عندى مشكلة جواها كذا مشكلة.. 🙂 *التسويف* انا شخص مبعرفش استمر في حاجة مدة طويلة حتى لو بحبها بتخنق من الروتين نفسي الاقي حل لدا يعنى مثلا انا اصلا محاولتش اشتغل بشهادتى اشتغلت في شركات تسويق بس كل مرة مكنتش بقدر اكمل فالحمدلله قررت انى مش هشتغل ابدا عن قناعة🙂🙂 .. بس انا نفسي اطور من نفسي عشان نفسي وعشان استثمر وقتي ..محتاجة اتعلم الإستمرارية كل مرة ببدأ مش بكمل _نزلت دبلومة ديكور في فنون جميلة متحملتش اكتر من شهر _الرسم موهبتي المفضلة نزلت كورس رسم زيت ودفعت مبلغ كبير في الادوات هما شهرين ومكملتش وكذلك كورس فحم وسوفت باستل _ الإنجلش عايزة مستوايا يكون احسن وامارس اللغة بس بمل ومش بكمل _حفظ القرآن ببقى متحمسة اوي وبحفظ بسرعه وكم كويس وفجاة بهرب _ الكومبيوتر بكرهه اوى من ساعة ما كان شاشة وكيسة حاليا بقى لابتوب بكرهه برضو بحب الموبايل عشان صغير واسرع في كل حاجة بس مش عليه البرامج الى على الكومبيوتر حاولت اتعلم برمجة معرفتش اتعلم جرافيك مكملتش _كنت بكتب روايات وبنزل قصر الثقافة وشجعوني هناك كتير ان اسلوبي حلو مكملتش برضو _ واخيرا وليس اخرا كان عندي مشروع حلويات بتاعي كنت بشتغل اون لاين واشتغلت وبعت كتير الحمد لله بس فجاة حسيت انه لا مش هكمل فانا عايزة حد يرشدنى اعمل ايه ؟؟؟؟. انا مدركة ان عندي مشكلة بس مش بعرف اتحكم في الشعور الي بيجيلي فجأة بالقفلة وكأن حد بيخنقنى انا مش عايزة اشتغل ومش بحب الشغل عايزة اطور نفسي عشان نفسي انا حتى قراءة الكتب بدور ع الملخص فاااااااا ياريت الي عنده حل يقولي

0

6