من حوالي ٦ او ٧ شهور اتصاحبت على واحده كنت عرفاها من زمان بس مكناش بنتكلم يعني اللي هو بنسلم على بعض وبس . المهم ان احنا قربنا من بعض جدا و كنت بحكيلها على كل حاجه و كنت برتاح ف الكلام معاها و هي كانت كويسه اوي معايا بجد و كانت بتخاف عليا جدا وكنت بحكيلها عن صحابي القدام واللي عملوه فيا و كانت بتفضل تقولي على صحابها اللي كانت مصاحباهم و اتغيروا معاها و بعدين اتغيرت فجأه و بقت بتعاملني وحش بدون اي سبب و بعدين افتركت ان فيه واحده ف دفعتنا كانت ماشية معايا انا وصحبتي وكانت بتحكي انها اتغيرت معاها قلقت اوي ساعتها ان هي تطلع وحشه ولما كنت بسألها فيه حاجه مضايقاكي او حد زعلك او اتخانقتي مع حد كانت بتفضل تقولي لأ و تحلفلي و الموضوع كان كل شويه يزيد و طريقتها تزيد المهم جيت ف يوم نزلت استوري كان واحد بيقول مش معنى اني بسمع مشاكلك يبقى ده يسمحلك انك تكلمني بطريقة وحشه و بعدين دخلت قالتلي ده مين ده ودخلت كلمتني ف موضوع تاني كده المهم بسبب كلامها اللي استفزني ده عاتبتها على كل اللي بتعمله معايا و المواقف اللي كانت بتكلمني فيها وحش وفضلت تقولي كلام زي الزفت بجد وفضلت تقلب الترابيزه وفضلت اقولها طب انا عملت معاكي ايه غلط مكانتش بترد على المسدج ولما بعتلها نفس الكلام تاني عشان ترد قالتلي انتي كلك غلط والله ملحوظه: انا عمري م كلمت حد بطريقه مش كويسه وكل الناس عارفه اني طيبه و بتكلم مع كل الناس حلو حتى لو الناس دول كانوا بيتكلموا عليا و بيفضلوا يقولوا عليا سويت توكر و بيقولولي ان انا بنقى الكلام اللي بقوله مش بقول اي كلام يجرح حد حتى وانا متأكده ١٠٠% ان انا عمري م عملت اي حاجه تضايقها المهم نهينا الكلام ان خلاص كده احنا مش هنبقى صحاب تاني . ف انا خدت فيها صدمة حياتي بجد .كنت بقول اكيد مش هنفضل صحاب فتره طويله زي الباقي بس مكنتش متخيله ان احنا هننهي صحوبيتنا دي كده . المهم انا مبقتش عايزه اثق ف حد تاني وحاسه ان انا بقى عندي تروما من الناس كلها و مبقتش بحكي لحد حاجه عن حياتي من رأيكوا هل الناس تستاهل اني اديها ثقة ولا لأ

4

0