أكذب علشان مكذبهاش مش فاهمه بتعمل كده ليه ولسه متخانقه معاها واتعصبت عليها وقولتلها حاجات كتير وحشه من عصبيتي قولتلها هتولعي ف جهنم بكذب ده وأنتِ مفيش أي تعظيم لربنا عماله تكذبي ف كل حاجه وأنتِ كذابه ورميتلها شنطتها ف الأرض بعصبيه،أغمى عليها وفضلت تعيط أعمل ايه طيب دمرتلي حياتي وكرهتني ف نفسي وبسببها بعدت عن كل الناس وقرفت من كل حياتي رغم إني حذرتها كتير متكذبش بخصوص أي حاجه ف حياتي قولتلها ملكيش دعوه بيا أنتِ كذبتي بخصوص أخواتي أنا لا أنا بكره الكذب متألفيش حوارات عليا وبرده ألفت وبسببها بعدت عن الكل علشان كانوا بيسألوني ف الحوارات اللي هي مألفاها أنا تعبت والله العظيم تعبت أقسم بالله حياتي كلها متدمره بسببها

4

11