.png)
Watermelon_18890 🇪🇬
منذ 3 أسابيع
.
شعور مرتبك
السلام عليكم ورحمة الله وبركاته 🫡✨ عندي مشكلة عملالي ازمه حبتين. الحمد لله ربنا رزقني القبول و ان الناس كلها بتحبني و بتشوفني مميزة و تفكير اكبر من سني ف الحاجات اللي محتاجة تفكير و عفوية طفولية ف الحاجات اللي فيها طاقة و هيبره.. و دايمًا بيشيدوا ب ان تفكيري حلو و ان اي حاجه بعملها بتبقا حلوة ( الحمد لله) و حتى لو ناس اتعاملوا معايا من اول مره بيحبوني جدًا و دايمًا الجملة اللي بتتقالي "اني مميزة " و "اسم ع مسمى " ( اسمي ليه علاقة بالڤايبس بتاعتي) الا اهلي... بيقعدوا يقولوا عليا متمرده و مفييش مني فايده و حتى لو عملتهم كل حاجه طلبوها و نسيت حاجه يفعلوا وضعية "ع فكرة انتي اللي بتبوظي كل حاجه بتعمليها انك مش بتعملي كل حاجه لآخرها" و يقلبوا الترابيزه عليا.. ده غير بقا كلام اخويا ان جوزي مش هيطيقنا عشان طلباتي الكتير و اني زنانه و شخصيتي دي مش هتنفعه ( طلباتي مش كتير انا بس ببقا بصيح حرفًيا) مع ان لما اي حد بيتعامل معايا بيحب شخصيتي جدًا بس بلاقي من اهلي ردود فعل انا مثلًا ببقا مستنياها من الناس اللي بتكرهني... ده غير التقليل من اي حاجه بعملها او مواجهتها ب ردود فعل بارده مفيهاش مشاعر او حاجه... بقعد اتخيل اني ف يوم طلعت ف التليفزيون نظرًا ل نجاحاتي المبهره... مش هعرف اقول اهلي هما كانوا الداعمين ليا.. ❤️🩹 المشكلة ان لما اجي اشكي لحد يعرفهم او ل صحبتي يقولولي دول بيحبوكي خالص انتي مش بتسمعي كلامهم عنك و الحاجات دي... طب ما تبينولي دههه! بس ف البيت بيبان العكس اوي... بقيت مشفاهمه طب انا اللي وحشه ولا ايه.. بس انا شايفه اني حلوه و الناس بتحب تتعامل معايا.. بس ليه انتو بتعاملوني كده.. ع العموم دعواتكم فترة المشاكل دي تعدي ع خير و دمتم بخير🪷✨
7
10
