هل أنا سلبي عشان مردتش قدام الناس ولا ايه؟

Question

كنت خارج مع شلة الكلية ف كانوا بيلعبوا لعبة صراحة كده و قالوا هنقول كل حاجة بصراحة و محدش هيخبي قام جه الدور عليا و اتسألت أكتر حد دمه تقيل ف قلت علي اتنين واحدة منهم خدت الموضوع بهزار و عادي و التانية معرفش زعلت بجد ولا ايه

المهم السيرة بتاعة الحوار ده اتجابت النهاردة و اللي تقبلت الموضوع راحت للتانية فكرتها قامت قالت لما تاخدي رأي حد يبقي حد ليه لازمة أنا عديت الجملة قلت يمكن اتحرجت لما قلتلها عشان كان وسط ناس كتير بس فحاسس بتأنيب إن مردتش عشان كان قدام ناس و مش هرد عليها برضه و اثبت إن ليا لازمة يعني ليها

هل كده أنا سلبي عشان مردتش قدام الناس ولا ايه ؟ و كان ممكن أقول ايه يكون رد جامد بس باحترام ؟

Coffee_27700 🇪🇬 · Accepted Answer

اعذرها برده مش كل الناس هتتقبل ولا هتفهم حتى لو هزار. والسؤال كان صعب مكنش لازم حد يسأل أسئلة توقع الناس في بعض.
روحلها واتكلم معاها انك كنت بتهزر وحل الموضوع خليك جدع.

Strawberry_20568 🇪🇬 · Answer

بصراحة أنا شايفة أن انسب حل تكلمها تعتذرلها وانك كنت بتهزر مش قصدك حاجة و متلعبش اللعبة دي تاني عشان ممكن تضايق حد أو تكسر بخاطره و ده شئ عظيم عند ربنا و تقطع علاقتك بالبنات دي لأن حرام الاختلاط اصلا و ركز في كليتك ربنا يوفقك و يهدينا كلنا

Chilli_28482 🇪🇬 · Answer

المشكلة إن اللي زعلت دي هي اللي قالت نتكلم بصراحة و محدش يزعل 😂

أنت شايف إن بعد اللي قالته ده أروح و اعتذرلها ؟

Chilli_28482 🇪🇬 · Answer

المشكلة إن اللي زعلت دي هي اللي قالت نتكلم بصراحة و محدش يزعل 😂

أنتي شايفة إن بعد اللي قالته ده أروح و اعتذرلها ؟

ممكن تكون كانت شايلة مثلا

Chocolate_28606 🇪🇬 · Answer

بص من الذكاء اننا نحكم كلامنا ونعرف نقول ايه ولمين ، عادي احنا لسه بناخد خبرة وطبيعي نعمل حاجات مش اذكى حاجة، روح كلمها وهزر معاها وقولها حقك عليا وبتاع ومشي الليلة عشان هي زعلت فعلا وده حقها تماما واللي قالته قدام الناس وزعلك ده كان رد فعل ودليل انها فعلا شايلة وهي بنوتة فاعمل بدورك وشيل انت المرادي، المهم ممكن تكون البنت دي كانت معجبة بيك عادي وانت قلت كدة فده مبرر اوي للعدوانيةدي دلوقتي

Pineapple_33562 🇪🇬 · Answer

لأ خلاص ولا تعتذر ولا تاخد موقف عديها يعني واتعامل عادي ممكن كلامك داس علي حاجة عندها بس فراحت مطلعاها فيك