عندي مشكلة مع اللمس ومش عارفة أتجوز - أعمل إيه؟

Question

انا عندي مشكله مع اللمس ومبقدرش اشوف حد بيلمس حد قدامي بحس جسمي بيوجعني واللمسات المفاجاءة بتوترني وكمان مخيفه بالنسبالي وانا مخطوبه وكمان شهرين وهتجوز وحاليا بفكر بشكل جدي افشكل الخطوبه علشان هو اصلا حتي ميعرفش حاجه زي دي وبصراحه تعبت نفسيا جدا وكمان ضغط التجهيزات دا صعب زياده عن اللازم ...اعمل ايه ؟

Apple_61281 🇸🇦 · Answer

حصلك حاجه وانتي صغيره غالبا عملالك تروما حتي لو انتي مش فاكره روحي لدكتور نفسي هيساعدك اوي

Mango_65055 🇪🇬 · Answer

اتعرضت لتحرش تحت تهديد سكين

Apple_61281 🇸🇦 · Answer

فهمتي قصدي واضح المشكله من فين دلوقتي روحي لدكتور نفسي انتي اتعرضتي للمس غصب عند ف طبيعي يجيلك تروما من الموضوع حاولي تروحي لدكتور نفسك هيحل ااموضوع بجد واعرفي انك مش ليكيي ذنب ابدا

Orange_64916 🇪🇬 · Answer

انتي عندك مشكلة نفسية الأفضل علاج نفسي لان ده هيأثر علي جوازك

Mango_65055 🇪🇬 · Answer

طلبت من مامتي اكتر من مره نروح دكتور قالتلي انتي مفكيش حاجه وهي متعرفش التجربه السابقه وبصراحه مش عندي شجاعه للمواجهه

Mango_65055 🇪🇬 · Answer

والدتي رافضه العلاج النفسي وشايفه اني مفيش حاجه

Apple_61281 🇸🇦 · Answer

انتي كام سنه--- انت كييره المفروض بتقولي مخطوبه روحي من ورا اهلك بجد اعرف كذا حد عمل كدا بجد هتقدري تطلعي للجواكي

Mango_65055 🇪🇬 · Answer

عندي 23 اروح مره هل هقدر كل مره اروح من وراهم؟

Orange_64916 🇪🇬 · Answer

قوليلها خلينا نروح لدكتور و نشوف رأيه ايه مش حنخسر حاجة و لما الدكتور يقعد معاكي فهميه ان مامتك مش مقتنعة بالعلاج النفسي وهو حيقنعها

Apple_61281 🇸🇦 · Answer

اه تقدري. عادي اعرف بنات راحو كذا مرا وفعلا كان الموضوع مستحق بجد هتستريحي والمشكله عندك هتتحل

Mango_66476 🇪🇬 · Answer

روحى لدكتور او دكتوره نفسيه و احكيلها واحده واحده و هتساعدك ان شاء الله و لا متفشكليش و لا حاجه هى مشكله بسيطه و هتتحل بأمر الله و ادعى ربنا و بالنسبه لضغط التجهيزات ده مصيره يخلص و لو حابه ترتاحى بعدها و تأجلى الفرح يبقى كويس عشان تكونى مستعده

Coffee_68006 🇪🇬 · Answer

حاول تشيل اى فكره او موقف حصل معك 
انا رأيي المتواضع انك تتكلم مع شريكك وتقوله كل اللى انت حاسس بيه وايه مخاوفك وتحاولى تبطلي تفكير خالص لان التفكير قاتل ومش هيحس بالموضوع دا غير اللى مش بيبطل تفكير او قلبه متعلق بوقف مش عارف يتخطاه 
اسلم حل الكلام بحدود وأدب احكى كل حاجه والشخص اللى معاك لو سمعك هيساعدك تتخطى كل عواقبك اللى انت حاسس بيها 
وحاولى قربى من ربنا اكتر واكتر هترتاح كتير