ليه محدش بيتقدملي مناسب لطموحاتي؟ الموضوع بيعذبني!

Question

أنا عندى بفضل الله كل المؤهلات إلى تخلينى اتجوز حد كويس خلقا وشكلا وانا عندى طموح معين فى اختيار الشخص إلى عاوزاه وطبعا مؤمنه بأن الارتباط الغير شرعى وفى العلن وبرا البيت والأهل حرام ده غير انى مش بحب الاختلاط وبحب البيت 
 المشكله ان محدش بيجيلى يتقدم مناسب للتطلعات بتاعتى ولا لطموحى وانا مش حاطه مواصفات خياليه يعنى أنا كل إلى عاوزاه حد متعلم تعليم عالى زى وابن ناس محترمه وسيرتهم طيبه ومسؤول ومستواه يكون مناسب انى اعيش مرتاحه لان الحياه بجد صعبه فمش عاوزه أعانى وانا مش متربيه على المعاناه الحمد لله يعنى من اسره متوسطه بس الحمد لله عيلتى كبيره وناس كويسه الفكره أنى مش يختلط كتير بالناس ولو جه شخص مناسب لطموحى الموضوع بجد بيقف بدون اى سبب ولو جه حد مش مرتحاله يكون ملهوف جدا وانا مقبوضه وارفض فحقيقى الموضوع تاعب نفسيتى جدا وبدأ يأثر عليا نفسيا بشكل وصلنى لأكتئاب

Mango_66883 🇪🇬 · Answer

لازم ترضي وادي نفسك فرصه للقدامك ممكن يكون المشكله ف تطلعات انتي سائقها عاديه بس هي مش عاديه صدقني ف حد بيبقا قلبه ودنياته غير معاكي بس انتي ممكن بخوفك وتطلعاتك تفضلي كده وربنا يكرمك ويوفقك ويرزقك

Strawberry_57514 🇪🇬 · Answer

كلهم بجد مش مناسبين مش قادره اقبل حد أقل منى فى مستوى التعليم وحتى لو كان أقل ماديا مش هرتاح فحتى مفيش ميزه تغطى العيب إلى موجود والى بيجى مرتحاله وفيه شي كويس هيخلينى اتقبل عيبه بيقف الموضوع من عنده بدون اى سبب واضح رغم أن بيكون فيه اعجاب واضح يعنى

Carrot_66895 🇪🇬 · Answer

متتسرعيش خالص لازم فعلا اخلاق ومستوي مادي واجتماعي كويس وأهله ناس مسؤله وكويسه لان ده جواز وهتكوني اسره مش لعب عيال ف خدي وقتك ونصيبك هيجيلك ♥️

Chilli_65820 🇪🇬 · Answer

مش فاهمة 
اى مشكلتك

Pear_66847 🇪🇬 · Answer

بصي اولا ارقي نفسك  ومن الشروط انتى مش حاطه انو شخص يكون بيصلى مثلا فلازم تعملى دى معرفش ممكن تكونى مسيحيه مثلا بس بعرفك لو مسلمه ارقى نفسك وقولى المعوزتين وقل هو الله احد تلت مرات والزلزله سبع مرات وايه الكرسي ونفسك يبقي فى الماسه واشبري تلت مرات وانتى قاعد وتسمى الله وتمسكه حبه ماؤه صغيرين خالص وامسحي بيها دماغك وحبه كمان ماشيه على جسمك وانتى بتقولى بسم الله تلت مرات وشك وجسمك وانتى بس يدوبك ايد

Pear_66847 🇪🇬 · Answer

وبعديها استعيذي بالله وادى فرصه لكل اللى حواليكى وخلى عندك يقين ان ربنا هيراضيكي  وخدى واحد صالح يكون اب لاولادك قفعلا يكون كويس وبيحبك هتلاقي واصبري وهتلاقي واعملى استخاره كل ماحد مايجي ودى لنفسك فرصه

Strawberry_57514 🇪🇬 · Answer

مشكلتى أنه المواصفات إلى حاطاها مش بتيجى رغم انى عندى كل حاجه تأهلنى ليها الحمد لله ولو جت وكنت مرتاحه بتقف بدون مبرر واضح من الطرف التانى رغم أنه الاعجاب واضح وطبعا صالونات يعنى مش عارفين بعض قبل كده فمش بكون فاهمه اى الغلط والموضوع زاد كتير

Strawberry_57514 🇪🇬 · Answer

مش بضطر اوافق على حد مش مناسب الفكره أنى مضغوطه نفسيا من إلى بيحصل ومش عارفه اى العيب مؤمنه الحمد لله بس بتأثر للاسف

Strawberry_57514 🇪🇬 · Answer

مسلمه الحمد لله وبحاول أنا ملتزمه بالصلاه وبحاول اجتهد فى العباده

Chilli_65820 🇪🇬 · Answer

تواصل

Mango_66883 🇪🇬 · Answer

صدقني حتت الماديات دي طول م انتي حطاها كده ده اسمو عدم رضي عشان مش كل حاجه ماديات 
انا اخر خطوبه ليا كانت واحده معيشه نفسها ف خيال عالي
مع ذلك الحمدلله انا مستوي كويس وعائلتي كويسه وشغل الحمدلله بفضل الله 
ومعايا شقتي وخلصانه وكل حاجه الحمدلله 
وكنت بهاديها بمناسبه وبدون مناسبه لكي أن تتخيلي أنها كانت بطلع القطط الفطسانه ف الهدايا وكانت تعلق زي بدل م كنت جبتلي هديه كنت اديتني فلوس وجبتلي ريد بول

Popcorn_66925 🇪🇬 · Answer

أكيد عشان مشوفتينيش لحد دلوقتي😂😂

Mango_66883 🇪🇬 · Answer

وعايز ااقولك انها فشكله الخطوبه بعديها ب ١٥ يوم تحت مسمي أننا مش متافهمين 😌

Pear_66847 🇪🇬 · Answer

طب دا كويس دا الله مبارك ربنا يزيدك يارب  والقبضه واللهفه دى طبعا عليكى بستخاره لتلاقي نفسك مرحبه وقلبك من القبضه خف لا هتلاقي العلامات بتقولك لا واكتئاب اى يابنتى نتى احسن ايام حياتك وربنا محاوك بنعم كتير فكى كدا بس لو حاسه نفسك مش طبيعيه ومحتاجه ثرابيثت والعيب فيكى اناى اعملى داا

Strawberry_57514 🇪🇬 · Answer

مش قصدى مادياات قد ما قصدى اعيش على الأقل زى ما أنا عيشت فى بيت والدى يعنى مرتاحه لانى اتربيت على كده فهيبقى فوق طاقتى لو هو مش قادر يفتح بيت متوسط على الأقل فاهمنى ورغم كده عادى بس للاسف المؤهلات التانيه بتكون قليله برضوا

Mango_66883 🇪🇬 · Answer

ركزي هتلاقي ف واحد دنياتو كويسه ف اللي بيتقدمولك ومتصعبيش الدنيا صدقني لأن ربنا بسبب الأسباب نصيحه لوجه الله 
وربنا يرزقك ويكرمك

Strawberry_57514 🇪🇬 · Answer

الفكره برضوا مش فى كده الموضوع مش مفهوم أنه لو حد مناسب يتعطل بدون مبرر أنا قرأه الفاتحه بتاعتى كانت السنه الى فاتت وكان كل المواصفات موجوده فيه والدنيا كويسه بينا جدا جدا واتلغت قبلها بكام ساعه ومفيش اى مبرر والطرف التانى قال  مبررات عبيطه جدا بجد أنه عاوزنى اخد مساحه افكر تانى لان الموضوع مشي بسرعه رغم أنه واصله موافقتى فده مثال

Strawberry_57514 🇪🇬 · Answer

يارب واياك إن شاء الله

Mango_66883 🇪🇬 · Answer

باذن الله

Strawberry_57514 🇪🇬 · Answer

يشرفني بس  هو رزق من عند ربنا فى وقت معين  بس للاسف احنا بشر بنتأثر والحكمه بتكون مبهمه لينا

Apple_66876 🇪🇬 · Answer

والله نفس المعاناه حرفيا

Strawberry_57514 🇪🇬 · Answer

ربنا ييسرلك الخير والى تتمنيه عاجلا غير اجلا يارب

Banana_66971 🇪🇬 · Answer

عندك كام سنه