دمي تقيل مع ناس جديدة.. المشكلة فيا ولا فيهم؟

Lemon_66502 🇪🇬

منذ 3 ساعات

شعور متوتر

انا شاب ويمكن مشكلتي تكون تافهة للبعض فلو شايف انها مشكله متستدعيش انك ترد اعمل نفسك مش شايف البوست في سؤال كده محيرني انا كواحد بطبيعتي دم خفيف وبحب اهزر ومش بتصنع ده بس ساعات وانا بتكلم مع حد لأول مرة بحس ان دمي تقيل او الهزار مش جاي على مزاج اللي قدامي ويمكن ساعات بحس انه مضايق او مش متقبل هزاري مع اني عادي لو الموقف جد بتلاقيني بكلم بعقل وبدي حلول كويسة بس اللي مش فاهمه هل دي مشكلة فيا ولا الطرف التاني ممكن يكون شخصية جادة ومش بيحب الهزار ولا فعلاً في ناس مش بتتقبل دمك من اول مرة وهل فيه حد بيمر بالمواقف دي ولا بجد انا لوحدي ---

هل أنا سلبي عشان مردتش قدام الناس ولا ايه؟

كنت خارج مع شلة الكلية ف كانوا بيلعبوا لعبة صراحة كده و قالوا هنقول كل حاجة بصراحة و محدش هيخبي قام جه الدور عليا و اتسألت أكتر حد دمه تقيل ف قلت علي اتنين واحدة منهم خدت الموضوع بهزار و عادي و التانية معرفش زعلت بجد ولا ايه المهم السيرة بتاعة الحوار ده اتجابت النهاردة و اللي تقبلت الموضوع راحت للتانية فكرتها قامت قالت لما تاخدي رأي حد يبقي حد ليه لازمة أنا عديت الجملة قلت يمكن اتحرجت لما قلتلها عشان كان وسط ناس كتير بس فحاسس بتأنيب إن مردتش عشان كان قدام ناس و مش هرد عليها برضه و اثبت إن ليا لازمة يعني ليها هل كده أنا سلبي عشان مردتش قدام الناس ولا ايه ؟ و كان ممكن أقول ايه يكون رد جامد بس باحترام ؟ ...عرض المزيد

5 الدعم

6 نصيحة

زوج بيحس بالرضا بس مش سعيد.. وعمرى 32 سنة

انا ك زوج تحولت لانى هدفى تلبية احتيجات الاسرة النفسية والمادية فقط مبقتش احس بالسعادة بقيت بحس ب الرضا عن نفسى لما اقدملهم احتيجاتهم ، مش بعمل اللى يسعدنى ولا هما بيهتمو انا سعيد ولا لا ، دون ذلك انا حد دمه تقيل وكلامه غير مرغوب فيه فبقعد ساكت ديما ومبشاركش ف احداث او احاديث عشان ميبقاش دمى تقيل كمان ،،، يعنى مثلا العيد بالنسبالى شوية حاجات بقدمها مابين لبس ولعب وعيديات و خروجات وفسح ولازم اروح العب البت وامشيهم وبعدين اخرج مراتى لوحدها ونقعد فى مكان ونتمشى ماسكين ايد بعض الخ . انا بعمل ده ك تارجيت عليا لازم احققه عشان اكون راضى عن نفسى ومحسش انى مقصر . بس انا واثق اصلا ان محدش يعرف انا بحب ايه او ايه اللى بيبسطنى عارف ان كلامى بتاع حد عجوز شوية بس اللى مؤسف اكتر انى مكملتش ٥ سنين جواز وعمرى ٣٢ سنة بالمناسبة انا بفضفض بس مش طالب تفاعل او ردود ...عرض المزيد

5 الدعم

2 نصيحة