السلام عليكم هو طبعا المشاكل العاطفيه بتكون من اكتر الحجات اللي بيتقلل من شانها ف مصر برضو وخصوصا لو انت كنت ولد ف الموضوع بيكون صعب انك تحكي مشاكلك دي لحد بس بما ان هنا محدش يعرفني ف تمم 😂 مشكلتي الاساسيه كلها ان في واحده بس حبيتها بجد من كل قلبي وكانت مناسبه بلنسبالي ١٠٠٪ يعتبر ف نظري مفهاش غلطه وهي كانت تعتبر بتحبني برضو او ع الاقل زي ما كانت بتقولي المشكله ان البنت دي للاسف حصلت شوية حوارات كده وف الاخر بقت مع واحد صحبي وخلاص بقا انا قلت ربنا يسهلها ويسهله بعيد عني بس مقدرتش اموف اون نهائي من اللي حصل (مش فارق معايا أنها بقت مع صحبي بس فارق معايا اني حبيتها) وحاولت اركز ع نفسي وشغلي وبنزل جيم وكويس ف كل حاجه بس برضو مش قادر اتخطى ف عملت حاجه غبيه وهي اني قررت اخش ف علاقه مع حد تاني (حرفيا اي حد) عشان اتخطى وانسى الاولى بس ده محصلش والبت التانيه دي اتظلمت معايا جدا رغم اني كنت حاسس قد اي هي بتحبني ويمكن حبتني اكتر من الاولى دي بمراحل بس مقدرتش ابادلها نفس الحب وكنت بتخنق منها بسرعه ومن تصرفاتها وف دماغي عايزها تكون التانيه وانا عارف ان ده غلط خالص ونفسي انها تسامحني الصراحه ع اللي عملته فيها ويارب هي تلاقي حد يستاهلها وكمان ف مره اكتشفت اني كنت لسه بكلم البت الاولى دي سعات وكان كلامنا مش عادي للاسف هي يعتبر كانت بتخون صاحبي اللي معاها ده وانا كمان خونت اللي كانت معايا وطبعا عيطت يامه وقتها والغريب انها سامحتني بعد كل ده كمان وقبلت انها تكمل معايا تاني وف الاخر انا اللي سيبتها وهي كانت بتحبني لحد اخر لحظه وانا ف لحظة غضب مني نهيت كل حاجه بينا وبعد ما فضلت كتير بقلها خلاص اللي بينا انتهى كانت بتكلمني عادي بتقولي حتى لو مفيش بينا حاجه حتى لو هرتبط يعني بس قالتلي اول ما هرتبط اقلها عشان متكلمنيش تاني عشان متجرحش البنت زي ما اتجرحت هي وف الاخر المهم عملنا لبعض بلوكات والصراحه حاسس بالذنب ناحيتها اوي عشان مكانش ليها دخل ف اي حاجه واتظلمت بس ومش عارف اعمل اي حاليا

1

4