مساء الخير انا ممكن كلامي يطول شوية بس ارجوكم اقروه للاخر عشان نفسي في حل.. المهم انا بنت عندي 20 سنة من صغري و انا في مشاكل و اكبر اسباب مشاكلي هي اهلي خاصةً امي و فروق المعاملة و كدا لما كبرت شويه بدأو اهلي يحاولو يهتمو بيا بس انا كنت خلاص مش محتاجة منهم حاجة لاني بسببهم للاسف معرفتش احب نفسي و اضطريت احتاج لحب ناس من بره و عرفت شباب كتير و ده جه عليا بنتيجة عكسية من مشاكل كان كل اللي ف مخيلتي اني هاخد حب حقيقي و اهتمام و حنية لكن بالعكس تم التحرش بيا و التعدي عليا بالضرب لما رفضت اني اعمل حاجات ضد مبادئي كل دي كانت اسباب اني حاليا بقالي سنتين كارهة الحب و الرجالة .. المهم انا نتيجة اللي حصلي ده ظلمت ناس و جرحت ناس معايا و مببقاش بستوعب انا بعمل ايه غير متأخر ف بنسحب و ببعد نفسي عن كل حاجة .. انا اتضربت و اتهانت و اتعاقبت و اتعذبت و عشت حياة متمنهاش لأعدائي .. حاليا حاسة اني لما بلجأ للصلاة برضو مبرتاحش و مبلاقيش فرق و روحت لدكتور نفسي و باخد ادويا للتوتر و الاكتئاب و برضو مش حاسة بفرق و مفيش حد بيصدقني ولا يسمعني و كل ما احكي حاجة عشان اشوف حلول الاقي ردود صعبة و اوقات ملاقيش رد ولا حلول و الناس So judgmental بجد .. انا والدي توفى شهر ٢ اللي فات و الظروف ساءت اكتر و امي اتحولت و بقت صعبة التعامل فعلا و عاوزاني احب ناس هي تعرفهم غصب عني هما قرايبي بس انا مبطيقش حد من عيلتي و بضطر اعاملهم عشان ارضيها كله بيقولي انتي غلطانه و ارضي امك و بس و نفسي اشتغل و بقالي ٥ شهور بدور و مش لاقية شغل كل اللي جايلي شغل شمال .. بدأت احس اني يائسة و عاوزة اموت نفسي و عاجزه عن كل شئ و ان كل حاجة ضدي و حظي وحش جدا و مليش نصيب ف اي حاجة حبيتها .. انا فعلا ضايعه و تايهه و محتاجة حل و محتاجة اعرف اتعامل ازاي في بيئة انا مش حباها ولا مرتاحة فيها و نفسيتي تعبت من كتر التفكير و اقل كلمة او موقف بقت تعصبني و تخرجني عن شعوري .. سبت دراستي بسبب ظروفنا المادية و دي كانت جامعة احلامي و لاجل امي و الفلوس قدرت الوضع و انا الوحيدة اللي ضحيت .. و مفيش حد بيقدرني ولا بيشجعني ولا بيحترمني انا اتحولت لواحدة غريبة انا مكنتش عاوزة اوصلها بس نفسي الاقي رد يحسسني ان الدنيا هتبقى بخير عشان انا فعلا هنتحر لو ملقتش حل عشان حاسة ان حياتي بوخت و اني مبقاش ليا اي تلاتين لازمة و شكرا مقدمًا

9

5