خطيبتي مش عايزة تخلف واتهمتني بالأنانية

Question

انا مرتبط ،وعندي نية الخطوبة والزواج وشغال على دة 
العلاقة حلوة ومليانة حب وهي كويسة بس البنت جت قالتلي انا مش عايزة اخلف اما نتجوز ، أنا مش هقدر اشيل مسؤولية اطفال 
فبقولها أنا حقي اما اتجوز يبقالي اطفال واخلف ، ودي انانية منك انك تفكري كده 
قالتلي وانانية منك انك عايز تخلف وانا مش عايزة ( لامنطقية لأبعد حد ) ، قولتلها انانية ازاي أنا شخص طبيعي عايز يتجوز و يخلف زي كل الناس الطبيعية ،انتي بتقولي حاجة عكس الطبيعي و انا اعترض عليها تقوليلي أنت اناني!! 
ردها كان اني كده ببروز انها شخص مش طبيعي و اني جرحتها بده
انا حاولت اغير ده واتعامل معاها ومع مخاوفها واحل الكلام ده بشكل عقلاني بس مفيش حاجة اتغيرت..

Carrot_71203 🇪🇬 · Accepted Answer

ده كلام غير عقلاني بالمره ، دائما البنت الزواج بالنسبه لها حياه وروح وعائله واسره ، وهيا ربنا خلقها لكده ، غريبه فعلا تقول انها مش عايزه تخلف ، والموضوع كله ليس له علاقه بالانانيه ، واصل الزواج هو استمرار النسل

Ice Cream_63106 🇪🇬 · Answer

من اول كلمة انا مرتبط توقعت اني هلاقي مشاكل عشان البداية مكنتش ترضي ربنا
فأكيد مش هتمشي ببركة ربنا
على العموم انا شايفه مفيش حاجة اسمها أنانية في الموضوع ده اكيد الناس بتتجوز وتخلف

Banana_63629 🇪🇬 · Answer

هي عندها حاجة تمنعها و مش قايلة شوف غيرها يا برنس

Marshmallow_75559 🇪🇬 · Answer

هي حقها تختار وانت حقك تختار .. لو مش مناسبين لبعض ابعدوا

Apple_75486 🇪🇬 · Answer

ادعم🤎

Waffle_65620 🇸🇦 · Answer

خدها على قد عقلها و خش

Sugar_73449 🇪🇬 · Answer

لو الموضوع نفسي فقط وخوف من المسئوليه ما تشغلش بالك اعرف حد قريب مني كان كده وربنا رزقها ب 4اطفال اللهم بارك وجادعه وسائله المسئوليه جدا ..حاول بس تحتويها وتطمنها وتفهمها انك هتصبر لما تكون جاهزه نفسيا لده

Watermelon_63268 🇪🇬 · Answer

هوا الموضوع ممكن يكون غير طبيعي او غير عقلاني لبعض الناس بس فعلا الفكرة مرعبة، او هيا شافت ناس حواليها عانو بسبب الموضوع دا فقررت ان خلاص انا مش هخلف حتى لو اتجوزت، لو انت مش قادر تطمنها انك هتكون معاها في اي حاجة ومش هتسيبها لدماغها ولا هتسيب المسؤولية كلها عليها وايدك في ايدها خطوة خطوة يبقى سيبها لرغبتها او لحد اما حد ييجي يحسسها بالأمان تجاه الفكرة دي.

Carrot_63894 🇪🇬 · Answer

أنا عملت ده و بقالي فترة بطمن فيها من الناحية دي 
أنا شخص مسئول وفاهم دوري كويس واتكلمت معاها كتير بكل الاشكال ، أنا شكيت ان فيه حاجة عضوية و قالتلي لا 
عارف لو فيه حاجة عضوية و الله هكمل لانها هتبقى حاجة خارجة عن ايدها ، اللي مضايقني انها بتقولي أنا نفسيا مش قابلة ده و مش عايزاه

Carrot_63894 🇪🇬 · Answer

ماينفعش ، ماينفعش اخدها على قد عقلها في حاجة كبيرة زي دي او أتساهل فيها
هل لو حاجة بنفس الشكل كده بس في حقوقها عليا و قولتلها و الله أنا مش هعمل كذا عشان أنا نفسيا مش قابله هل هترضى ؟!!!! 
هل هتقبل العذر النفسي ده !!