بحب بنت بس عندها ماضي صعب.. أعمل إيه؟

Question

صباح الخير انا عندي مشكلة اني حبيت بنت من حوالي سنه و هي بنت لطيفه و دمها خفيف و هي اردنيهو كانت حكيالي أنها اتخطبت قبل كدا مع العلم ان الخطوبة عندهم کتب کتاب بس في اخر شهر بدات تحكيلي عن ماضيها عشان مش عايزه نکمل العلاقة علي كذب و قالتلي ان خطيبها ده حصل معاهم حاجات مش کویسه زي انهم باسو بعض و نامو مع بعض بس هي لسه بنت و حاجات تانيه كتير في منهم قبل كتب الكتاب و منهم بعده و ان الشخص ده فضحها في المكان اللي هي عايشه فيه و قدام اهلها انها اطلقت منه في المحكمة وقالتلي انهم لما كانو مع بعض علمها المخدرات و بطلتها وعلمها التدخين بس لسه مکمله علیه و بدات تخفف عشان تبطل بعد ما انا قولتلها الفكره انها بنت غلبانه جدا و بتصدق اي حد و اي حاجه حرفيا و هو استغل الحته دي و انا مش عارف اعمل ايه بين نارين بين اني بحبها جدا و اديتها وعد اتجوزها و ادخل البيت و بين اللي سمعته منها و اللي هي جت قلته ليا عايز حد ينصحني ممكن اعمل ايه

Blueberry_52348 🇪🇬 · Accepted Answer

التائب من الذنب كمن لا ذنب له

Popcorn_53700 🇪🇬 · Answer

بص هو الغلط عليها عشان ماحدش يفضح نفسه ايا كان مع مين بيتكلم 
يعني ربنا سترها تقوم هي تفضح نفسها 
بس ارجع و اقولك ان البنت دي وثقت فيك ثقة عمياء انها تكشفلك نفسها كدا 
فلو بتحبها افتح معاها صفحه جديده و سترها و اتجوزها 
و ايااك ثم اياك ثم ايااك تعايرها بده في يوم من الايام 
ماتنساش ان انت الي قبلت قبل ماتعمل كدا 
فا دي إنسانه صريحه وواضحه ما غشتكش زي ما الكل بيعمل دلوقتي الا من رحم ربي 
فحافظ عليا

Apple_52390 🇸🇦 · Answer

وايه الي يثبت انها عملت كدا علي اساس انو زوجها لو كان ده حصل أصلا كتب كتاب مع انو عادي بيتخطبو برضو وبعدين كتب كتاب وموضوع سلمت نفسها ده شي أنا مقبلش بيه لو آخر بنت في الكون ده رأي الشخصي ماليش علاقه باي حد نصيحه ابعد عنها وايه الي يضمنلك انها مش علي علاقه بحد تاني أصلا وبعدين المخدرات والسجاير دي موضوع تاني مش محتاج تفكير أصلا انك تبعد والي يقولك غير كذا كداب وهو نفسو ولا اهلو هيقبلو بكدا

Apple_52390 🇸🇦 · Answer

علشان متجيش في يوم لو حصل بينكم نصيب وتعايرها وتذلها ساعتها مشً هتعرفو تعيشو مع بعض والشك هيبقي موجود بينكم لو شايف نفسك هتتحمل كدا اتوكل علي الله وانت حر لو هتشك فيها لحظه يبقي من أولها ابعد

Hazelnut_52786 🇪🇬 · Answer

عزيزى هي علشان بتحبك كانت واضحه معاك جد 1)
ومكنتش ممكن تحكيلك ولا انت كنت تعرف • . بتحبها توكل علي اللّٰه وما حدث قد حدث !!. الاهم تكون واثق فيها شريك حياتك 👍👍. وتبقي واثق من نفسك انت شخصيا جدا *🔅🔅
*. علشان اول خلاف ما بينكم بلاش ترجع تفكر في اي حاجه قالتها ليك :%:🌟🌟 %: وتخلي الشيطان يسيطر عليك بالأفكار السلبيه اتجاها. توكل علي اللّٰه .
👍👍👍👍👍👍👍👍👍👍👍👍

French Fries_51508 🇪🇬 · Answer

اولاً تصرفها انها قالتلك ده يبين انها وثقت فيك وبتحبك ومكنتش عايزاك تكون مش عارف حاجه عنها وكانت عايزه تكشفلك كل حاجه بحيث تكون عالم باللي حصل ومش عايزه تغشك ثانياً الأهم من ده كله شوف انت بتفكيرك ودماغك بعيداً عن مشاعرك اركنها على جمب انت بعقلك ودماغك راضي انك تبدأ معاها صفحة جديدة وعايزها تكون زوجة ليك ولا لا؟ لان لو اه يبقى اياك تعايرها بشئ زي ده بعدين لكن لو لا يبقى خلاص متعشمهاش بحاجه وابعد

Chocolate_28606 🇪🇬 · Answer

لو عندك القدرة تكمل معاها بس تكون متأكد من جواك١٠٠٪؜ ان مش هييجي اليوم اللي تعايرها فيه يبقى كمل ، هي كان ممكن متقولش وكان ممكن تكمل معاك كدة وتعيشو سوا وده اللي كان المفروض تعمله والدين نفسه بيقول كدة بس هي شكلها نضيفة للدرجة اللي خلتها متقدرش تكمل من غير ما تقولك ، أنا شايفة انك تروح ثيرابي وتتكلم مع الدكتور وهو هيفهمك كويس اوي ويديك حلول فعلية تكملو بيها سوا

Mango_52633 🇪🇬 · Answer

اهرب يا صاحبي انا كنت زيك في علاقه زي ديه اهرب بقولك محدش بيغير حد وهتفوق متاخر بعد ما طاقتك تستنفذ اهرب انا جاي من هناك

Durian_52455 🇪🇬 · Answer

احنا أفشل حد ممكن ينصحك!
دى حياتك إنت
ودى حتكون شريكة حياتك إنت (لو انت عايز)
احنا منعرفهاش ولا نعرف أهلها
الصح، إنك تقعد مع نفسك وتفكر كويس جدًا فى العلاقة دى
ومتركزش مع ودانك اللى سمعت الماضى السيئ على قد ماتركز على القلب الطيب اللى انت بتأكد وجوده بنفسك!

Cookies_54142 🇪🇬 · Answer

هتسيبوا بعض اجلاً ام عاجلاً لان مع اول خناقه هتقولها يلا يا كذه يا كذه