خيانة صديقة

Mushroom_74773 🇪🇬

منذ ساعتين

شعور محبط

موضوع:

اتخدعت ف حد قبل كدة؟

عبّر عن شعورك بشكل مجهول

أسوأ حاجة بتحصلي انه بفضل قافلة على نفسي عشان خايفة أتوجع ويوم ما افكر افتح الباب لحد بيدمرني زى ما كان في فيلم غبى منه فيه ( يوم ما تنشن لازم تصيب) كنت بشتغل في اتصالات في اكونت حجز تذاكر سينما كنا اربع بنات بس في القسم انا بقى يازين مااخترت انه تكون صاحبتي واحدة اكتشف في الاخر انها بتعالج عند دكتور نفسي من شيزوفرنيا اللى هو كان فيه اثنين تانين انا كنت بنزلها ايام اجازتى ااقضي اليوم كله في الشركة قاعدة ما بشتغلش بس عشان متبقاش لوحدها الولد اللي أعجبت بيه في الشركة عملنا خطة عشان يخطبها وفعلا خطبها كنت معاها يوم الخطوبة من الصبح كل يوم بعد الشغل كنا بنقعد في كافيه قدام شارعها نرغى ونهزر كنا بنحكى لبعض كل حاجة جيبتلها عروسة المولد وعشان البنات متزعلش جيبتلهم هما كمان بس بتاعتها كانت احلى واحدة وجيبتهالها محجبة كتشجيع انها تتحجب كنت بعتبرها زى اختى فا الدنيا تمشى كدا عادى لا طبعا تبدأ تحصل مشاكل مع خطيبها ويجي يسألني هو فيه ايه واحاول اصالح وللأسف يفشكلوا ويجي ينصحني انى ابعد عنها انها مش سوية وسبحان الله البنات الاثنين التانين يقولوا هما كمان انها بتتكلم في ظهرى وحش من اول ما بقينا أصحاب سنة كاملة وفي الاخر تقولي انها عندها شيزوفرانيا ودا رقم دكتورها لو عايزة اسأله فقدمت استقالتي مابقيتش قادرة ابص حتى في وشها انا بينطبق عليا اغنية اختياراتي مدمرة حياتي

Chocolate_74019 🇪🇬

منذ 3 أيام

شعور مكسور القلب

انا مش عارفه ابدا منين او ازاى بس هو اول سنه تتغير في حياتي للاسوء لما كان عندى 8 سنين امى كانت تضربني بالكفوف وفى بطني وساعات تسحب شعرى وما كان حد يدافعو عني حتى اخويا كانيقف يضحك عليا وانا بنضرب وبدا العزاب الاكبر لما اخويا الكبير اتحرش بيا كان بيستغل اهلى لما يطلعو وكان بيتحرش بيا وانا كنت عارفه

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_72052 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

هاي ي حبايب 
هحكي عن حاجه مضايقاني 
انا كنت مصاحبه بنتين ايام ثانوي 
انا اللي عرفتهم علي بعض وكدا علشان دي كانت صاحبتي والتانيه كذلك 
وقعدنا طول ثانويه عامه سوا 
ودخلنا الجامعه انا وبنت منهم وكنت حريصه اننا نتقابل كل فتره أو كل اجازه علشان مانبعدش عن بعض احنا التلاته 
ف انا كنت واخده بالي أنهم صحاب اكتر مني ...  يعني كرفولي يعتبر 
مع اني كنت واخده سكن مع واحده فيهم وكل حياتنا سوا يعتبر وبرضو كنت بلاحظ أنها بتكرفلي لما التانيه بتظهر 
مش غيره صحاب والله 
بس انا بعاملهم حلو الاتنين 
المهم يعني احنا حاليا في اجازه ف عرفت أن صاحبتها التالته دي هتنقل من بيتها ومش هترجع وقعدت اعيط أنها هتمشي ومش هنتقابل تاني وكنت زعلانه 
وكلمتها قولتلها اول ماتيجي البيت هنا عرفيني علشان نخرج حتي لاخر مره ونبقي سوا 
قالتلي اكيد واجي بس ونخرج وبتاع 
بعدها باسبوعين كدا لقيتها هي وصاحبتي التانيه منزلين استوري أنهم خرجوا سوا بعت للتالته ماسيدج  انك ماقولتيش لي وطنشتها 
امبارح لقيتهم خرجوا برضو سوا 
وماحدش كلمني 
خرجت من جروبنا وقررت امسح ارقامهم ومش هتعمل تاني معاهم كصحاب واخوات وهتعامل كأنهم ناس غريبه وبس كدا ..بس الموضوع فعلا يضايق علشان انا ولا مره طلع مني فعل اصلا هما مش حابينه بالعكس أنا مامتي بتسأل عليهم اكتر مني من كتر مابحكيلها عليهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ أسبوع واحد

شعور وحيد

كنت محتاجة رأيكم بجد انا كنت اتخدعت في صاحبتي وهي اللي بعدت عني فجأة لما كنت تعبت قدامها في الجامعة اليوم ده حسيت انها زهقت مني وبعدين بعدت عني فجأة واتحججتلي مع صاحبتها إن تليفونها مش شغال وهي اون لاين دايما انا لما عرفت انها بعدت عني زعلت جدا شهرين ولأن مش بتهون عليا العشرة بالساهل وهي كانت بتنز

Coffee_68775 🇪🇬

منذ أسبوعين

شعور متعب

Tofu_64726 🇪🇬 لا لازم تسأليها ليه قولتي عليا كدا انا أثرت معاكي في حاجه عشان تقولي متضحكيش علي نفسك وتيجي علي نفسك عشان حد هيا قدرت تنسي انك صحبة اختها روح بروح واتكلمت عليكي ومقدرتش اي عشرة بينكم اختاري راحتك متجيش علي نفسك عشان اي حد انتي عملتي بأصلك وربنا شاهد وعالم

عرض الكل 6 نصيحة

عبّر عن شعورك بشكل مجهول

مجهود ٧ سنين من هروب و مجهود للتعايش و النسيان و التاقلم اتهد انهارده تعالو احكيلكو اللي حصل من ٨ سنين فاتو صاحبه عمري اتوفت في حادثه و كان معاها اختها و اختها اتصابت و انا كان واجبي ابقى معاها واسندها اصلنا ٤ بنات جيران انا و صاحبه عمري و اختها و صاحبه عمرها عشنا مع بعضعمرنا كله بحلوه و مرها المهم طبيعي اكون معاها و اخرجها من اللي هي فيه ما هي وصيه صاحبتي المتوفية اني افضل معاها و مسبهاش مهما حصل المهم كنت مرتبطه و شبه مخطوبه و خطيبي صاحبنا كلنا ف كنت لما بخرج معاه علشان يهون عليا بيصعب عليا اختها و باخدها معانا فجاه اتقرطست و اتقال عليا كلام قذر بمعني الكلمه وانا اخدتها صدمه و بعدت و ومواجهتها اصله هو اللي جه قالي و وراني اسكرينات وانا سكت و بعدت بس مقطعتش معاها هي وصاحبتها ماهما الاتنين اتكلمو عليا و كانو بيخرجو معاه من ورايا وانا كانت بترن ف دماغي كلام صاحبتي المتوفيه متسيبهاش و متبعديش عنها مهما حصل ف قررت التزم الصمت و اتجنب اني اشوفها ولا المحها ولا هي ولا صاحبتها و عدي ٧ سنين و انا افتكرت اني قويه و اتخطيت جت انهارده وانا ماشيه شوفت صاحبتها و كلمتني و عاتبتني اني بعيده اتحججت بشغلي اللي هو مش موجود وسلمت عليها و اخدت رقمي الجديد و قررت اننا هنرجع تاني زي الاول ما احنا ف الاساس صحاب و اخوات و مشيت وانا رجعتلي الاصوات والذكرايات و الاسئله اللي عمري ملقيت ليها اجابه و مشيت منهاره من العياط ف الشارع و مازلت منهاره و تعبانه و حسيت ان مجهود ٧ سنين راح هدر واني منستش و اني كنت بمثل او بكدب ع نفسي علشان اقدر اعيش انا رجعت تاني لتحت تحت الصفر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_70253 🇪🇬

منذ 3 أسابيع

شعور غاضب جدًا

موضوع:

نهاية مؤلمة لعلاقة صداقة

والله كنا سنتين سوا أنا و هي ، و كانت جاية جديد للمدرسة و كانت انطوائية كونها لسه مش عارفه كله ، لكن أنا قربت منها والله فضلنا حتى اكتر من ٣ سنين سوا و حبيتها جداً ، بس بعدها اول م ٣ ثانوي بدأت قربت من الشطار زي ما بيقولوا و بدأت تتجاهلني و تعاملني وحش رغم إن الناس التانية دي كانت بتعاملها وحش برضه

Mango_67775 🇪🇬 احمدي ربنا والله إن ربنا بعدها عنك لأن الشخصيات دي سامه و لو كانت كملت في حياتك زي الاول تقعد تقيم كليتك و تقيم التخصص و تقيم شغلك اللي هتدخليه و تقيم جوزك و حاجات كتير كانت هتبقى مرهقه و مقرفه لو كملت معاكي ف الحمدلله أن ربنا بعدها عنك و لو تقدري تعملي لها بلوك اعملي و ريحي دماغك منها ❤️

عرض الكل 1 نصيحة

Olive_69842 🇪🇬

منذ 3 أسابيع

شعور عاطفي

كنت سمعت جمله _اتقي شر من احسنت اليه_كان عندي صاحبه كانت كويسه جدا وطيبه معايا بس عندها اخ تعبان او من ذوي الاحتياجات الخاصة بياخد مصاريف كتير جدا عشان علاجه وهي مش بتضغط علي باباها في موضوع الفلوس وباباها بيقولها روحي الدرس مشي هي كانت بتصعب عليا فكنت بركب انا وهي تاكسي وانا الي بدفع كل مره وبعد ما

Pineapple_69990 🇪🇬 اسأليها حصل اي وشوفي هتقولك اي متعرفيش ممكن البنت التانيه دي قالتلها حاجه عنك مثلا متعرفيش ولو مش كدا ابعدي عنها وعادي لسه هتشوفي ف حوار الصحاب ده كتير ربنا يحميكي ويوفقك ف اللي جاي

عرض الكل 12 نصيحة

Popcorn_47130 🇪🇬

منذ شهر واحد

شعور مستنزف

حاسه مفيش حاجه اقولها بس هفضفض شويه. عارفين شعور ان يكون شخص مفكر نفسه ملاك وانه مش بيعمل حاجه لحد وكله آذيه وهو اصلا اللي بيأذي الكل بس مش جسديا او اي حاجه لالا الاصعب بقا. نفسيا. بجد دي اصعب حاجه ممكن تشوفها . انا كان ليا واحده صحبتي حصل بينا مشاكل كتيره موت واتأذيت منها نفسيا ف قررت ابعد بس لا

Strawberry_40044 🇪🇬

منذ شهرين

شعور وحيد

عبّر عن شعورك بشكل مجهول

انا مصدومة جامد من فترة لحد الآن كنت في آخر اولى جامعة اتعرفت على بنوتة معايا المهم قعدت تمثل عليا دور الصداقة وانتي اختي وصاحبتي وكل اللي ليا المهم قالتلي في سنة تانية هنكون مع بعض اخوات وأصحاب وعمري ما هبعد عنك  لاخر العمر انتي كل حاجة ليا المهم انا انجذبت لطريقتها واعتبرتها صديقة بجد كانت كل يوم تسأل عليا  وانا أسأل عليها مكنتش مدلوقة عليها في الاول لكن لما قعدت تلفني انجذبت لها اكتر وحكيتلها حاجات عني الشخصية المهم كان عندها صديقة قبلي بتعبرها My world بالنسبة لها فلما حكت عني لصدايقتها دي صديقتها اضايقت ازاي حد يصاحبها غيرها 
وبدأت احبها حب مش طبيعي عاوزة اكلمها طول اليوم لكن هي في محافظة وانا في محافظة بقولها انتي اختي وصاحبتي وكل حاجة ليا كنت انا اللي بجري وراها  حاسة إن انا مدمنة صداقتها  واقولها انا متعلقة بيكي ليه كده يا بنتي انا بحسك اختي اللي من دمي قالتلي لو سحر متفكهوش  المهم في الوقت ده قعدت استفرغ جامد اسود المهم الدراسة بدأت فقالتلي انتي هتنزلي وتجيبي المحاضرات وتبعتهالي المهم علشان بحبها ويعتبرها اختي مش صاحبتي فكنت بوافق وببعتلها المحاضرات ففي قالتلي انا نازلة الجامعة فرحت إني هشوفها جداً اليوم اللي شوفتها فيه قعدت استفرغ جامد وبعدين استغربت اشمعنا دي اللي بستفرغ لما بشوفها هي لما شافتني بستفرغ محبتش تكلمني تاني فبعدين لما بقتش تنزل الجامعة اتصلت بيها 9 مرات وبعتلها مسدجات مردتش عليا وبعتلها عاملة اي انتي فين يا بنتي قلقانة جداً عليكي المهم لقيتها فتحت ومردتش عليا وهي اون لاين وشالت البروفايل فجأة من قدامي واخر ظهور ليها  على الواتس فبعدين انهارت جامد لقيت صاحبتها دي اللي هي صديقتها اووي جات تقولي معليش تليفونها بايظ مش بتعرف تكلمك وهي بتكدب طبعاً لاني يشوفها اون لاين فبعدين لقيت صاحبتها دي بتنزل استوري أنها متصورة معاها وتقولها الحمدلله احنا اتنين مفيش بينا تالت المشكلة أنها خاصمتني بدون سبب لما استفرغت وتجاهلتني لما بعت اطمن عليها حقيقي نفسي يتردلها وتعرف صاحبتها على حقيقتها لأنها خذلتني 
انا بعدت عنها اصلا لكن نفسي يتردلها  اصلها خذلتني,

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ شهرين

شعور وحيد

Chilli_48447 🇪🇬 دى أصلا من الاساس مبنفعش يتقال عليها صحبتك ولا تنفع تبقى صديقه وخلى بالك ان قليل جدا لو لقيتى بنت بتحب الخير لبنت تانيه صعب تلاقى كده والمشكله كلها انك مش عايزه تبقى لوحدك وتتسابى لدماغك

عرض الكل 4 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59795 🇺🇸

منذ شهرين

شعور مكسور القلب

خسرت صاحبتي بعد عشره كذا سنه قالت كلام ماكنتش اتخيل اسمعه اكتشفت اد ايه غيرانه وحاقده عليا كانت بتعرفني عشان اخرجها واصرف انا اول ما الدنيا قفلت معايا معرفتنيش وقالت انا اللي مقتصره عنها واتكلمت عني وحش قدام ناس تانيه حزينه فعلا

Watermelon_59604 🇪🇬

منذ شهرين

شعور وحيد

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا. أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا. أنا كنت بحبها حب مش

عبّر عن شعورك بشكل مجهول

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا.

أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا.

أنا كنت بحبها حب مش عادي، كنت هموت من الزعل والعياط لما عرفت إنها هتسافر وهنبعد عن بعض. ويوم خطوبتها عيطت، ولما هي عرفت، قالت: "آه، دي صاحبتي لما عيطت كانت غيرانة ومش بتحبني، وإنها أنانية..." وحاجات كتير غلط ووحشة اتقالت عني، وأنا مكنتش أعرف إنها شايفة كده.

كانت بتخبي حاجات كتير عنهم، بس ده مش المهم دلوقتي. المهم إن بعد حوالي شهرين خطوبتها باظت، ووقتها بدأت تعاملني بطريقة وحشة جدًا. فقررت أسيبها وأبعد.

بس هي بدأت تشتكي للناس وتقول إني بعدت عنها وهي في فترة صعبة في حياتها، وإني إنسانة وحشة. وبعد فترة، أنا مقدرتش أستحمل البعد، ورجّعتها تاني، وحاولت أتصالح معاها.

وكان فرحي قرب، مكنش باقي غير شهر، والشهر ده كان صعب جدًا عليّ. مع إننا رجعنا نتكلم، بس حاجات كتير بوظت. هي جت فرحي، رقصت وتهيصت وعيطت، كأنها بتثبت للناس إنها جات وعيطت، وخلاص.

بعد الفرح، اختفت تاني، وبعدت عني، وفي الآخر عملتلي بلوك.

أنا مش متخيلة إننا كنا أصحاب بقالنا ١٠ سنين، وتعمل كده فيا... أنا كنت بحبها، ولسه بحبها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_57212 🇪🇬

منذ شهرين

شعور غاضب

Potato_27813 🇪🇬 هو يعني انتي مكنتيش بتتكلمي معها و هي كانت نايمه تحت البيت عندك ما هي كمان مكنتش بتتكلم و جت بطريقه غير ناضجه ترمي اللوم عليكي كله لوحدك صدقيني أفضل حاجه انك تمسحي البنت دي من حياتك خالص و تعاملك معها يكون سطحي جدآ و ربنا يعوضك بناس تانيه أحسن 🤍

عرض الكل 5 نصيحة

عبّر عن شعورك بشكل مجهول

عندي واحده صحبتي اتعرفت عليها عن طريق الشغل عرفت بالصدفه انها تعبانه نفس تعبي ودي حاجه خلتنا نقرب اكتر هي بتحبني وانا عارفه كدا كويس بس هي ليها صحابها التانين يعني انا مش اختيار اول ليها ودا مش مضايقني اللي مضايقني ان علاقتنا كانت عباره ان انا اللي بتكلم بس هي كانت بتدخل تكلمني كل يوم تطمن عليا اقولها الحمدلله تقولي يارب دايما وانا اعيد نفس الكلام وكنت ساعات بفتح كلام معاها مع اني معرفش افتح كلام مع حد وكنت بتكلم عن نفسي وعن مشاكلي دايما ومعرفش حرفيا اي حاجه عنها مع اني بقولها علطول اتكلمي معايا وهسمعك بس كانت بتلمح ان ليها ناس تانيه تتكلم معاهم.
كان عندي امتحانات من قريب وهي كانت بتطمن عليا كل يوم لحد ما في مره عملتلها رياكت علي اخر مسدج ومفتحتش كلام تاني وهي كمان مفتحتش كلام وكنا بنشوف استوريهات بعض وكدا لحد ما دخلت كلمتني ف العيد وكانت متضايقه ان احنا مبنتكلمش قولتلها ان انا كنت مشغوله ف الامتحانات والتنضيف مع ماما وكدا وقالتلي مش لاقيالك مبرر عرضت عليها ننزل يمكن اقولها اللي مضايقني اي فعلا مرضتش وانا اعتذرتلها وقولتلها مش قصدي وكدا راحت باعته استيكر وبعدها بيومين لاقيتها ماسحه رقمي واللي اكدلي اني شوفتها منزله استوري وصحبتها منزلها عندها.
انا المفروض هشوفها يوم التلات عشان عندنا مناسبه وكدا ومتضايقه اوي من اللي عملته انا المفروض اشرحلها ولا لا واسفه لو طولت عليكوا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_58004 🇪🇬

منذ شهرين

شعور لا مبالٍ

موضوع:

اتخدعت ف حد قبل كدة؟

انخدعت من اقرب صاحبه عليا عشره تكتر من عشر سنين كنت معتبرها امي كنت مامنلها وبحبها اكتر من امي واخواتي بس انا بجد ندمانه جدا بجد كنت بثق فيها اكتر من اي حد في الدنيا دي بس خلتني مثقش ومامنش لي حد بعد كده

Blueberry_57280 🇪🇬 قولي الحمدلله انها بانت على حقيقتها 🤍

عرض الكل 13 نصيحة

Apple_72583 🇪🇬

مشكلتي إني بأسامح الناس بسرعة وبعتذر وانا مش غلطان

أنا م عارفه اعمل اي عندي مشكله ف شخصيتي ف ناس قريبه مني تعرفها وف ناس لا هي مشكله كبيره جدا بحسها لاني لو حد عرفها ممكن يجي عليا جامد او يستغل الحته دي عندي المشكله هي اني عندي قدره اني اسامح الناس بسرعه جدا وبطريقه غريبه اوى ومهما عملوا ممكن اضايق واتعصب لكن بعديها بشويه بحس حاجه بتزقني كدا عشان اكلمهم واصالحهم حتي لو هم غلطانين ف حقي ودي الكارثه اني بمكس نفسي بالعافيه انا م قاسيه عندي حنيه الدنيا كلها فقلبي انا معرفش لي انا كدا معرفش والله انا حابه كدا وكاره كدا ف نفس الوقت لاني بحاول اخلي الناس تحترمني ومحدش يقلل مني او يجي عليا لاني انا بحاول اتغيىر عن زمان لاني زمان كنت حرفيا شخصيه غريبه جدا ولا بعرف ازعل لوقت طويل ولا بعرف احط حدود لحد ف انه يزعلني او كذا انا نفسي اعرف ازاى اتماسك واقسي قلبي شويه وابطل الحنيه اللي بتدفعني اني اكلم الشخص او اعتذرله واطلع نفسي غلطانه رغم اني م غلطانه عشان قال اي بخاف ع مشاعره انا بحس كدا بجد كرهتني 💔 ...عرض المزيد

1 الدعم

8 نصيحة

Strawberry_71387 🇪🇬

تعبت نفسيًا من صدمة التحرش اللي مريت بيها

السلام عليكم ورحمه الله وبركاته حابه اقول مشكلتى يمكن ارتاح او حد يقدر يفيدنى بنصيحه ،انا دلوقت بنت 19سنه وانا طفله شوفت بعينى حالة إغت*صاب ولما الشخص دا شافنى كان معاه ل سكينه ل مطوه مش فاكره كنت بحاول اهرب ووقعت وعورنى ف رجلي بجد انا واقتها مش هقلوكو حالتى كانت عامله ازاى مكنتش عارفه تكلم ٣ ايام ،محكتش لحد طبعا زدا انا ندمانه عليه انى محكتش جيت لما كبرت شويه كنت ف ٤ او ٥ ابتدائى اتعرضت ل حاله تحرش ان ابق ف مكان وواحده يحاول يعتدى عليا انا افتكرت الموقف الى شفته وحرفيا جسمى اتخشب من الصدمه والشخص دا كان هيتطاول ويبوس*نى بس الحمدالله مرا واحده بعد عنى ، ف اولى ثانوى نفس الكلام اتعرضت لحاله تحرش واحد جه قعد جنبى انا اتصدمت لما لاقيته بيمدح فيا وانا ببعد وهوا يقرب انا بجد حاله الصدمه بتجيلى ومش بقدر اتكلم ولا ااعمل اى رد فعل وقبل ما يحط ايدو عليا فوقت وزعقتله ونزلت علطول ولما نزلت اغمى عليا ،انا تعبت نفسيا من الى حصلى وكل مافتكر الى مريت بيه بتعب اكتر بقيت اشمئز من اى ولد او لو مثلا ف موصلات حتا لو واحد كبير قد جدى قعد جنبى بقعد اعيط ودماغى بترسم سيناريوهات انا تعبت بجد ممكن حد يفيدنى او يهون عليا انا بجد يشهد ربنا لبسى كويس جدا واسع مش ببين شعرى حتا ولا بحط ميكب ولا كريم حتا ...عرض المزيد

2 الدعم

2 نصيحة

Corn_74795 🇪🇬

حياتي اتخربت في ليلة.. واتخدعت من صحابي

انا اول مره ف حياتي اقع ف موقف زاي دا و خلاني فعلا معرفتش افكر كنت مفكر ان كل حاجه سهله و مفيش حاجه صعبه عليا تخليني اكتأب و احسن ان حياتي ادمرت ف يوم و ليله ممكن حياتك كلها تتغير و تتلغبط و متبقاش عارف تعمل اي كل دا ف لحظه من عمرك و ف اللحظه تبينلك مين الجمبك و مين العامل نفسو جمبك و البيقول انو بيحبك بجد محدش هيحس ب الانا بقولو دا غير الكان ف قاعده و القاعدة كلها كدابه... أنا متعود ان انزل اقعد مع صحابي ع القهوه كل يوم و نهزر و نضحك و الدنيا جميله و مفيش اي حاجة كررت ف يوم ان اخد عربيه ابويا و انزل بيها مع صحابي ساعه ولا حاجه و ارجعها و نسيت البس النضاره أنا نظري ضعيف حبتين المهم خدت العربية و نزلت لفيت بيها و ماشي براحه خالص لحد مقالو عايزن نشتري حاجه من السوبر ماركت أنا ببص معاهم آنهي واحد ولا فين لقيت نفسي عملت حدثه ف عربيه مركونه أنا معرفش مشوفتهاش آزاي ولا اي الحصل أنا لقيت مره واحده لبست فيها و العربيه مركونه بطريقه وحشه آوي يعني أصلا 60 ف الميه هو غلطان و ف نفس الوقت انا كنت المفروض اركز و أخد بالي كويس من الطريق المهم عملت الحدثه وكان معايا 2 صحابي واحد قالي اجري متقفش و التاني قالي اقف كدا كدا هما عارفنا أنا طبعا من التوتر و الخوف جريت و هديت بعيد شويه و وقفت ابص ع العربيه اتخضيت لقيت العربيه متبهدله حرفيا من قدام و ابويا مامني عليها و كنت خايف اقولو و للعلم مش خايف منو انا خايف عليه اوي ان يحصلو حاجه و مرعوب عليه ف انا طبيعي مش هقولو و بدات افكر هعمل اللي ولا انيل اي لقيت الناس بيتصلو ع صاحبي بيقولو تعالو احسن عشان الراجل صاحب العربيه مكبر الموضوع و عايز يحبسني انا طبعا اتخضيت أول مره اتحط ف حاجات زاي كدا ف ركنت العربيه و روحت للراجل طبعا صاحبي التاني القالي اجري دا قالي سبني انا هكلم قولت ماشي و انا ف نفس الوقت مش قادر اكلم حرفيا حاسس بوجع ف قلبي جامد و مش عارف أعمل اي حرفيا ساكت بس ف لقيت الراجل بيقول العربيه هتكلف 3500 و انا بنزبالي دا رقم انا مش شغال ف صاحبي قالو خليهم 3000 طبعا حتي لو كان قالو 500 انا مكنتش عارف اتصرف و فنفس الوقت مش عايز اعرف ابويا صاحبي التاني قال متقول ل ابوك و ريح دماغك قلت لا و بتاع و قعدت اعيط لحد مقالي التاني بيع فونك و صلح الاتنين عربيتك و عربيته عشان ابوك ميعرفش و نسكت الراجل التاني طبعا انا مش عايز ابيع الفون الفون دا غالي عليا و مش هعرف اجيب زايو تاني خدت الفون و سالت عند كزا حد قالي مش بشتري الفون دا و بتاع روحت خدت العربيه و نزلت وادي الملوك ع اساس ان الاقي حد يشتريه و كدا و انا مش عايز اعمل كدا بس مجبر و كنت مبطل السجاير بقالي 3 شهور و رجعتلها ف اليوم دا المهم سبت عربيتي تتصلح لحد مبيع الفون و كنت خلاص ف موقف اجباري لحد مظهر واحد صاحبنا تآني قال انا هشتريه و انا عارف ان هو عينه منو من زمان المهم قعدت اقول لا و بتاع و اتحايل ع دا يشوفلي حد بيسلف و دا يديني فلوس و انا عارف ان معاه بس هعمل اي بقا المهم الواد خدت منو الفلوس و بدل معايا الفون عشان معهوش المبلغ كلو اداني 5000 و اداني فونو و خد فوني كنت هبوس ايدو كدا يسلفهملي لا استغل الانا فيه و خد مني حاجه هو عارف ان دا كل حاجه يعتبر معايا و الفون عجبني و اتفقت ان و هو ان هيرجعه تاني لما الفلوس تحضر و هو مش عايز يقولي يعم انا اشتريت مش هرجع للفون دا اتخدعت ف اكتر واقت كنت المفروض الاقيهم جمبي بس جم عليا ف الوقت دا و من ساعتها حلتي صفر و مش طايق نفسي و مش عارف اعمل اي ...عرض المزيد

3 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع