دلوقتي ف شخص بيحبني جدا وربط كلام مع ماما علشان والدي متوفي من قبل م يكلمني اصلا احنا لينا سنه ونص سوا المهم هو بجد عمل كل حاجه ممكن تتعمل علشان احبه اهتمام بقا وكلام حلو وخوف وحنيه وكل حاجه معايا صحابي وصحابه ناس كتير منهم بيحاولو كتير اوي يوقعوا بينا ف مره حد قالي أنه بيكلم بنت تانيه من لقصر بس معرفش اي تفاصيل تاني وعلشان الشخص دا كان موثوق من ناحيته روحت قولت للولد اللي بحبه واخدت موقف هو فضل كتير يحلف ويبرر أنه معملش كده و مامته أدخلت وانا صدقته واتصالحنا والموقف عدي ومن شهرين كده واحده صاحبتي علشان اخوها يبقا صاحبه ف وصلتله اني بكلم ولد من دفعتنا هو الولد دا والله مافيش اي حاجه بيني وبينه خالص حتي صداقه وك فريند لا بس هو كلمني مرتين علشان مشاكل تبع صحابي انا كنت بحاول أحلها ومره تاني كلمني قالي فلانه عملت عليكي حوار وحكاه ف ف المره دي أنا مش حابه اصلا العلاقه دي قولتله بص انت زي اخويا وفوق دماغي بس مش هينفع نتكلم تاني خلاص كل واحد حر ف حياته ومش هفضل الم ورا كل واحد وف الاخر بيحصل معايا مشاكل وشكرا ليك يعلم ربنا مكانش ف اي تعدي للحدود خالص حتي أن تطلع مني ضحكه ولا الكلام دا خالص لو كلمني شات أو فون هما خمس دقايق بس وهما تلت مرات علي مدار سنه أه انا معترفه أن ممكن اكون غلط وغلطت كمان اني مقولتش للولد اللي بيحبني بس انا ف الاول مكونتش بحس بحاجه من ناحيته ولما حسيت علي طول قولت لزميلي دا ماليش دعوه بحد وميتكلمش معايا تاني المهم الشخص دا عرف وكلمني وقتها قالي كلام زي السم وعيط وقالي أنه أتوجه جامد لأن وقتها كان واصله كلام مختلف تمام وشاف اسكرينات متڤبركه سيبته يهدي وفضلت ابررله واوضحله لللي حصل بالظبط واعتذرت وخلاص هو صدقني والموضوع خلص بس من وقتها وهو بيعاملني معامله غريبه مش بيهتم بيا ولا بيسأل ولما ابعت يعلق المسدج وينزل استوري مع أن طريقة كلامه كويسه معايا وحلوه بس لما اتكلم وكل م اجي اعاتبه يا اما يقلب الترابيزه عليا لو مضغوط يا اما يقولي أنه بيحبني وميقدرش يبعد عني وان اشيل فكرة أن ف واحده تانيه وان يبعد عني لأن عمره مفكر فيها مجرد تفكير وان بيعمل كده علشان دراستي وكليتي صعبه ف عاوز اركز فيها بس انا مش مقتنعه حاسه ف حاجه غلط كده دا حتي لما اتصل لو رد مش بيكمل خمس دقائق ويقفل يقولي معلش هروح اشوف فلان وارجع اكلمك أو اعمل حاجه ومش بيرجع يكلمني بقوله عاوزه اتكلم معاك ونحكي فضي نفسك يقولي تمام ويجي بليل ي ينام بدري ي يقولي صحابي جايين وهما من برا البلد ف بجد حاسه ف حاجه غلط لو علشان دراستي فعلا علي الاقل يرد أو يبعت مسج او مكالمه يطمن عليا فيها بجد مش عارفه اعمل اي معاه . هو بجد راجل جدا وجدع وبتاع مسؤوليه ويشتغل مع دراسته وبيصرف علي نفسه بعيد عن فلوس أبوه وجدع وبيوقف مع اي حد حتي لو مش صاحبه بس قولولي اتصرف معاه ازاي. اسفه جدا علي الإطاله

6

0