انا عندي مشكلة ان مش بحب اعتذر ل ماما ولا بقولها كلمة حلوة ولا حتي بقولها تسلم ايدك او الف سلامة لما تبقي تعبان وطبعي جاف جدا معاها وهي بتعاني من كدة وبتتهمني ب اني جاحد او ما شابه يعني مهما غلط ف حقها مش بحب اعتذر وفيه حاجز نفسي كدة بيني وبينها مخليني مش بطيقلها كلمة ولا تصرف ولا بحب اقولها كلمة حلوة معن انا كويس معاها بتصرفاتي يعني لو تعبانة بجري معاها علي دكاترة واجبلها علاج كله دا معنديش مشكلة فيه مشكلتي اني مش بعرف اقولها كلمة حلوة او اطبطب عليها او ابوس ايدها معن انا طبعي مش كدة فيه بنت ف حياتي بحبها بصالحها دايما وبحايلها وبقولها كلامي حلو بس مش بعرف اعمل كدة اطلاقا مع ماما وانا فعلا مش عارف ليه للعلم هي كانت بتضربني كتير وتتعصب عليا وتزعقلي وانا صغير حتي وانا كبير والله لما تتعصب بتمد ايدها عليا وكانت بتضربني علشان غبي مش علشان مش بسمع الكلام يعني بحاول تحفظني قرأن وتقول الأية مرة واتنين لو بعدها محفظتش تقعد تضرب فيا بالخرطوم والحزام وببقي هموت من الوجع والألم وبتحايل عليها تسيبني يعني مكنتش بتضربني علشان مشاغب او مش بسمع كلامها واذاكر ف انا حاسس ان هو دا السبب اللي مخلي عندي طاقة غضب دايما منها انا فعلا مش عاجبني دا وعاوز حل علشان هي بتزعل مني كتير بسبب اسلوبي دا

2

3