مخنوقة ومش عارفة أعبر.. بشارك ضغوطاتي علشان تهدي

Question

معنديش مشكلة محددة عايزا اتكلم فيها وغالبا هي دي المشكلة انه بيبقي صعب عليا اعبر عن مشاعري واحكي ودا بيخليني احس اني مخنوقة جامد واني لوحدي وبقالي فترة عندي ضغوطات كتير حبيت بس اشارك مشاعري ممكن تهدي شوية لما احس ان في ناس شيفاها واتمني تدعولي ♥️

Mango_65540 🇪🇬 · Accepted Answer

بصي في طريقه جميله 
هاتي كراسه و كل اما تجيلك اي فكره سواء مزعجه أو حلوه اكتبيها ف اي وقت تحسي أن دماغك مليانه اكتبي كل اللي جواكي واكتبي المشاعر السلبيه كلهااا ايا كانت 
ده بيساعدك انك تعبري عنها 
وتقبلي مشاعرك متنكريش وجودها،
و ماشاءالله عليكي شاطره عشان ع الأقل اهو عرفتي تعبري شويه وربنا يفرج همك ويفك كربك يارب

Orange_61792 🇪🇬 · Answer

تعبري عنها لمين ؟

Banana_65371 🇪🇬 · Answer

انا كمان عندي نفس المشكلة انا كنت متخيل انه المشكلة دي اكتر عند الرجالة عشان اتصدرلنا زمان انه مينفعش انت كرجل تظهر ضعفك او مشاعرك عموما لانه ده بيضيع هيبتك كراجل.. بس شكلها مشكلة عامة مش مقتصرة علينا و بس..

Banana_65371 🇪🇬 · Answer

عموما حاولي تخصصي جزء صغير و لو ٥ دقايق يوميا تقعدي فيهم مع نفسك و تحاولي تدركي انك بشر و عندك جوانب ضعف عادي خالص يمكن التقبل هيخليكي تتصالحي اكتر مع نفسك و يخلي قلبك يهدى شوية و اضطراب الافكار و المشاعر يقل..

Banana_62794 🇪🇬 · Answer

اتكلمي احنا سمعينك .

Banana_66846 🇪🇬 · Answer

نفس المشكله

Coconut_66908 🇪🇬 · Answer

ممكن نتكلم سوا