مش هقدر اقول غير الحمدلله بس ف نفس الوقت انا بشر.. بالرغم من البوست اللي انا نزلتة من شهرين وجزء من اصعب تفاصيل حياتي اللي مريت بيها الا ان من فترة جالي اصابة ف الچيم فكان لازم اعمل عملية وكنت عمال أجل فيها.. لحد ما الواجع زاد قولت هروح للدكتور بس الدكتور طلب مني تحاليل بعد الكشف علي الرغم اني عملت نفس العملية من 8 سنين فقولتلة ليه يا دكتور انا عارف انها اشاعة بس مش تحاليل قالي لازم نطمن كل ما بنكبر ف السن لازم نتطمن.. عملت التحاليل و روحتلة بيها... وكانت تالت صدمة من اصعب صدمات حياتي قالي اني مش هينفع أكون اب وربنا مش كاتبلي اني اكون اب وقتها حسيت اني مش شايف يعني ولا ام ولا اب ولا خال ولا عم ولا حتي ابن يعني انكتب عليا اتحرم من كل حاجة بقيت حاسس اني عايش عشان اتوجع واتقهر بس عارف ان دة ابتلاء من ربنا بس غصب عني مابقتش قادر عمال افكر طيب انا هكبر واعيش لوحدى طيب لو مت هموت لوحدى ماحدش هيفتكرني يعني عايش منسي وهموت منسي ولا ليا حد يفتكرني ولا يترحم عليا هكمل عمري لوحدى يعني لو تعبت مش هلاقي حد استند علية اللهم لا اعتراض بس انا بشر و فوق طاقتي بجد انا عمري ما حد قالي مالك فيك ايه انت تعبان انت كويس طيب اكلت عمري ما حسيت بدة موجود زى مش موجود انا بقيت اخد كمية منوم عشان انام وابطل تفكير كفاية اني عارف اني ميت وانا لسه عايش والله تعبان بجد

0

12