تعبت من العلاقات الفارغة وعايز حد يفهمني بجد

Question

مساء الخير 
مجرد تعبير عن مشاعري 
عندي طاقة كبيرة دايما ومشاعر كتير بجد مش اي كلام وبنات كتير حاولت معايا ، مكدبش انهم عجبوني شكلاً وشكلهم حلو اوي بجد لكن دايما في مشكله انا مبلاقيش نفسي معاهم دماغهم غيري انا بحب الشخص الهادي اللي ممكن نتكلم في اي حاجه وكل حاجه عادي ونتفاهم ويكون واعي لكل اللي بقوله لكن معظم اللي قابلتهم مهتمين بس اننا نخرج نتفسح انت هتيجي بالعربيه امتي نتمشي كل الكلام اللي فيه خسارة وقت بس ، اجي اتكلم في الموضوع ده آخره ايه الاقي ردود غير واقعية ، زي اما ناخد علي بعض ، حبيبتي انتي معايا في عربيتي خارجين مرة واتنين وتلاته واتكلمنا كتير هناخد علي بعض تاني ايه ؟؟؟ 
انا عايز استقر تعبت من كتر العلاقات اللي مفيهاش فايده دي ومش لاقي حد بجد مش لاقي انا بدور وبسعي ان الاقي حد يشوفني انا شخصياً ميشوفش حاجه تانيه حواليا

Biscuit_65454 🇪🇬 · Answer

I think 
ان معظم البنات بقت بتحب المظاهر والفسح والخروجات بس ده مينفعش أن لو انت مدور على بنت كويسه وخطبتها قدام أهلها ونيتكوا الجواز فأكيد هتبقي حابه تتكلم عن اهتماماتك عادي ولو لأ يبقي في حاجه غلط أما انت متصاحبش وبتاع وتتطلب تسمعك وتتكلم عن مشاكلك وكده مش هتلاقي يعني خليك في النور واخطب حد كويس قدام الناس هتلاقي ربنا رزقك ببنت الحلال الزيك

Cookies_65655 🇪🇬 · Answer

ايه رايك تبعد عن كل العلاقات دي بجد تفصل عن كل ده اتمشي بعد صلاة الفجر قرب من ربنا يمكن البعض يشوف غريبه فكره ان تتمشي بعد صلاة الفجر بس بجد ومش هزار هتحس ان كل التفكير الوحش اتغير
و مفيش حاجه اسمها علاقه بين ولد و بنت و ده مش تشدد او تقول خليكم متحريين و غيروا التفكير لا بجد مفيش حاجه اسمها علاقه بين ولد و بنت و صحيح مش هتلاقي واحده منهم تقدر تأمنلها ع نفسك ابعد عن كل الحاجات دي قرب من ربنا بجد

Cookies_65655 🇪🇬 · Answer

صدقني كل حاجه هتتغير و البنات دي مش هتفيدك اصلا لانها بتحب المظاهر و اللى انت بتدور عليه ادعي كتير عشان تلاقيه

Cookies_65655 🇪🇬 · Answer

وطبيعي مش هتلاقي اللى تفهك و تسمعك و تراعي ربي فيك لانها كلمتك و العلاقه دي مش صحيحه مش خايفه من ربنا ف طبيعي مش هتراعي ربنا فيك كل حاجه تبدا بشى لا يرضي الله نهايتها لن ترضيك جرب تبعد عن كل ده وهتفرح والله

Mango_65673 🇪🇬 · Answer

مشلكتنا تقريبا شبه بعض مع اختلاف حاجات 
لازم تحدد انت عايز ايه الاول مش اي واحده تدخلها حياتك وتخلي قلبك ومشاعرك مستهلك بالشكل ده حدد ايه اللي انت عايزه ف شريكتك وبما انك دايرتك واسعه ف اكيد هتلاقي

Mango_65676 🇪🇬 · Answer

انا عارف انا عابز ايه لكن كل ما اقرب من حد ملاقيش اللي أنا عايزه

Mango_65673 🇪🇬 · Answer

ربي يكرمك باللي تناسبك حياتك وتريح قلبك وبالك