احنا كنا ٣ بنات صحاب اتعرفنا فى نشاط جامعي .. كنا فرقة ولاد وبنات وكلنا زمايل .. واحدة فينا ولنفترض اسمها M حبت شخص معين وهو زميلنا كلنا وكانت بتحكيلنا عنه واوقات تعيط من مواقف معينه وكنا عارفين انه مش معجب بيها وM كمان عارفة ..انا والبنت التانية (ولنفترض اسمها C) بعد فترة عرفنا انه معجب بواحدة تانية مع العلم كنا اتكلمنا بيني وبينها في الموضوع دا واتفقنا انه لو حد فينا فلأ وفى يوم C كلمتني وقالتلى انه قالها انه معجب بيها وانهم ارتبطوا امبارح ومش عاوزة تقول ل M دلوقتى حفاظاً على مشاعرها .. بعد ماقالتلي خدت فترة مع نفسي ومكنتش برد عليهم .. كنت متلغبطة ومش مرتاحة ومش عاوزة اتعامل .. وفضلت تكلمني ومش عوزاني اشوفها وحشة ومستنية انى اطمنها وانى اقولها أنها مش وحشة وانها عملأت كدا عشان حبته ( هي شايفة انى خدت جمب وموقفتش جمبها وسيبتها لوحدها وحسستها انها وحشة) (انا شايفة انها حطتني فى موقف مخدتش رأيي حتى ومستنية اني الغي شعوري ناحية الموقف وادعمها ) وفضل الوضع كدا فترة وأنا بينهم كلهم لحد مافركشوا بعد فترة و وبعد فترة تاني M قالت انها عرفت بالصدفة بقالها حبة وبعد ماتخطت الصدمة قالت ل C انها عارفة وخلاص عشان كانت حاسة ان C محرجة منها وبتتهرب منها دايما الحوار دا هز ثقتي في C شوية ومع التراكمات بقي حاسة اني مش عارفه اديها الامان بنفس الشكل تاني بحاول مااظلمهاش وبقول ان يمكن لو كنت مكانها كنت اختارت نفس اختيارها عدى سنة عالحوار دا ونزلت تدريب في نفس المكان الاC بتشتغل فيه بس قسم تاني واعجبت بشخص هناك وكنت بقولها تجيلي دايما وواحدة واحدة اتعرفت عليه عشان هو مكتبه جمبي وبيساعدني لما بعطل فى حاجة بس حاطة حدود بتعامل فالمعقول .. وبعد فترة أنا خلصت تدريبي ومعنتش بنزل الشركة بس اوقات بعدي اسلم عليه وعلي زمايلي الا فالقسم .. وواحدة واحدة بقوا صحاب قريبين أوي وبيروحوا وبييجوا سوا وبيتكلموا علطول لدرجة لما بروح هناك لاي سبب بحس اني غريبة واني طرف تالت او ضيفة ولما قلتلها شعوري انى غريبة قالتلي إن مفيش حاجه من دي وأنا الا شايفة كدا بس بعد فترة لقيته باعتلي انه معجب بيها وقالها وقالتله هنشوف وبيسألني ازاى يتعامل معاها عشان يطمنها فاتكلمت عادى وقلتله مع الوقت والمواقف وانك تدعمها ومتحكمش عليها وهي حساسة شوية فخد بالك من تصرفاتك وكلامك معاها وقلتله ربنا يقدرلكم الخير وقفلت وهي حتى الان مقالتليش حاجة من دا وكان عيد ميلادها والاستوريز بتاعتهم كانت بتقول انهم ارتبطوا انا مش قايلالها على شعوري بس كنت قلت قبل كدا انى معجبه بحد بس مقولتش مين .. وفي مواقف بتقول ان فى حاجة من ناحيتي بس مبرري ليها اني مقولتلهاش حاجة مباشرة بس مستغربة انها مقالتليش حاجة زي دي عدى اسبوع وحتى الان مقالتليش وبتتصرف عادي انا مش زعلانة عليه اد زعلي عليها كدا كدا عارفة انى هتخطاه بس صعبان عليا علاقتى بيها

7

0