انا ادبي اتمنيت ٩٠٪ اتوقعت٨٥٪ جبت٦٨٪ يوميها مكنتش مصدقه نفسي وكنت متاكده اني مظلومه الكلمه الوحيدة اللي كانت على لساني "دي مش نتيجتي" نسيت كل حاجه نسيت الرضا بقضاء الله وان كل اللي يجيبه لربنا خير لاني شايفه ان حلم سنه كامله ضاع كنت منهاره وانا بقول دي مش نتيجتي طبعا انتو اتخيلتو ان اهلي كانو واقفينلي بالحزام وكدا لا بالعكس امي قامت زغرطت واتصلت بالقرايب والحبايب واخواتي فضلو جنبي يحلفولي ان نتيجتي حلوه وتدخلني كليات ادبيه كتير وانا منهارة وبعيط لسه فاكره اخويا الصغير ٨سنين مش فاهم هل دا وحش ولا حلو بس قاعد بيطبطب على ضهري وبيعيط واختي الكبيره بتجملي الواقع وبتحلفلي ان مجموعي حلو خالص واختي اللي داخله اولى ثانوي بتحلفلي ان مجموعي حلو وبتقولي فين الرضا بقضاء الله يملك انتي نسيتي انه لا ييأس من روح الله الا القوم الكافرون. كنت كل ما اسمع كلامها انهار من العياط اكتر لاني مرضيتش بقضاء الله فضلت تواسي فيا ولما لقت اني بنهار اكتر مش بسكت دموعها غلبتها وقعدت تحلفلي ان مجموعي حلو، ف وسط منا بعيط حاجه جوايا قالتلي بصي حواليكي وركزي وبصيت فعلا ولقيت كل واحد خايف على زعلي بعد ما كنت مفكراهم بيكرهوني واني مش مهمه بالنسبالهم وان لو حد تاني كان قعد يحط اللوم عليا ويزود عليا المواجع بينما هم مهتموش هل المجموع وحش ولا لا قد م قعدو يخففو عنا وشفت فرحة امي وهي بتزغرط وقلت ف نفسي مش لازم عوض ربنا يكون في النتيجه او حاجه واضحه قدامك يكفي انك عندك اهلك خافو عليكي ومخافوش من كلام الناس، وقلت حرام عليكي تكسري فرحتك وتكسري فرحتهم معاكي وقتها مسحت دموعي واتصنعت الابتسامه وقمت اهزر واضحك معاهم عارفه اني لسه متشافيتش من الصدمه لحد دلوقت بس متاكده ان العوض جاي في اللي هيختاره ربنا

5

7