كيفكم الموضوع شوي طويل انا شب عندي ٢٧ سنة طول عمري اموري تمام والحمدلله من ٦-٧ اشهر تعرفت على وحدة معي في الشغل "وبلمناسبة هاي اول بنت بحكي معها بحياتي " لانه عندي مبدأ انه طول ما انا مش قادر اخطب او اتزوج فش داعي احكي مع البنت لانه الموضوع حيكون محن وعلفاضي فانا والله حكيت معها وفي بالي اذا مشت الامور اتقدملها وتعرفت على البنت وحكينا وحبيتها صراحة وبعد بفترة رحت على اهلي حكيتلهم في بنت وبدي اخطبها وكانت هون الصدمة اهلي رفضو رفض قاطع بدون ما يعرفو او يشوفو البنت المهم بعد شهرييييييين اقناع اقنعتهم يروحو على بيت البنت وبعد ما رجعو حطوني بكوقف اني انا احكي للبنت انه ما بدهم وحكيت وصار معي مشاكل في الشغل والخخخ وضليت وراهم اقنعهم ما رضيو وبلعكس صار كل يوم اسمع حكي من اهلي على المشكلة اي اشي ما بعجبهم بربطوه بلبنت طبعا الاسباب الي رفضو البنت عشانها "طول البنت ، البنت والدتها من سوريا، اكبر منك ب٤ اشهر 😂 " وانا طبعا بعاني اقسم بالله يعني ما كنت متوقع هيك ردة فعلهم ولو كنت عارف ما فتت بعلاقة من الاصل طبعا اهلي بيحكولي احنا بدنا نجيبلك عروس وانا ما بدي وحكيتلهم بعمري ما رح اتزوج اذا ما تزوجت هاي البنت وحاليا همة ما بيحكو معي الا عبين ما ارد عليهم واصير اشوف بنات همة بدهم يجيبوهم … اقسم بالله تعبت نفسيا وما بعرف شو اعمل صرلي ٦ اشهر بحاول اقنعهم سافرت لابوي عبلد ثانية احكي معه واقنعه وعلفاضي ٦ اشهر مشاكل وقلة نوم وتفكير زايد ما بعرف اذا في حل او لا وما اتوقع في حل بس بدي نصائح تخليني ارتاح شوي لاني لا كسبت البنت وبلعكس خسرت كمان اهلي طبعا في تفاصيل كثير ما كتبتها بس هاد الملخص دعواتكم ❤️

8

10