مش عارفة أعبر عن حبي لأهلي وصحابي بيبعدوا عني

Question

انا عايزا اقول لأهلي اني فعلا بحبهم و اني مش قصدي اي حاجه و اني مش بارده انا بس بطلت أبين مشاعري و دايما اي حاجه بيقولوا بتأذي مشاعري برد بالسكوت لاكن انا مش بارده و بطلوا هما يظهرولي مشاعري من بدري عشان كده بقيت بعمل زيهم كنت فاكره اني كل واحد خلاص شايل هم نفسوا و محدش مهتم مكنتش فاكره اني لازم أبين مشاعري أو حتي اهتم و اني بحاول اعمل اي حاجه انا مش قصدي ميبقاش اي لازمه في البيت

و صحابي انا مش عارفه اي مشكلتهم معايا بس هما بيبعدوا عني أو مش عارفه انا الي ببعد عنهم يمكن...يمكن انا مش روشه زيهم مش بلبس نفس الاستايل بتاعهم أو انا عاديه زياده عن اللزوم بالنسبالهم بحس احيانا انهم بيتكلموا عليا

Ice Cream_63106 🇪🇬 · Answer

حاولي متكتميش مشاعرك جواكي
لأن ده بيأثر عليكي
و صحابك دول مش صحاب دول ناس سطحيين معلش هما مالهم بلبسك

Popcorn_68444 🇪🇬 · Answer

طيب متبقي باردة عادي...البرود أحاينا كتير بيكون نعمة...و كل واحد ليه كريقة في التعبير عن مشاعره ممكن يكون بالفعل مش شرط الكلام
و بالنسبة لصحابك فا خليكي مع اللي شبهك و اللي زيك و نفس تربيتك عشان متحسيش إنك غريبة أو غير مرغوبة..كده كده مفيش بني آدم الناس بتجتمع على حبه أو بغضه...الدنيا بسيطة والله بس انتي اختاري صح

Orange_67546 🇪🇬 · Answer

انك بتحبي اهلك وتحسي بالذنب ده دليل انك مش بارده وانك لسه جواكي قلب حساس بيتوجع بس مش بيحب يبين كل مره بيتوجع فيها لان الوجع بيزيد لما مفيش حد يفهمه انك سكتتي فتره طويله مش معناه انك قاسيه بالعكس ده معناه انك كنت بتحاولي تحمي نفسك من كتر الاحباط والخذلان اللي حسيتي بيه كل مره حاولتي تتكلمي فيها وماحدش فهمك
انك تبطلي تبيني مشاعرك ده رد فعل طبيعي جدا لما تحسي ان محدش شايفك او بيقدرك

Orange_67546 🇪🇬 · Answer

او بياخدك على محمل الجد بس انتي مش غلط ومش قليلة المشاعر انتي بس محتاجه حد يطبطب عليكي ويفهمك قبل ما يحاسبك
أما صحابك فممكن يكون فعلا في فجوه بينك وبينهم وممكن يكونوا مش بيقدروكي او مش مناسبين ليكي مش لازم تكوني روشه ولا تلبسي زيهم علشان تبقي محبوبه انتي حلوه ومميزه بطريقتك ولو هم مش شايفين ده فده ماينقصش منك حاجه انتي مش لوحدك وربنا هيبعتلك الصحبه اللي تشوفك على حقيقتك وتحس بيكي وتحضنك

Orange_67546 🇪🇬 · Answer

اعملي اللي عليكي خليكي طيبه زي ما انتي بس حاولي تبيني مشاعرك شويه حتى لو بكلمه بسيطه حتى لو بورقه حتى لو برساله صغيره لان اوقات الناس بتفهم السكوت انه جفاء لكن في الحقيقه هو وجع ساكت
وانتي مش المفروض تتغيري علشان حد لكن لو في حاجه نفسك تحسنيها علشان ترتاحي اعمليها لنفسك مش علشان ترضي غيرك انتي تستاهلي تبقي مرتاحه ومحبوبه ومفهومه وده هيحصل لما تبقي صادقه مع نفسك وتفتحي باب صغير للحوار

Orange_67546 🇪🇬 · Answer

من غير ما تتخلي عن كرامتك ولا عن احساسك

وكلنا جنبك اخوه واصدقاء وندعمك دوما بكل حب وترحاب ❤

Tofu_68536 🇪🇬 · Answer

نفس مشكلتك وبيتقال عليا باردة ونيرد ونورم ودحيحة بس مش عارف اوصل لحل