انا كنت مع خطيبى خارجين وكان سايق وكدة و كنا بنتكلم وبنهزر عادى وهو بيثق فيا جدا او كان بيثق انا مش عارفة احدد موقفه بصراحه بس حبيت اكتب اللى حصل لانى مش عارفة اعمل ايه ومش فاهمة ومعلش هطول اوى فى الكلام.. .. المهم فى رقم رن عليا وكان واحد باين أنه بيعاكس يعنى هو قالى رقم مين قولتله معرفش فرديت بقول الو فصاحب الرقم قالى عاملة ايه صوتك وحشنى فأنا قولت ايه العبط ده وقفلت على طول راح خطيبى وقف بالعربية قعد يقولى مين صوت راجل ولا ست وورينى الرقم وانا قولتله مش مشكلة حد متصل غلط عادى مفيش حاجة قام قالى انتى تعرفى صاحب الرقم ده ومخبية عنى حاجة قولتله لاء طبعا ...انا طبعا لما حسيت أن ممكن طريقتى تشككه فيا ان انا مش عايزة أقوله مين اللى بيرن وانا بجد مكنتش عايزة نعمل مشكلة فقولتله بقا ده واحد بيعاكس خلاص وهعمله بلوك قعد يقولى نعم!!! وزعق واخد منى الموبايل بالعافية واخد رقمه واتصل بيه وشتمه وقعد يزعق جامد اوى معاه انا بجد اتخضيت ومكنتش عارفة اتلم على اعصابى وكل ده طبعا كان برة العربية هو فتح الباب وطلع برة العربية وزعق وعمل كل ده دخل بقا العربية وقعد يزعق تانى ويقولى تعرفيه منين بزعيق جامد انا قعدت أقوله انت بتشك فيا من امتى انا معرفوش بجد ده واحد بيعاكس عادى بتحصل وانا عملته بلوك خلاص ..راح قالى الواد كان سامع كل تهزيقى ليه وف الاخر بكل هدوء يقولى خلاص ياعم متتعصبش اوى كدة هى بس صوتها وحشنى وقفل السكة وبتصل بيه مبيردش مين ده وقعد يزعق وانا مش عارفة مين ده قولتله ما اكيد بعد الشتايم دى حب يستفزك اكتر وقفل عشان انت تفضل تاكل ف نفسك كدة راح قعد يزعق اكتر ويخبط ويرزع كنت حساه هيضربنى ومهما أهدى فيه مبيهداش وانا كنت خلاص مش قادرة استحمل اكتر من كدة جاية افتح باب العربية عشان انزل اروح البيت خلاص مش هينفع اقعد اكتر من كدة معاه هو بقا قفل العربية وقالى انتى نازلة رايحة فين بردو بزعيق وانا قومت معيطة ولما عيطت ابتدى يهدأ شوية قالى طيب انا جبت اسمه على الترو كلر واسمة كذة كذة تعرفى حد بالاسم ده ؟!مع العلم انى مرتبطش قبل كدة نهائى وانا قايلاله كدة .. المهم الاسم ده كان واحد معجب بيا من بدرى جدا ايام الجامعة وكان كذة مرة يكلمنى وكنت بصده وبعمله بلوكات وكان بيكلمنى ف الجامعة وكنت بصده برضو فأنا بكل صراحة قولتله كدة وقولتله انا مش بكدب وانا مرتبطتش قبل كدة وانت عارف كويس انى مكنتش بحب الحوار ده بس لاقيته برضو اتعصب قالى انا هروحك عشان لو فضلت شايفك قدامى اكتر من كدة الدنيا هتخرب وقالى الواد ده مش هسيبه وانا من ساعتها مرعوبة عليه ليعمله حاجة ويحصله هو حوارات خايفة عليه اوى ومش عارفة اهدا وهو مش بيرد عليا وحساه كمان مش مصدقنى ودى حاجة مدمرانى بجد وهل انا غلطانة ف حاجة

0

4