خلاصة المشكلة مع أهل خطيبتي وعدم احترام رأيي

Question

أنا خاطب من سنه ونص ، جهزنا جزء كبير من الشقه وكان فاضل شويه حاجات صغيره زي ستاير والاهل علي علاقه ببعض من قبل خطوبتي من البنت ف بحكم العشره والعلاقه بينهم حصل حوار بين امي و ام البنت ان الحاجه هتجهز امتي بحكم ان بينا اتفاق ان اشيل معاهم النص بالنص وقولت تمام ف لقيت ابوها اتكلم و قال أنا جاهز اي وقت يلا بينا 
اتفاجئت تاني يوم انه اتفق مع واحد علشان يجي الشقه و يرفع مقاسات وبعت صور لامي و اتفق و رتب معاها من غير ما يبلغني اي حاجه سواء أنا او والدي ، طبعاً اعترضت ع النقطه دي انه ازاي يلغي وجودي أنا و ابويا و يتفق من غير ما يرجع لحد فينا اصحاب الشأن ، طبعاً كلمت خطيبتي وبتكلم معاها ف شديت معاها ف الكلام زي اي 2 مخطوبين ، لقيت بعديها ابوها بيكملني و بيشد معايا ف الكلام ع الموضوع دا روحت أنا كمان مزعق معاه و اتكلمت معاه بنفس طريقته و أسلوبه 
لقّيت بعديها البنت بتكلمني و بردو شدينا مع بعض بس المره دي الموضوع كبر شويه و فضلنا اسبوعين مش بنتكلم ومنعرفش حاجه عن بعض لحد ما كلمت ابوها و روحتلهم البيت علشان نقفل الصفحه دي ونعدي الدنيا وكل واحد فينا اتكلم وطلع اللي جواه وانا اتكلمت وخلاص الموضوع قولت اتقفل والدنيا تمام و هنرتب مع بعض كل حاجه 
لحد ما لقيت البنت فجاه مش بترد ع المسدجات بتاعتي ولا مكالمات و عايزه تفكر ف الموضوع إذا كانت تكمل او لا

Biscuit_31447 🇸🇦 · Answer

مشاكل الخطوبة الي فالبداية مهمة جدا، من خلالها بنشوف دا الشخص بيتعامل مع المواقف دي ازاي وازاي بيتحكم في نفسه وشخصيته وغيره، كلنا عندنا عيوب، لكن كل واحد يختار العيوب الي يقدر يتقبلها ويعرف يتعامل معاها، يعني باختصار تختار المشاكل الي انت تقدر عليها، ف من البداية اذا الناس دي ما ناسبوك واسلوبهم وغيره خلاص انتهى الموضوع، لكن انت ك راجل بتفتح بيت وبتكون عيله ما ينفع تدير المواقف بالطريقه دي وكل

Biscuit_31447 🇸🇦 · Answer

وكل م حد زعق زعقت انت كمان، حتى لو كنت مش انت الي غلطان، طريقة معاملتك مع المشكلة اهم من اي حاجه وهي وقتها يا حتقدرّك وتعجب بيك وتستوعب قد ايه انت شخص هي تقدر تعتمد عليه، او حتقول دا واحد مش قد المسؤوليه ومش بيعرف يتصرف، خلي عندكم ذكاء اجتماعي

Apple_31211 🇪🇬 · Answer

في خلال السنه وشويه دول حصل مشاكل بينا كتير وبحكم سني وتجاربي وخبراتي بكون دايما الجزء اللي بيحتوي المشكله وكنا بنعدي المشكله و بنرجع بشكل كويس و البنت أنا متاكد انها بتحبني بس تدخل ابوها معايا بالشكل دا مقدرتش اني اتحكم ف اعصابي وكانت المعامله بالمعامله وبرغم كدا لما روحت لابوها علاقتنا والكلام والتعامل كان الطبيعي ومفيش زعل وكل واحد فينا طلع اللي جواه وقفلنا الصفحه واتكلمنا وضحكنا شويه

Lemon_31436 🇮🇶 · Answer

طبعا الغلط احس من عدهم بس كل الي اكدر اكوله الك هسه تخلي البنية تفكر يمكن اهلها مسببين ضغط عليها فانت لا تضغط عليهه خليهه تتخذ قرارها واذا تحبك مراح تعوفك وترجعون طبيعي بس حاول تاخذ الامور بالسياسة ويه اهلها واذا تصير مشاكل حاول ما تكبر حته ما تخسر البنية اذا تحبها

Avocado_21982 🇪🇬 · Answer

سيبها تفكر وقولها انت كمان هتفكر وربنا يقدملكم اللي فيه الخير

Apple_31211 🇪🇬 · Answer

ساعات بشوف البنت تفكيرها محدود جداً او يكاد يكون مش موجود 
هي حد كويس ومحترم وهادي وانا فعلاً بشكر فيها بس لما بتحصل مشكله بيكون ردودها ملهاش علاقه بالموضوع زي مثلاً 
أنا لو قولتلها أنا سقعان ترد تقولي خير يا حبيبي متقلقش ان شاءالله هتدفي!!
فين تفكيرك و دماغك ، انا بحاول احتوي الموقف بس مش جوايا جزء بيقاوح شويه و الجزء التاني متمسك بيها

Biscuit_31447 🇸🇦 · Answer

استغفرالله ضحكتني ان شاء الله حتدفى😂😂😂
حاول تتقبلها، اذا انت مختارها ف اتقبل فيها عيوبها وناقشها فيها وساعدها تبقى شخص احسن، والبنات محتاجين كلمة حلوة واحتواء مش محتاجين نقاش منطقي حتى لو هي مقتنعه ب كلامك لكن اسلوبك هو الي حيغلب عندها، اياك تتحمل حاجة لان محدش بيتحمل حاجه للابد، يا تتقبل عيوبها يا لا، ما تظلمهاش

Apple_31211 🇪🇬 · Answer

مش عارف الدنيا رايحه فين ، احساس انك بقالك سنه ونص حاولت اعمل ليها كل حاجه حلوه ومفاجات طول الوقت وبكون موجود دايما جنبها وبتجهز شقتك و كلها كام شهر ونتجوز فجاه هفكر ، طب ازاي !! كنتوا فين الفتره اللي فاتت دي لما اشتريت كل حاجه سوا !! 
أنا اللي غلطان بعد ما رديت ع تصرف ابوها انه كلم امي بدل ابويا و انه يعرفني !! غلطت لما رديت عليه اقول ان الأصول بتقول انك تكلم ابويا !!

Apple_31211 🇪🇬 · Answer

اللهم امين يارب ، دعواتك من فضلك 🙏
أنا فكرت و اخدت قراري بس مستني ردها

Lemon_31436 🇮🇶 · Answer

الاحساس صعب صراحة و حقك صدكني بس حاول تعذرها يمكن عليها ضغط ومو عارفة تتصرف صح هسه انت تحبها فادعي رب العالمين ان الامور تصير احسن و ترجع طبيعي اني شايفة الموضوع ان شاء الله بسيط و هيج امور تصير لا تخاف سلم امرك بيد الله واسال الله ان ترجع الامور طبيعية و يطيب خاطرك يارب

Apple_31211 🇪🇬 · Answer

مش هنكر اني حبيتها وبحبها ، كنت بختارها قصاد اي حاجه تانيه 
وقعنا ف كذا مشكله كنت وقت بشد عليها انها تتعلم وتعرف طبعي وحياتي و وقت كنت بسيب الحبل شويه علشان متبقاش الدنيا ع طول مشدوده او مضغوطه ، بس الصدمه جات كأن حد ضربني ع دماغي مش عارف افكر اعمل ايه 
المفروض اسيبها براحتها ولا اكلمها وساعتها هبقي بضغط عليها !! طب لو كلمتها أنا هبقي بقلل من نفسي او اكون باجي ع كرامتي و نفسي ؟؟

Lemon_31436 🇮🇶 · Answer

لا طبعا مو موضوع انك تقلل من نفسك بالعكس حسب كلامك انت دائما تختار تتصرف بحكمة و تهدي الامور وهذا الشي يرفع منك بس اني اكلك تخليها براحتها لان ممكن يكون اكو ضغط من اهلها مخليها ما تفكر صح خاصة اذا جانت عاطفية و تتاثر بهاي المشاكل حيل بس بالنهاية اذا هي تحبك مراح تعوفك على هيج مشكلة بس انت انطيها فرصة و وقت واذا هي من نصيبك ماكو شي ممكن يبعدكم عن بعض