اتعرفت على واحد من فترة كنا مع بعض فى هواية محددة وهو متدين جدا ربنا يبارك فيه بس بشكل ما حبينا بعض واعترفنا مفيش بينا مقابلات او اى حاجة فقط مكالمات وهو اكبر منى بسنة واحدة بس وهو كلية طب وقدامه شوية عما يتكلم فى خطوبة وهكذا وحصل تذبذبات فى علاقتنا بسبب العقيدة واننا عارفين اننا بنعمل حاجة غلط وسيبنا بعض كذا مرة بس فى الاخر بنرجع لبعض وبيبقى كل مرة اقوى من المرة اللى قبلها بنحس اننا بنقرب وبنتعلق ببعض اكتر وهو اخر مرة لما رجعنا لبعض بكى وقالى انه حاسس انه مكنش عايش وانه مش هيسيبنى تانى ابدا ومش هيقدر على بعدى .. الشهر اللى فات كلمته وقولتله انى فعلا خايفة من البعد بس هو التصرف الصح لقيته متمسك بيا اكتر ورافض يبعد تماما وانا طبعا بضعف قدامه وكملت وخلاص خدت كلامه اننا مش هنبعد عن بعض واتعلقت بيه ذيادة حتى فى الصلاة بدعى ربنا كتير يجمعنا ببعض فى الحلال بس الموضوع صعب حاليا هو كلمنى وقالى انه كان عايز يسيبنى مع اول الدراسة عشان يتلهى عنى فى المذاكرة وانا حاليا حاسة بخيبة ومش قادرة ابعد بس قدامه قولتله انى مش هستنى لاول الدراسة وممكن ابعد دلوقتى عادى وهو رافض النقاش فى الموضوع دا حاليا ومش عايز يتكلم فى الموضوع من الاساس اعمل ايه 😐

3

8