مشاعر مكبوتة سبب هلاكي ولأول مرة بحس بالضعف

Sugar_45399 🇪🇬

منذ 9 أشهر

شعور ضائع

موضوع:

عندك مشكلة في التعبير عن مشاعرك؟

جداا انا مش بتكلم عن مشاعري اساسا لأي شخص مهما كان قريب أو بعيد مني ومكنتش مهتمة ومكانش الموضوع مأثر عليا اوي مكنش في اي مشكلة لحد ما دخل حياتي شخص، شخص واحد خلاني ابكي بدل الدموع دم وانا مش عارفة ادافع عن نفسي ولا عن مشاعري ولأول مرة في حياتي احس ان كتمان المشاعر والكلام دا سبب لهلاكي كان نفسي اكون قادرة اعبر وادافع عن نفسي بس للاسف انا اتنكست اكتر من الاول بكتر حياتي بقت اسوء بكتير من اي وقت

بحس صعوبة فالتعبير عن مشاعري حتى مع نفسي

بحسها حاجه صعبه جدا اني من وانا صغيره كنت لما بصارح حد بمشاعري كان بيبق في استهزاء كبير بيه اوي فكبرت على كتمان المشاعر لدرجه اني بواجه صعوبه في اني اعبر عن مشاعري حتى تجاه نفسي بقيت كتومه بشكل كبير بسمع ومبتكلمش عن اي حاجه تخصني مع اني شخصيه اجتماعيه جدا بس حوار اتكلم مع الناس او اهلى بالذات حولين انا حاسه بأى بيجيلي زي غصه في زوري ومبعرفش حتى انطق كلمه ...عرض المزيد

3 الدعم

2 نصيحة

مشاعر مكبوتة وحجر على صدري

دايما بسمع اكتر ما بتكلم وبحل دايما مشاكل القريبين مني لدرجه اني مبقتش بعرف اتكلم عن مشاعري والموضوع احيانا بيوجع كأن فيه حجر طابق علي نفسي مخليني تعبانه ومخنوقه دايما ف ايوه الموضوع مأثر جدا ...عرض المزيد

4 الدعم

2 نصيحة

مشكلتي مع الانطوائية وعدم القدرة على التعبير عن مشاعري

مشكلتي انى مش بعرف اعبر عن مشاعرى و خصوصا انا انطوائية و قليلة الكلام جدا مش بعرف اتكلم مع حد بزات لو هو قدامى لكن لو بتكلم فى الشات بتكلم عادى و بتلقائية جدا و بيبقى عندى كلام كتير اوى و مش ببقى عارفة اتكلم كان الموضوع ده اكتر شويه لما كنت صغيرة كنت هادئة جدا و مش بعمل مشاكل خالص لدرجة كنت بخاف اتكلم رغم أن كان ممكن عندى كلام كتير اوى مش باجة فى الوقت اللى هتكلم فيه و بفضل اتهته و اتكلم وبسرعة و السبب فى ده انى كنت بخاف اتكلم عشان محدش يزعل منى و لا حد يضحك عليا ده لما كنت صغيرة اى حد مكنتش بعرف اتكلم لكن بعد لدرجة لما حد بيضايقنى كان هو اللى بيزعل منى و انا كنت مش عايزاه يزعل منى حتى اللى كانت صاحبتى فى المدرسة كانت طول ما هى ماشية معايا بتبقى مسكانى من شعرى حتى لو انا موجوعة مكنتش بتكلم و كان في كتير اوى بيقولولى انتى ازاى ساكتالها انا مكنتش واحدة بالى من الحاجات دى بس لما الوقت عدا رجعت افكر فى المواقف و ببقى نفسى ارجع للوقت ده عشان آخد حقى و مش بعرف ارد حقى فى نفس الوقت و لما افتكر الموقف بعد كدة اضايق اوى و اقول ياريتنى كنت قولت كذا أو عملت كذا فاهمنى انا الحمد لله دلوقتى بحاول على قد ما اقدر انى ارد و ادافع عن نفسى و بقيت بتكلم احسن من الاول بس بردو قلة الثقة دى بتحسسنى بضعف بحس أن انا محدش بيحترمنى حتى الأصغر منى ولاد خالتى و اخويا محدش بيسمع كلامى و بزات اخويا الصغير اكتر واحد بيحسسنى بكدة انا كنت بخاف منو و احنا صغيرين بس مبقتش و بقيت أعلمه الأدب بس بردوا مش بيسمع كلامى معلش طولت عليكو فى الكلام لسه فى كلام تانى بس المرة اللى جاية عشان كتبت كتير اوى انا مرة اكتب كلام كتير اوى كدة ...عرض المزيد

15 الدعم

8 نصيحة