يعني اكتر حاجة مضايقاني ان كليتي مش في نفس محافظتي بمعنى اني مش عارف اكون نفسي من دلوقتي ودي حاجة مزعلاني جدا بس في نفس الوقت نفسيتي مش بتتحسن غير وانا في السكن بسبب كتر المشاكل في بيتنا يعني انا بقالي شهر او شهر الا اسبوع مسافر ورجعت امبارح على الساعة 4 وشوية كنت سهران للساعة 4 عشان كنت بذاكر للامتحان وصحيت 8 وروحت امتحنت وخلصت وجهزت شنطتي وسافرت قطر 4 ساعات وحاجة صعبة رجعت البيت على قلل المغرب الاقي ابويا واخويا الكبير عاملين مشاكل قد كدا وجو كله توتر وقلق وخناق والاقي استقبال من ابويا زي الوفت اللي هو بكل استهزاء (استاذ احمد انت جيت..) مع انه عارف اني جاي وعارف هاجي امتى وخمس دقايق الاقيه جايب كهربائي وحرفيا مفيش حاجة يعملها بس هو جاية معاه انه يعمل اي حاجة (عارفين ابوكم لما يصحى كدا يقول تعال نهد البيت ونبنيه او تعال ننقل المطبخ مكان الحمام!، هو نفس الحوار) انا بقا مسحول وراهم شاي فعصير في هات سلم في هات مش عارف ايه روح هنا تعال هنا وانا فاصل اصلا ومفيش حاجة اتحطت في بوقي طول اليوم كانت بطني بتصفر المهم بعد شوية الاقي اخويا جاب نجار ونفس الكلام عمال الف وراهم امي جهزتلي الاكل ربنا يباركلها ابويا واخويا يسكتوا ؟ لا ازاي تعال ورح وسوي واعمل لحد ما الاكل برد خلوني اخر اليوم ندمت اني جيت والمشكلة كمان كمية الزعيق والخناقات اللي حصلت انهاردة (انا نفسيتي بتنهار في بيتي وبترتاح في الغربة) بالرغم من قلة الاكل وعدم الراحة انا تعبت من كدا وبفكر افضل متغرب باقي حياتي

5

0