مساء الخير، يارب تكونوا كويسين. انا بنت ومشكلتي مش نفسية نوعا ما بس انا اتخرجت السنادي وبسبب اهلي انا مشتغلتش طول حياتي ولا عمري عرفت ايه اللي هنفع فيه ف مليش تجارب ولا خبرات ف مجالات الشغل، اتخرجت من لغات وترجمة لكن لغاتي مش قوية كفايه اني ابدأ كول سنتر ولا ترجمة في الفتره الحالية خالص، ف بالتالي انا بضبش ف سوق العمل عشان ابدأ وخلاص وعشان اصرف على نفسي، اشتغلت شهر ف مدرسة ناشونال والمرتب كان 4k وعجب اهلي عشان شايفين ان التدريس كويس للبنات ك مواعيد واجازات، مكانش فيه ضغط مميت بس المكان منغلق على نفسه ومعظم الناس اللي هناك كبار ومتجوزين ومخلفين وانا الوحيده اللي يعتبر صغيره عنهم، معرفش مستقبل التدريس ف مصر(كل المجالات بالنسبالي مبهمة) واتعرض عليا الفتره دي شغل كول سنتر او تيلي سيلز والمرتب حوالي 6k بس انا برضه مكانش عندي شغف بالمجالات دي وخايفه منجحش فيهم! انا عارفه ان مشاكلي محدش هيعرف يحلها مكاني بس انا تايهة فاهمينني؟ خريج الطب عارف مستقبله نوعا ما وخريج حقوق يمكن عارف الحاجات المتاحه لمجاله، لكن مجال اللغات والترجمه ينفع في وظائف كتير وده اللي مشتتني، صوت عقلي بيقول(طب ما تجرب ياخي انت غرمان حاجه!....) ونفسيتي بتقولي(ها بقى مش هنستقر فحاجه؟) انا بس عايزه افهم هخرج من توهاني امتى؟ هخرج منه ازاي؟ الناس اللي كانت مكاني عملتوا ايه فحياتكم؟ واسفه اني طولت بس ربنا يعلم بالحالة اللي انا فيها وكمان شايفه ناس كتير سنها صغير وعارفه هي عايزه ايه وانا تايهة ك اني عيلة

1

10