عندي مشاكل في الثانوي وضغط أهلي ورهاب اجتماعي

Question

انا حاليا في ٣ ثانوي وفاشل دراسيا مع ضغط الاهل وكمان انا شخصيتي ضعيفة جدا وعندي رهاب اجتماعي و مبعرفش اتعامل مع حد وده سبب اني معنديش صحاب اتمني لو حد يقولي علي حاجه اقدر اتعامل بيهم مع ال ٣ مشاكل دول

Blueberry_12030 🇪🇬 · Accepted Answer

من نحية انك فاشل دراسياً دا ممكن ضغط انك كل شويه مثلا يتقالك كدا جرب ذاكر واحنا كدا كدا لسه مش متاخرين في السنه تقدر تلم اللي فاتك وتذاكر كويس اللي جي 
دور علي نوع الطريقه اللي بتفهم بيها الدرس كان فيه واحده اسمها شهد شاذلي قالت اكتب علي جوجل study learning style quiz عشان تعرف انت طريقة مذاكرتك ازاي بحيث تركز علي كدا اكتر وتفهم الدرس اسرع واحسن فوقت اقل 
من النحية التانيه انا مش هعرف افيدك اوي

Guava_29448 🇪🇬 · Answer

بص اول حاجه لازم تحسن من مستواك في الدراسه و حاول تقرب من ربنا اكتر دا هيساعدك جدا و اقرأ قرآن كتير و صلي قيام الليل و حاول انك تذاكر و تخلي مستواك افضل ام بالنسبه للأهل ف انا كمان عندي نفس المشكله ف الأفضل في رأيي انك تتجاهلهم و متركزش معاهم حتي لو كلامهم هيوجعك بس ان شاء الله ربنا يعوضك و بالنسبه للرهاب الاجتماعي مش عارفه حل بجد بس عامة ربنا يريح قلبك و يعوضك

Biscuit_21815 🇪🇬 · Answer

يا حبيبي والله انا حاسه بيك متقولش ع نفسك انك فاشل لإنك مش فاشل ف حاجه بص ع كميه الحاجات الحلوه اللي انت عملتها حتي لو كانت بسيطه و فاهمه حته ضغط الأهل دي لأن انا ف ٢ثانوي اهم حاجه انك تظبط علاقتك بربنا و بعدين اعمل اللي عليك ف دراستك انا عارفه انك بتكون زعلان لما بتشوف مجموعه صحاب مع بعض بياكلوا او بيضحكوا او بيتصوروا او بيحكوا لبعض اي حاجه عارفه ان دي حاجه مؤلمه جدا بس احنا هنعمل ايه كمل تحت

Strawberry_29404 🇪🇬 · Answer

بص مش هقدر اقولك غير انك لو عندك رهاب اجتماعي فا ده شئ حلو حاليا لأنك مش محتاج حد غير نفسك السنه دي خصوصا ولو فاشل فا شوف ايه السبب وصلحو يعني المستر مش كويس انت متشتت اقعد واكتب اي حاجه مشتتاك وقول انك هتفكر فيها بعدين الطريقه دي تحفه

Biscuit_21815 🇪🇬 · Answer

انت بقي دلوقتي يعتبرف شهر ١١ اعمل جدول لنفسك عارفه ان الموضوع صعب بس انت تستاهل انك تكون شخص مهم و كويس و اعرف ان الفتره دي م حدش هيشجعك غير نفسك هتبقي فتره صعبه اه هتعدي اه و هتبقي فخور جدا بنفسك و مبسوط بيك و اعرف انك هتوصل هتوصل ل اللي انت عايزه ان شاء الله اوثق ف ربنا و ف نفسك وارمي كل حاجه تانيه ورا ضهرك وانت ممكن تقرأ كتاب كيف تؤثر على الأخرين وتكتسب اصدقاء هيعلمك ازاي تتعامل مع الناس و تكون

Biscuit_21815 🇪🇬 · Answer

و تكون شخص واثق جدا ف نفسك ربنا معاك واحنا كمان معاك لما تزعل او تتضايق روح و اشكي لربنا وتعالي هنا و قول اللي عندك و كل اللي حاسس بيه و ادعي ربنا كتييير جدا و ربنا شايف وضعك وحالك احنا اه م اعرفكش بس احنا كلنا بنحبك و لو شوفت الكومنتات دي ممكن ترد علينا عشان نعرف شعورك دلوقتي عامل ازاي

Blueberry_12030 🇪🇬 · Answer

عندي رهاب اجتماعي وتوحد خفيف ف كان صعب اتعرف علي حدهم اللي بييجوا يتعرفوا عليا ف ممكن تخلي شخصيتك attractive بحيث تخلي الناس اللي عايزهم يصاحبوك هم اللي يجولك وممكن ميكونش اللي وسطك دا اللي انت عايز تتعرف عليهم جرب تروح ايفنتات ليها علاقه باهتماماتك

Cookies_29431 🇪🇬 · Answer

الحمدلله وشكراً ليكي والله انك بتقوليلي كلام ايجابي وانشالله اتحسن في الدراسه والاهم من ده الصلاه

Cookies_29431 🇪🇬 · Answer

حاضر هسمع كلامك وربنا يكرمني

Cookies_29431 🇪🇬 · Answer

وهسمع كلامك والله

Cookies_29431 🇪🇬 · Answer

حاضر هجربها شكرا انت شخص محترم

Toast_29477 🇪🇬 · Answer

نفس الشيء + ان الواحد من اول السنه مبدأتش مذاكره خالص وبتخنق لما بحاول اذاكر وراكمت كل حاجه ومش عارفه فعلا اعمل ايه

Cookies_29297 🇪🇬 · Answer

مبدأيا متقولش على نفسك فاشل أبدا انت ممكن مش عارف تبدأ ازاي أو منين والضغط اللي عليك بردو سبب إنك مش عارف تذاكر والتراكمات دي مشكلة عندنا كلنا ف الحل تاخد شوية جديد وشوية قديم علشان تظبط الدنيا وحط قدامك هدف وحاول علشانه احنا لسة في الأول متقلقش وبالنسبة ل الأهل ف انت تجاهلهم خالص ومتركزش مع حد أنا بعمل كدا

Cookies_29297 🇪🇬 · Answer

وبالنسبة للرهاب حقيقي مش هقدر أفيدك لأني عندي نفس المشكلة يعتبر بس بنسبة صغيره ومبعرفش اتعرف على حد خالص ولا أشارك مع حد غير لما بيحاولو يقربوني منهم وأنا كان حظي حلو الحمدلله ولقيت ناس بتقرب ليا سوشيال وريل بردو وأكيد هتلاقي ناس كدا بردو

Cookies_29297 🇪🇬 · Answer

حبيبتي مش مشكله كله بيراكم حاولي بس تبدأي من دلوقتي علشان تلحقي