عندي مشكله ان في بنت فحياتي هي حسب كلامها انها بتحبني جداا / حب مرضي / انا طبعا لاحظت ده فالاول و حاولت ابعد عنها بس لقيتها بتتجنن و بتراقب كل حركة بعملها ع السوشيال ميديا و ضيفت مين و مين عملي لايك و مين بص عليا و كل حاجه و بعدين قررت ان ده رعب ف هعملها بلوك ف كنت بعملها بلوكات من كل حته تسكت شوية بعدين ارجع الاقيها تتصل بيا من نمرة غريبة و تقعد تعيط و كده ف بتصعب عليا و ارجع اشيل البلوكات.. الفكرة ان بعد فترة ابتدينا نقع ف ان يحصل بنا شات مش لطيف -جنسي- نوعا ما طبعا مش ببرر اي حاجه انا بس انسان و ضعفت و غلطت .. الفكرة ان الموضوع قلب عندي انا لادمان لان حرفيا هي بتعملي اي حاجه بطلبها بدون حتى ما تسأل ايه الغرض !!... الموضوع وحش جدا انا اسف اني بحكيه بس حقيقي انا غرزت جامد و بعدت عن ربنا بعد ما كنت بني ادم ربنا هو اول اولوياته و يعرف الحرام مالحلال .. بس يمكن الموضوع اللي مخليه يسوء للدرجادي ان هي مش بتقاوم اطلاقاً .. حاليا طلبت منها تعملي بلوك و انا عملت من نحيتي و طبعا الموضوع مأثر فيا لانه شبه المخدرات بظبط . بس اتمنى مرجعش تاني بأي شكل .

3

0