تعبت من مشاكل الزواج ومراتي طالبة الطلاق بسبب الفلوس

Lemon_60941 🇪🇬

منذ شهر واحد

شعور محبط

سلام عليكم انا واحد متجوز بقى لي 16 سنه عندي 35 سنه عندي ثلاث اولاد ومنفصل انا ومراتي ومراتي طالبه الطلاق بسبب اني ما بصرفش عليها انا شغال حداد راجل ارزقي مش موظف ولا في اي جهه خاصه يعني اللي جاي على قد اللي رايح وبعمل بما بوسعي عشان اقدر اعيشهم عيشه كويسه وبرده هي مش عاجبها العيش وانا تعبت من كتر المشاكل واهلها مشجع عينها انها تطلق وانا صعبان عليا العيال اعمل ايه

مخنوق من حياتي مع مراتي ومش قادر أكمل

مخنوق جدا من حياتي مع مراتي و مش قادر بجد اكمل معاها سني ٤٣ سنة و عندي طفلين منها و متأكد من كرهها ليا بنضحك على بعض عشان خاطر العيال اللي بينا لكن لا أنا بحبها و لا هي بتحبني و مش بنطيق نكلم بعض اصلا بقالي حوالي ٣ شهور مش بكلمها و لا بتكلمني و لا حتى بشوفها و لا بتشوفني المفروض اعمل ايه ؟ زهقت من حياتي كلها ...عرض المزيد

3 الدعم

2 نصيحة

زوجي بارد وعصبيتي دمرت حياتنا..مش عارفة أعمل إيه

أنا متجوزة من حوالي ٣ سنين مشكلتي اني عصبيه جدا وزوجي بارد جدا عندنا ولد سنه و٨ شهور من ٦ شهور حصل بينا خلاف وصلنا للطلاق بس قبل ما ننفذ خيرني بين الطلاق او نرجع من غير ما نتكلم ف اللي حصل نهائي وننساه وافقت نرجع وجه اخدنا ف رمضان قضينا العيد بعدها سافر ومن تاني يوم سفر اتغير معايا جدا ومعتش بيكلمني حاولت كتير معاه وافكره باتفاقه معايا وانت قولت ننسا ومش ننسا مافيش فايده وبيتعامل معايا ع اني لوحدي سبب المشكلة وبقا يعكس كل وعد حلو وعدهولي وهو هنا انا تعبت ومش عارفة اعمل ايه معاه كرهت حياتي ...عرض المزيد

7 الدعم

17 نصيحة

جوزي بيحب نفسه بس ومش عارفه أعمل إيه

أنا عندي مشكله مش عارفه ليها حل أنا متزوجه من ٣ سنوات أنا جوزي كان متزوج قبلي بس هو انفصل عنها و عنده منها بنت هي دلوقتي ١٠ سنوات أنا اول ما عرفته كان صريح معايا و ده اللي كنت فكراه بس هو كان بيحكي اللي هو عاوز يقوله بس مش كل حاجه و أتطلق منها بعد تعب كتير وانا كنت معاه و بساعده في كل حاجه و احنا عندنا الانفصال ده مش حاجه سهله خالص محكمه. و حاجات كتير مع الكنيسه المهم أنا كنت واقفه معاه في كل حاجه و ساعدته كتير و أنا كان عندي معارف تبع الكنيسه خليت الموضوع يخلص بسرعه علشان كنت حاسه انه ياحرام مظلوم المهم يعني خلصت كل حاجه وانا اتحملت كل مصاريف الزواج من عفش وشقه و أجهزه و الحفله اللي كانت بعد الكنيسه كمان بس بعد اول شهر جواز حسيت انه فيه حاجه غريبه قلت يمكن بسبب التجربه القديمه و ان شاء الله تعدي بس مع الوقت طلع هو شخص بيحب نفسه بس و كان واخد كده وخلاص ولما حس انه هيبقي فيه مسوليه ابتدي يعرف ناس من علي برامج التعارف و بيقولهم انه منفصل و عايش مع أهله وأنه وحيد و بعد كده واجهته قالي أنتي بتدوري ورأيا و ابتدت المشاكل و لما بعد الجواز بسنه او سنه و نص بقيت حامل لقيته أتغير و مكنش مبسوط و كان كل شويه يتخانق معايا علي اتفه الأسباب وكل ما يشوفني مبسوطه ينكد عليا المهم كان بيحصل مشاكل كتير لغايت من سنه تقريبا بقي ينزل يسهر في البارات و يعرف بنات كتير و بقي ليه علاقات كتير مجهوله بالنسبالي و مش بيبقي عاوز يقعد في البيت ولو قعد نتخانق آخر حاجه من أسبوع اتخانقت معاه علشان كنت تعبانه ومحتاجه اخد حقنه الساعه ٣ الفجر و لما كلمته مردش عليا المهم بقي أنا دقها بجد من كل حاجه وزعقت فيه و هو فعلا بجح اوي و عاوز ينفصل ويسيب البيت أنا بجد مبقتش عارفه اعمل ايه و اسفه علي كل الكلام ده بس في حاجات كتير مقولتهاش وانا بابا متوفي ...عرض المزيد

9 الدعم

7 نصيحة