انا عندي مشكله اني بحب الاشخاص الكامله البيرفيكت انا عارفه أن مفيش حد كامل بس انا لما بتصاحب مثلا علي بنت وأبدا اقرب منها ببدا اشوف عيوبها وابدا ابعد عنها انا عايزه واحده بيرفيكت تكون صحبتي وبحس اوقات أننا عايزه امسك الناس الي ف الشارع دول كلهم وانضفهم والله واجيبلهم لبس كل واحد علي حسب شخصيته دايما تفكيري ف اني عايزه اقوم انضف الناس دي او المكان انا دلوقتي بحاول اضغط علي نفسي ومنضفش اوضتي الا لما اخلص امتحانات بجبر نفسي اقعد فيها وهي مبهدله بس حتي البهدله دي منظمه يعني الكتب فوق بعض واالبس مع بعض بس هي تبان مكركبه بس انا مش قادره اسكت علي كده وايدي بتاكلني بصراحة وكمان لو انا بره البيت مثلا ماشيه ف الشارع ف انا كل تفكيري اني اجيب ناس وننضف الشارع أو نهد البيوت القديمه ونبني جديده تفكيري دايما ف البيئه المحيطة بيا تكون بيرفيكت الناس تكون نضيفه وحتي ممكن ف شكلهم يعني لو واحده مثلا عينها ضيقه أو مثلا مناخيرها كبيره انا مش بعترض علي خلقه ربنا بس انا عايزه ناس بيرفيكت ف حياتي والي مضايقني اكتر اني انا ذات نفسي مش بيرفيكت هو يمكن اه جسمي حلو ومثالي ووزني وطولي وكل ده بس مثلا بشرتي مش صافيه اوي مناخيري مش مثاليه ف انا بعترض علي الناس وانا ذات نفسي مش كامله ده الي حارقني ومخليني متضايقه حتي العلاقات والصحوبيه السوشيال دي مببقاش مرتاحه فيها لاني مش شايفه البني ادم ده قدامي مش عارفه شكله لبسه المكان الي هو عايش فيه انتو متخيلين اني بدور علي واحد يكون شكلو حلو ونضيف ومحترم وشغال شغل حلو وعايش ف بيئه تعجبني طب ما انا مش هلاقي حد كده انا بجد زهقت من الموضوع ده وزهقت أن كل تفكيري ف النظام وانا اصلا دماغي من جوا مش متنظمه

5

3