عايز أخطب قبل الجيش ومش عارف أعمل إيه

Watermelon_60331 🇪🇬

منذ 4 ساعات

شعور مرتبك

دلوقتي انا بحب واحده وهي بتحبني واتفقنا تبقى علاقتنا في النور وناخد خطوة جد كلمت اهلي و عايز اروح اخطبها بس عندي مشكلة بسيطة انا عند جيش و عايز اخطبها قبل الجيش المهم قالولي لو عايزها اقراء فاتحه و ناجل الخطوبة لبعد الجيش عشان فلوس الدهب بتاعت الخطوبة ندفعها في القسط العربية اللي انت هتدخل الجيش سنه ومش هتكون بتشتغل فأنت كده هتدفع قسط عربيتك ازاي فا كده فانا مش عارف اعمل ايه فلوس الدهب تروح لقسط العربية خلال السنه دي لغاية لما اخرج و اجيبلها شبكه و نعمل خطوبة و اقرأ الفاتحة قبل ما ادخل بحيث احجزها ؟ ولا اعمل ايه مع العلم هي موافقه بس أهلها مش عارف رد فعلهم هل الآباء و الأمهات ممكن يرضوا بحاجة زي كده ولا هيقولي لا اخطبها قبل ما تدخل ولازم تجيب دهب ولا ايه ؟

غيابي ممكن يكون هدية وأنا مش ضحية

زمان كنت فاكر إن الدنيا ظالماني، وإن الناس بتبعد عني عشان أنا منحوس أو عشان ربنا بيحميني منهم. بس مؤخرًا ابتديت أبص للموضوع من زاوية تانية: يمكن مش أنا اللي اتشلت من حياتهم لمصلحتي بس، يمكن كمان ربنا شالني من حياتهم لمصلحتهم هما. أنا مش عاوز أكون نقطة سودا في حياة أي حد. مش عاوز أبقى سبب في وجع أو تعاسة حد، حتى لو من غير قصد. ساعات بنكون مركزين أوي في وجعنا وإحنا اللي خسرنا، وبننسى إن وجودنا ممكن يكون تقيل عليهم أو معطّلهم، مش لأننا أوحش ناس، لكن ببساطة عشان مش مكاننا معاهم. الفكرة دي علمتني التواضع. بقت تخليني أبص للموضوع من منظور أوسع. مش لازم أبص لنفسي دايمًا على إني ضحية. أوقات غيابي بيكون راحة لغيري، بيكون فرصة ليهم إنهم يلاقوا طريقهم أو ياخدوا نفس. بقيت أقول لنفسي: "مش مهم ليه مشيت… المهم إن وجودي مايبقاش سبب في ضلمة لحد." ساعات الرحيل بيكون أصدق من البقاء. ساعات البُعد بيكون نوع من الحب… لأنك بتسيب غيرك يعيش حياته من غير ما تسرق منه النور. فالنهارده، بدل ما أسأل "ليه سابوني؟"، بقول "يمكن أنا ماكنتش المفروض أكمّل معاهم." وده مش ضعف… ده وعي إن مش كل وجود في حياة حد لازم يستمر، وأوقات غيابك بيكون أعظم هدية. ...عرض المزيد

0 الدعم

2 نصيحة