Coffee_57918 🇪🇬's منشور
Coffee_57918 🇪🇬
منذ شهر واحد
.
شعور مكتئب
للأسف بعاني من مشاكل كبيرة جداً في علاقتي بنفسي، مبحبش نفسي أصلاً ومش بعرف أسامح نفسي ولا أتقبل أي غلطات ليا ده تاعبني جداً مش عارفة ازاي أحب نفسي بجد وفعلاً بكره كل حاجة في نفسي بجد ومش واثقة في نفسي نهائياً ولا بشوف إني أستحق الحب حتى من اللي حواليا ولا أستحق أي حاجة كويسة
6
6
Sugar_56642 🇪🇬
Top 50
.
منذ شهر واحد
حاسة بيك مريت بنفس الكلام دة فترة كبيرة أوي أول حاجة تتخلصي منها الشخصيات اللي بتحسسك بكدة .. متقوليش مفيش لأنه فيه بس انت فتحي دماغك وركزي مع الناس .. واتعلمي تقولي مخدتش رأيك فيا لو حد بيقلل منك .. وعلى فكرة الناس هتشوفك زي ما انت شايفة نفسك وزي ما بتعامليها هيعاملوك .. حبي نفسك غصب دة من حقها عليك .. وعامة أنا فاهمة كويس مشاعرك لأني مريت بيها سنين Fake it until you make it
0
0
Chilli_48447 🇪🇬
.
منذ شهر واحد
السبب الرئيسى فى كل ده انك لوحدك ومفيش حد جنبك يتابع معاكى يومك ويسمعك تخرجى كل الدوشه إلى فى دماغك عشان تعرفى تخدى قرار ده هيفرق معاكى حرفيا
0
0
French Fries_59866 🇪🇬
.
منذ شهر واحد
للأسف ده نتيجه انك عايشة وسط أهل جافين او قاسيين لما تلاقيهم دايما بينتقدوكي او بيسخرو منك او شايفينك مش كفاية أو مستنيين منك حاجات فوق طاقتك و مش شايفه في عينيهم قبول او حب و دايما معاملتهم ليكي كلها قسوه و جفاف و دايما مقارنات مع غيرك و مهما تعملي بردو مش قابلينك فبالتالي انتي طفله صغيره لسه بتستكشفي العالم بتفهمي نفسك بعيون اللي حوليكي لما تلاقيهم رافضينك انتي هترفضي نفسك
0
0
Carrot_59305 🇪🇬
.
منذ شهر واحد
بصي انا كنت زيك لحد لما أدركت اني بشر عادي جدا ابقي كويس و عادي ابقي وحش و اني مش مطالب اغير الكون ولا ان انا مميز عند حد ...و زي منا كويس بنسبه لناس ف انا وحش برضو بنسبه لناس تانيه .....ساعتها بس هتحبي نفسك ...و ده عن تجربه
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
