كمية المشاكل الي هنا بسبب الارتباط المحرم حاجه تصدع والله و تزعل الشباب و الشابات و المراهقين و المراهقات ناسيين نفسهم تماما و قاعدين يرتبطوا و مستغربين انهم في الاخر بيفركشوا و بيتكسر قلبهم و و و ما انت بتدخل في موضوع انت مش مستعد له يعني ايه يكون عندك ١٥ او ١٦ او ١٧ او ١٨ او حتى ١٩ و تروح ترتبط؟ انت لسه عقلك بيتكون، لسه بتنضج و تكتشف الحياه لحد سن ٢١، ليه تربط الحب بتجربه غير ناضجه في سن المراهقه الي المفروض اكتر سن تطور و تكتشف فيه نفسك؟ انت بتربط كل مشاعرك و ثقتك بشخص صغير اصلا هو نفسه بيتكون و بيتغير الموضوع بياثر على صورتك تجاه نفسك و على نفسيتك و دراستك و ثقة اهلك و دينك الموضوع بقا تريند مزعج مش مجرد حب غصب عنك مثلا، لا بقوا بيرتبطوا عشان يملوا فراغ، و المشكله انه كده مش بيتملي، هتوصل لسن العشرينات و انت الفراغ ده لسه موجود لانك ضيعت وقتك الثمين ف حب حد ميستحقش عموما هو من السذاجه انك تصدق ان العلاقه دي هتكمل لان ٩٩% مبتكملش لانك هتتغير او الشخص الي معاك هيتغير و من السذاجه برضو انك تمشي في الموضوع عشان عايز تجرب او مجرد متعه و من السذاجه برضو انك تخرج من تجربه صعبه و تدخل تجربه جديده عشان تنسى الاولانيه ف تتتصدم ف تدخل في تجربه جديده و لفي بينا يا دنيا و من السذاجه انك تكون في السن ده و كل تفكيرك امتى هلاقي الشخص المنتظر بدل ما تركز على تطورك و اكبر سذاجه انك تكون عارف انك بتعصي ربنا و مستنى ان الموضوع يكمل، او ان ربنا يكمل سترك طول ما انت غلطان، او ان ربنا يخفف عليك لما قلبك يتكسر اه كل بني ادم وارد يغلط، بس في فرق بين الي بيغلط و يتوب و يندم و الي عارف الصح من الغلط و بين الي مش فارقه معاه و واخد الدين على مزاجه ربنا هيغفرلك و يريح قلبك و يكرمك بس لما مبتبقاش بتعصيه كده بدون ندم و عموما، كل شخص ليه نصيبه من السعاده و الحب، هتاخده في الحرام؟ هيقل في الحلال، يعني لما ربنا يرزقك و تتجوز، مش هتحس بنفس الشرارة الاولانيه لانك استهلكتها طب لو انا غلطت و ندمان؟ عادي، توب، هيبقى صعب، هتبقى بتحب الشخص ده اوي و نفسك ترجعله، بس توب و ربنا هيغفرلك و هيسترك و انت هتتخطى، و متقولش لحد، ربنا سترك متجيش انت تفضح نفسك

5

2