اهلي مش راضيين يفهموني وبيعاملوني كأني عيل صغير

Question

ياجدعان انابجد عنظي مشكلة مع اهلي بحس انهما مش راضيين يسمعوني او مش راضيين يفهموني و مقتنعين بان ان انا اللي غلط وبس
يعني امبارح كنت رايح مع واحد صحبي يستلم العربية من المكانيكي و حصل مشكلة و احنا هناك في الحساب فقعدنا كتير و عملنا محضر و عملنا مشكلة معاه و تقريبا فضلنا هناك ٤ ساعات و اناكنت قايل لاهلي ان نص ساعة و هبقي في البيت فبسبب النشكلة دية انا اتاخرت و قبل لما اطلع البيت روحت اشتريت طلبات لامي ف و انا في الشارع قبلت ابويا وقعد يقولي انت كنت فين كل ده و مش عارف ايه و في الاخر هزقني و انا في الشارع و انا عمال اقوله استني لما نروح و هقولك علي كل اللي حصل اللي مدايقني بجد انا مش عيل صغير علشان يزعقلي و احنا في الشارع بالعكس انا عندي ١٦ سنة و بنزل اشتغل و بدرس و معتمد علي نفسي حتي مش باخد فلوس منهم دا انا بصرف علي نفسي و يدوبك بروخ انا و بصخي تاني يوم بدري علشان اروح الشغل

Coffee_27700 🇪🇬 · Accepted Answer

صعب نغير أسلوب وقناعات أهلنا بس برده اتكلم معاه عشان تبقى حاولت.
هو قلقان عليك بس بيعبر عن قلقه بغضب وعصبية وأسلوب خاطيء.
حاول لو هتتأخر تكلمه قبلها تعرفه إن حصل ظرف وهتتأخر

Carrot_33736 🇸🇦 · Answer

حاول تتكلم مع والدك بشويش و تفهمه انك انت عارف انه هو بيعمل كده عشان خايف عليك و كذا بس لما يصرخ عليك قدام الناس بيقلل إحترامك و هذا الشئ ما ينفعك زي ما هو يعتقد بالعكس يضرك

Mango_33390 🇯🇴 · Answer

بعين الله المشكلة المتعلقة بالاهل بالنسبة إلي من أصعب المشاكل بس لازم تصبر وتعرف شو اسباب المشاكل وتحاول تحلها حاول اعرف شو الطريقة الأنسب للتعامل مع والدك وكيف ممكن ترضيه أو تكون مرتاح بالعلاقة معه بدون مشاكل بينك وبينه ، وربنا يصلح الحال يا رب

Kiwi_42015 🇰🇼 · Answer

للاسف محدش بيقدر يمشي اهله. علي مزاجه. بس شوف المشلكه. معاهم. ف اي وحاول تماشيهم. زي مهما عايزين ✌🏻

Chocolate_40055 🇪🇬 · Answer

اتكلم مع مامتك تفهم باباك او مع باباك على حسب اللي تعاملك معاه اسهل و فهمهم انك كبرت و كلها كام سنه و هتستقل عنهم كمان و ان دورهم دلوقتي مش زي زمان يعني انت بقيت عارف الصح من الغلط و مش لازم يأكدوا على ده كل شويه و ان الأفضل لو حسوا انه في غلط منك يدعو لك ربنا يهديك( لأن ممكن يكون باباك فكرك في الوقت ده كنت بتعمل حاجه غلط عشان كده اتأخرت) و ان زي ما هما ربوك كويس من وجهة نظرهم

Chocolate_40055 🇪🇬 · Answer

لازم يثقوا في تربيتهم دي و انك مش بتكدب عليهم و لا مخبي عليهم حاجة و لو في اي مشكله زي دي فأنت اكيد هتبقي بتقولهم الحقيقة زي ما هما ربوك تقول الحقيقه و انك دلوقتي كبرت و بقيت راجل و معتمد علي نفسك يعني ليك مقامك و مينفعش الموقف اللي حصل ده لأن كده باباك قل منك و انك مدايق عشان الموقف ده و خد رد فعل علي الموقف ده يعني اتعامل ببرود شويه معاه لحد ما تحس انه اتفهم الكلام ده و مش هيعمل كده تاني

Chocolate_40055 🇪🇬 · Answer

و الاهم طبعا تتكلم معاهم بهدوء و احترام متستخدمش اي لفظ مش كويس و متتعصبش حتى لو الكلام مش علي هواك اهدي و ركز و دور الكلام في دماغك قبل ما تفتح بوقك شوف الكلام ده هينفع و لا لأ ،لو شخص منهم مش بيعترف بغلطه اتكلم مع التاني لو الاتنين مش بيعترفوا بغلطهم للأسف هضطر تتكلم مع اي حد منهم و ركز مش المهم تطلع كسبان من المناقشه دي مش منافسه المهم توضح وجهة نظرك و متطلباتك و افهم وجهة نظرهم بردو و طلباتهم